VOV4.K’ho- Drim òr (20/07), Mpồl đơng lam rơcang sơndră mờ kòp Covid-19 càr Kon Tum bơyai lơh pơrjum mhar mờ 10 kơnhoàl, ƀòn dờng tàm càr bè 2 nă cau geh gŏ mờ virus Sars CoV-2 sơnrờp ngan geh gŏ tàm càr do bơh sơnrờp gơtìp kòp mờ tơnguh broă rơcang sơndră mờ kòp tàm bơta pa càr dê.

Hìu sơnơm Y dược Cổ truyền-Phục hồi chức năng càr Kon Tum sơm ală cau gơtờp virus Sars CoV-2

Jơh 2 nă cau F0 do ndrờm geh tam cah is tơn tŭ mŭt tàm càr mờ gamj sơm kòp tàm hìu sơnơm kơnhoàl Kon Plông mờ hìu sơnơm Y dược Cổ truyền- Phục hồi chức năng càr Kon Tum. Tàm dơ̆ pơrjum mhar geh pờ tơlĭk tơn tàm internet mờ 10 kơnhoàl, ƀòn dờng tàm càr, Mpồl đơng lam rơcang sơndră mờ kòp Covid-19 càr Kon Tum neh đơng lam lơh jăt broă tơnguh broă rơcang sơndră mờ kòp tàm bơta pa càr dê. Càr sồr tơnkah gơnoar atbồ 10 kơnhoàl, ƀòn dờng tàm càr do tàm broă sền gròi cau rê bơh ală tiah gơtìp kòp mờ ờ lời gơtìp sơlơ̆u wơl tàm tiah tam cah is sơm kòp ală cau F0 in.

Cau mblàng Ndong Brawl