VOV4.K’ho - Kòp tềl gơ còr tềng tờm neh bơ tờp tus git nđờ rhiang lồ bơkàu cúc tàm [òn dờng Dà Làc, càr Lâm Đồng. Uă bă bơkàu cúc bơ tờp kơn jơ\ pal dus sang, lơh gơbàn hoàc huơr dờng ngan cau tam in.

Rlau 3 nam do, 4 sàu ù tam bơkàu cúc bơh hìu bơnhă bi Tô Hoài Phong, ơm tàm tổ dân phố Đa Phước 2, sơnah [òn 11, [òn dờng Dà Làc kàl lơi kung pal dus sang êt ngan là mờr 300 rbô tờm bơ tờp kòp tài bơh virú còr tềng tờm. Geh kàl hìu bơnhă bi gơtìp hoàc huơr git nđờ rhiang tơlak pria\ tài suơn bơ tờp kòp pal dus sang rlau nggùl. Bi Hoài Phong pà git, kòp do sùm gơlik geh tu\ tờm bơkàu tam rlau 1 nhai, tus nhai dơ\ 3 tu\ tờm chi rơcang lì bơkàu den là tu\ mờ kòp gơbàn ua\: “Dùl sàu tam bơkàu cúc tu\ kờp jơh pria\ bơcri bơh blơi tờm sơntìl, pria\ ồs đèng, blơi sơnơm sền gàr phan tam jơh mờr 20 tơlak, tàm hơ\ ờ kờp ngai lơh broă he dê tai. Tus tu\ tơnhàu den suơn bơkàu gơtìp kòp lơh aniai den he pal dus sang, ờ gam bơta lơi tai”.

Suơn bơkàu cúc hìu bơnhă bi Phong dê geh kòp tềl gơ còr tềng tờm

Jat ồng Hoàng Bá Bình, Chủ tịch Mpồl cau lơh broă sa sơnah [òn 11, [òn dờng Dà Làc, càr Lâm Đồng đơs, tu\ do gùt sơnah [òn geh rlau 40 lồ bơkàu cúc gơtìp virus kòp gơ còr tềng tờm lơh aniai mờ ua\ ngan cau tờm suơn gam ờ ờ suk ngan tu\ kòp do sơn đờm bơ tờp tus ală bơta chi tam ndai bè sơ lách, atiso, bơkàu cát tường: “Sơntìl bơkàu cúc [uơn ngan bơ tờp kòp. Virus kòp tềl gơ còr tềng tờm ờ di là gơ tờp is bơh tờm do tus tờm ndai, mờ kòp do bơ tờp bơh ală bơta jơi phan kis bè lơ mô, ală jơi phan kis jồp tờm. Tàm tơngai tam gơl kàl, ngan là kàl prang den do là tu\ [uơn ngan nàng kòp gơguh ua\. Geh ală suơn ndrờm bè pal dus sang jơh tơn, lơh gơbàn hoàc huơr kơn jơ\ ngan, kờp bal 1 sàu gơtìp hoàc huơr mờr 50 tơlak pria\”.

Ală tờm bơkàu cúc gơtìp kòp tềng gơ còr tềng tờm lơh aniai tu\ mut tàm tơngai tơnhàu

Kung tàm sơnah [òn 12, [òn dờng Dà Làc sơl, kòp tềl gơ còr tềng tờm neh bơ tờp ua\ lơh rlau 200 lồ bơkàu cúc gơtìp kòp lơh aniai. Tàm hơ\ geh rlau 12 lồ pal dus sang jơh tơn. Ồng Nguyễn Văn Ron, Chủ tịch UBND sơnah [òn 12, [òn dờng Dà Làc sồr, ală cau tờm suơn pal sùm lòt sền suơn tam bơkàu cúc, tu\ sền go\ ală tờm bơ tờp kòp den pal dus sang mơ nàng pleh bơ tờp ua\: “Sơnah [òn sồr làng bol ngui ală broă lơh rơcang sơndră kòp jat jơnau pơlam bơh ală anih lơh broă geh gơnoar dê bè khòm tơr gùm jơh tờm bơkàu bơ tờp kòp hơ\ sồng chu, chu tơn tàm suơn nàng kơryan virus kòp. Sơnah [òn neh bơyai lơh bơto pơlam bơta chài bè ală broă lơh rơcang sơndră kòp, mơkung pơlam làng bol tam gơl tam 2, 3 bơta bơkàu geh bơta pràn sơndră mờ kòp ua\”.

Uă cau tam bơkàu gơtìp hoàc huơr tài bơkàu cúc gơtìp kòp lơh aniai

Jat khà kờp bơh Tiah tờm pơlam lơh sa suơn sre [òn dờng Dà Làc dê, tus tu\ do, gùt [òn dờng neh geh rlau 940 lồ bơkàu cúc bơ tờp kòp tềl gơ còr tềng tờm. Tàm hơ\ geh mờr 40 lồ pal dus sang mờ rlau 900 lồ bơ tờp kòp bơh 30 tus 70%, tơr gùm ua\ ngan tàm ală sơnah [òn 7, 8, 11 mờ 12. Ồng Nguyễn Văn Quang, Phó Kuang atbồ Tiah tờm lơh sa suơn sre [òn dờng Dà Làc đơs nền, virus lơh aniai tàm bơkàu cúc gam gơlik geh kal ke. Geh ală sơntìl bơkàu cúc lài do ờ sền go\ virus den tu\ do neh bơ tờp kòp: “Tu\ do, kòp tềl gơ còr tềng tờm tài bơh virus neh lơh aniai tàm làm gùt bă tiah tam phan tàm Dà Làc mờ rlau 60% bă ù tam phan gơtìp kòp lơh aniai. Nàng kơryan kòp do, pa do, UBND [òn dờng Dà Làc neh sồr Phòng Lơh sa mờ Tiah tờm lơh sa suơn sre blơi  ma\i sền mhar nàng sền ală tờm sơntìl dong kờl cau tam in. Dilah sền go\ geh virus den chu pơrguc mơ”.

Tàm [òn dờng Dà Làc, cúc là bơkàu tờm ngan, geh tam ua\ ngan mờ bă ù tam rlau 1 rbô 600 lồ, geh khà ua\ ngan rlau jơh tàm ală bơta bơkàu tam nàng tac. Bulah bè hơ\, 2, 3 nam do, tài sơntìl ờ niam, broă tam sơngka sền gàr ờ niam neh lơh kòp bơ tờp sùm gơbàn ua\, lơh gơbàn hoàc huơr dờng ngan tus mờ ua\ cau tờm suơn in.

Cau mblàng K’Duẩn