VOV4.K’ho- Tàm ală ngai bồ nam 2019 tàm càr Kon Tum, kòp sồt mbùng gơtă nđias neh bơtờp uă tàm mpồl sur bơh 4 hìu bơnhă ròng sur gơ wèt kơnhoàl Đak Hà, Đak Tô lơh 182 nơm sur kòp pal tơp pơrgu\c. Mờ uă ngan khà mpồl sur ờ geh ci\t sơnơm rcang sơn dră kòp, broă atbồ gam ờ hềt pràn, càr Kon Tum gam pal kong mờ bơta digơlan kòp sồt mbùng gơtă nđias kòp bơtờp ua\ tàm mpồl sur.

Mơ kờp jơh mpồl sur mờr 4.000 nơm, xã Đăk La là tiah lam lài tàm kơnhoàl Đăk Hà, càr Kon Tum bè ròng sur. Mơya kung tàm xã do, 2 nam pa do sùm gơlik geh kòp sồt mbùng gơtă nđias tàm mpồl sur.

 Ồng Đỗ Học, Kuang atbồ Mpồl lơh sơnơm phan ròng xã Đăk La pà g^t jơnau gơbàn:

 Xã geh ròng ua\ la xã ròng uă mpồl sur mơya broă ci\t sơnơm rcang sơn dră kòp sồt mbùng gơtă nđias là ờ geh. Den là ờ go\ ci\t sơnơm rcang sơn dră. Den tàng bè hơ\, kòp sồt mbùng gơtă nđias buơn ngan gơlik geh.

Càr Kon Tum tu\ do kòp jơh mpồl sur geh rlau 131.000 nơm, mờ uă ngan geh ròng rah rài. Bulah bơta phan ròng do là jơtài phan bơna dờng ngan rlau jơh pah hìu bơnhă dê, mơya ală làng bol ờ go\ c^t sơnơm rcang sơn dră kòp sồt mbùng gơtă nđias ai mpồl sur in.

Tàm tu\ hơ\, ồng Phạm Ngọc Hiếu, Chi cục trưởng Chi cục phan ròng mờ lơh sơnơm phan ròng càr Kon Tum pà g^t, mpồl sur den ờ go\ di là phan ròng geh c^t sơnơm rcang sơn dră bơh Broă lơh dà lơgar rcang sơn dră kòp sồt mbùng gơ tă nđias:  

Broă lơh dà lơgar rcang sơn dră kòp sồt mbùng gơtă nđias tơngai bơh nam 2015-2020 den phan ròng geh c^t sơnơm rcang sơn dră kòp sồt mbùng gơtă nđias là ai rơpu, kơnrồ in. Ai sur den ờ go\ di là phan ròng geh c^t sơnơm rcang sơn dră kòp, den là jơh mpồl sur ờ geh c^t sơnơm rcang sơn dră kòp.

Anih ròng sur gơtìp kòp sồt mbùng gơtă nđias tàm kơnhoàl Đăk Tô   

Bal mờ broă c^t sơnơm rcang sơn dră kòp gơbàn lời ha pah den broă rcang sơn dră kòp sồt mbùng gơtă nđias tàm mpồl sur tàm càr Kon Tum kung gam geh bơta ờ hềt pràn. Uă ngan hìu bơnhă ròng phan, kuang bàng lơh sơnơm phan ròng mờ gơnoar broă bơh kơnă hơđơm gam geh nùs nhơm mpồn kòp. Broă gròi sền kòp tàm ală hìu bơnhă ròng dềt, rah rài mờ jơh ală anih ròng sur uă là ờ hềt lơh niam. Tàm dơ\ gơbàn kòp bơtờp sồt mbùng gơtă nđias tàm mpồl sur pa do tàm kơnhoàl Đak Tô, 8 nơm sur gơbàn bơtờp kòp neh geh jun tàm anih lơh poăc phan ròng tơrgùm tàm kơnhoàl dê.

Ồng Lê Đức Hùng, Kuang atbồ Anih ròng phan mờ lơh sơnơm phan ròng kơnhoàl Đăk Tô, đơs bè do:

Hìu bơnhă lơh poac tu\ blơi sur rê kung ờ g^t geh sur kòp. Bơta kòp den geh lài tàm anih ròng sur. Tu\ jun rê tàm anih lơh poăc den tàm tu\ ròng tơrgùm bal, hơ sồng sur bơtờp kòp mờ gơbàn kòp uă.

Kòp sồt mbùng gơtă nđias tàm mpồl sur gơlik geh uă tơn tàm bồ nam 2019 lơh gah lơh sơnơm phan ròng mờ gơnoar atbồ 2 kơnhoàl Đak Tô, Đak Hà bơh càr Kon Tum dê neh pal tơp pơrgu\c 182 nơm sur kòp mờ kờp khà kơn jơ\ là rlau 11 tấn.

Bulah gah lơh sơnơm phan ròng tàm tiah do neh mhar ngan ai uă broă lơh rcang sơn dră kòp, mơya gam geh uă bơta ờ pràn, den tàng bơta digơlan bơtờp kòp sồt mbùng gơ tă nđias bơtờp uă tàm mpồl sur tàm tiah do là uă ngan.

Cau mblàng K’ Hạnh