VOV4.K’ho- Bộ Nông nghiệp mờ Phát triển Nông thôn pa geh sră nggal yal mờ Thủ tướng Chính phủ in bè broă lơh gơlik mờ gròi sền priă puăc sur. Jơnau yal pà go\, kờp jơh sur bơh gùt lơgar dê gam gơguh wơl, tơl sur nàng drơng broă ròng wơl in.

Jơnau yal bơh anih lơh broă ătbồ mìng gah ròng phan mờ lơh sơnơm phan ròng bơh càr, [òn dờng dê tàm gùt lơgar pà go\, kờp tus ngai 10/3, kờp jơh sur bơh gùt lơgar dê geh mờr 24 tơlak nơm, ndrờm mờ mờr 74% pơndrờm mờ kờp jơh sur lài mờ tu\ geh kòp jê ndul gơjroh sur châu Phi, pơgăp 31 tơlak nơm tàm nhai 12 nam 2018.

Tàm hơ\, sur me gam 2 tơlak 700 rbô nơm. Ală mpồl lơh sa kă bro kung gam tơrgùm bơcri priă jền gàr wơl sur bơh lài, sur yau, tu\ do kung gam pơgăp 109 rbô nơm ờ hềt gơtìp bơtờp kòp, den tàng bè hơ\ sền bal lơh geh tơl jơnau kờ` lơh bơtờp sơntìl drơng broă ròng wơl sur.

Tềng đăp bơta priă tăc puăc sur nisơna gơguh, Bộ Nông nghiệp mờ Phát triển Nông thôn pà gi\t, kờp jơh sur bơh ală mpồl lơh sa kă bro ròng phan dờng dê gơguh uă ngan, tàm tu\ uă tiah tơl puăc sur nàng tàm drà.

Cau mblàng Lơ Mu K’Yến