VOV4.K’ho- Ală dơ\ trồ mrềt pa do neh lơh 257 nơm rơpu, kơn rồ tàm kơnhòal Kon Plông, càr Kon Tum gơtìp chơt. Mùl màl, geh 8 tàm 9 xã, thị trấn bơh kơnhòal Kon Plông dê geh rơpu, kơn rồ gơtìp chơt tài bơh trồ mrềt. Tu\ do mìng gam xã Đăk Nên là ờ hềt geh hoàc huơr. Ală xã geh rơpu, kơn rồ chơt ua\ geh: Măng Bút 86 nơm, Hiếu 66 nơm, Pờ Ê 58 nơm, thị trấn Măng Đen 22 nơm. Jat gah lơh sa suơn sre kơnhòal Kon Plông pà git, jơnau lơh phan ròng dờng gơtìp chơt là tài bơh trồ mrềt. Khà phan ròng 4 jơng gơtìp chơt ua\ ngan là ală rơpu, kơn rồ neh kra mờ kòn bè, kòn pa deh. Bơdìh mờ hơ\ ua\ cau ròng phan kung gam geh bơta mờng quèng ting lềng phan ròng ờ git rơcang lài sền gròi, rơcang sơndră jơgloh, trồ mrềt mờ prap lài phan siam phan ròng in.

Cau mblàng K’Duẩn