VOV4.K’ho- Bulah ală gah lơh broă geh gơnoar kơnhoàl Ea Súp càr Dak Lak neh lơh pràn broă rcang sơn dră kòp jê ndul gơ jroh sur châu Phi, mơya kòp kung gam gơlik jat broă lơh kal ke, gơlik kal ke ờ gơtùi g^t lài mờ ngai sơlơ bơtờp tàm uă tiah.

Lòt tus thị trấn Ea Súp, tiah làng bol gam kơlôi rơngòt tài kòp jê ndul gơ jroh sur châu Phi hơ\ sồng g^t wă bơnah lơi nùs nhơm bơh làng bol dê.

                        Tơ\p pơrgu\c sur gơbàn kòp jê ndul gơ jro sur châu Phi tàm ù tiah thị trấn Ea Súp

Mìng rlau 10 ngai kờp bơh ngai g^t go\ kòp bơh ngai 3/7 pa do, tus tu\ do, jơh thị trấn pal tơ\p pơrgu\c mờr 70 nơm sur bơh 26 hìu bơnhă làng bol dê. Mìng is tàm ngai 12/7 pa do, tiah do geh tus 9 hìu bơnhă gơtìp aniai bơh kòp, mờ pal tơ\p pơrgu\c 22 nơm sur.

Rlau 10 nam do, broă ròng sur sơntìl bơkiar neh dong hìu bơnhă bi Nguyễn Trọng Luật (ơm thôn 9, thị trấn Ea Súp) geh tai priă jền ngui sa tàm rài kis. Mơya tu\ do, jơh mpồl sur (2 nơm sur me, 5 nơm sur kòn) bơh hìu bơnhă bi dê, pal tơ\p pơrgu\c jơh tài bơtờp kòp.

Tàm hìu bơnhă neh sèt, bi Luật jê nùs đơs: “ bol a` bơcri priă uă ngan nàng ròng sur kơ\p ngai tăc geh priă cồng, mơya sur me pa deh ờ hềt jo\ den neh gơbàn ờ gơtùi sa, geh tềl tơngo\ bơh kòp dê. Den là jơh tơl dà kơl hề tuh tàm broă ròng sur ờ geh cồng nha lơi. Buh lah jê nùs moat jrùm ngan, mơya dilah lời bơtờp uă, den hìu bơnhă a` lơh tìs ngan mờ [òn lơgar.”

Bàr nă ùr bơklau ồng Y Blưng H’ra mờ mò H’Hon Niê (ơm tàm [òn A1) gơlơh bè cau nrơ\t ndơl ngan pah tu\ sền wàng ròng sur hìu bơnhă dê. Tơnơ\ uă tu\ tơngai sền gròi, ồng mò jòi phan pơng gàr wàng ròng, lơh niam wàng nàng kơ\p ngai 2 nơm sur me deh, mơya ờ hềt ai geh cồng nha lơi.

Mò H’Hon Niê moat jrùm đơs, sur me deh uă ngan kòn, tơl dơ\ deh là g^t nđờ jơ\t nơm kòn. Mờ ồng mò kra ơm tàm sơnam do neh 75 sơnam, ồng mò ờ g^t lơh phan lơi nàng geh priă jền bơdìh mờ broă kơ\p kơnờm tàm nđờ nơm sur do. Tu\ do den roh jơh, ồng mò kung ờ g^t tu\ lơi hơ\sồng gơtùi ròng sur wơl.

Jat jơnau kờp bơh Phòng Nông nghiệp phát triển nông thôn kơnhoàl Ea Súp dê, kòp jê ndul gơ jroh sur châu Phi gơlik tàm ù tiah kơnhoàl dê bơh ngai3 nhai 6 tàm xã Ea Rốk. Mìng tàm pơgap tu\ tơngai lơyah lơm, kòp neh bơtờp mhar ngan, aniai tàm uă tiah mờ 8 tàm 10 xã, thị trấn. Gùt kơnhoàl geh 227 hìu bơnhă mờ rlau 2 rơbô nơm sur gơtìp tơ\p pơr gu\c tài bơh bơtờp kòp. Tàm hơ\, xã Ea Rốk gơtìp aniai uă ngan rlau jơh mờ rlau 1 rơbô nơm sur.

     {ồm sơnơm kơryan kòp, [ồm sơnơm wàng ròng geh sur bơtờp kòp jê ndul gơ jroh sur châu Phi tàm ù tiah thị trấn Ea Súp

Ồng Nguyễn Ngọc Phú, Kuang atbồ Phòng Nông nghiệp phát triển nông thôn Ea Súp pà g^t, tiah do là tiah lơh sa suơn sre, jơh ală hìu bơnhă ndrờm lơh bơr lu\ bal broă tam phan mờ ròng phan dềt, rah rài, den mìng dùl hìu bơnhă geh sur kòp là ală hìu bơnhă rềp bal ndrờm gơtìp aniai jơh. Bal mờ hơ\, tàm bàr pe [òn , làng bol sùm ròng sur lềng tu\ dùl nơm sur gơbàn kòp mơya tài bơh pơlai phan den làng bol ờ kờ` tơ\p pơrgu\c jơh dùl mpồl. Bal mờ hơ\, cau ròng sur lơyaì yal mờ anih lơh broă geh gơnoar mờ ờ sền gròi broă rcang sơn dră kòp, lơh mpồl lơh broă geh gơnoar roh tu\ tơngai mờ kal ke ngan nàng kơryan kòp…

Tềng đap bơta gơlik geh kal ke ngan bơh kòp dê, kơnhoàl Ea Súp neh tơnguh uă broă lơh sơr băc mhar nàng kơryan kòp. UBND kơnhoàl neh đơng lam ală gah lơh broă geh gơnoar rcang lài pơgồp bal mờ ală xã, thị trấn tơnguh broă ngui ală broă lơh nàng kờ` atbồ niam mpồl phan ròng, ngan là mpồl sur bơh tơl hìu bơnhă, tơl [òn, sơnah [òn dê, ngan là ală tiah geh kòp.

Bơdìh mờ hơ\, sền gròi niam broă tăc blơi, pơn diang, lơh poăc sur mờ ală phan bơna lơh bơh poac sur tàm kơnhoàl; crơng gơs ală anih sền gròi kòp, lòt sền mờ sền sơ wì broă pơn diang phan ròng; bơyai lơh tơ\p pơrgu\c, tơ\p bồr sur gơbàn kòp di mờ broă lơh mờ di mờ jơnau sồr, gàr niam tiah ơm kis, kơryan bơtờp kòp tus tàm tiah ndai. Kơnhoàl kung neh tơngkah cau ròng sur pal lơh jat ală broă lơh rcang sơndră kòp, [ồm sơnơm kơryan kòp, lơh kloh wàng ròng; ba` ròng mpồl sur wơl tơn tơnơ\ tu\ aniai bơh kòp dê…

Cau mblàng K’ Hạnh