VOV4.K’ho - Mờ broa\ chồl guh bơta pràn bơh broa\ lơh ring bal bơh  gơnoar atbồ mờ làng bol, kơnhoàl Krông Pach, Dak lak neh lơh geh ua\ ngan broa\ lơh geh cih dờp tàm bơt bơtàu [òn lơgar pa. Bơta do ờ mìng bơh bơta ai go\ muh mat  pa bơh tiah [òn ơm kis, tơl hìu, gùng lòt, hìu bơsram mờ gam bơh dơ\ bơyai lơh mpồl lơh sa jak chài, lơh geh cồng nha lơh sa jơnhua, kơljap, rềp mềr mờ tiah kis.

            {òn 1, ntum Hoà Tiến tu\ do neh krơi ngan, mờ ròt gùng mut tàm dơlam [òn geh lơh mờ bê tông, ala ala\ gùng ù dềt mờ bơ\ mbè. Ồng Ngô Thái Duy, cau neh lơh is ntrờn pơng gàr mờ ta\ geh 5 tơlak 200 rbô pria\ nàng lơh gùng chờ hờp đơs: “ Lơh gùng lòt den cau geh dờp bơh sơnrờp la làng bol. Wa\ geh broa\ lơh do, bol a` drờm ring bal geh ta\ pria\, ngai lơh broa\,  lơh is ntrờn pơng gàr nàng lơh ơnàng gùng song mờ niam rlau”. Kờ` lơh geh bơta ring bal do, mpồl atbồ [òn 1B neh bơyai lơh pơrjum làng bol, ring bal bơta ta\ pria\, geh lơh niam, mut lơh broa\ lơh. Pơnjat hơ\,  tàm 1 thơt pơt dang ù gùng, tơl hìu geh ta\ 200 rbô mờ geh lơh is ntrờn pơngar kờ` lơh ơnàng gùng. Bal mờ cau atbồ bal, tu\ broa\ lơh gùng tus tềng lơi, ala\ hìu làng bol rềp tềng hơ\ geh tus sền gròi, sền gàr. Kơnờm bơh hơ\, mìng tàm tơngai ờ jo\, 360 hìu nha\ làng bol tàm [òn neh ta\ geh 634 tơlak pria\, bal mờ khà pria\ bơh dà lơgar mờ bơta dong kờl bơh anih duh broa\ làng bol kơnhoàl kờ` lơh gơs 4 gùng mờ kờp bơta jòng di mờr 2 kơi sồ.

            Ồng Trần Ngọc Phúc kuang atbồ đơng lam Đảng, atbồ mpồl lam sồr bơt bơtàu [òn lơgar pa ntum Hoà Tiến, ai git:“Bơt bơtàu [òn lơgar pa la broa\ lơh dờng bơh Đảng, Dà lơgar mờ kờ` dùl khà dờng. den tàng, bal mờ khà pria\ bơh dà lơgar, càr, kơnhoàl den bơta tus mut lơh bal bơh làng bol la broa\ lơh kuơ màng ngan. Git geh bơta do kơna\ Đảng, gơnoar atbồ [òn lơgar neh lơh pràn bơta mblàng pơlam dong làng bol wa\ geh tơnggu me, pơrya bơh broa\ lơh mờ geh lơh ngan nhap nhar. Tơl [òn, drờm geh tơlik kơrnuat lơh gùng lòt tàm [òn, ala\ cau tàm mpồl lam sồr, sền gròi, tus sền broa\ lơh la cau tàm [òn tơn kờ` chồl guh bơta lơh tờm bơh làng bol. Mơ kung, mpồl đơng lam Đảng, anih duh broa\ làng bol ntum kung sền kuơ ngan broa\ bơsram, cri bơyai bơta mờng, broa\ lơh bơh ala\ tiah ndai, kơnờm bơh hơ\ broa\ mut lơh geh cồng nha jơnhua”.

            Bơta pal đơs la, mờ broa\ lơh ndrờm bal bè hơ\, tơnơ\ 4 nam mut lơh broa\ lơh bơt bơtàu [òn lơgar pa bơh 2011-2014, kơnhoàl Krông Pach neh lơh kưljap geh 140 kơi sồ gùng tàm [òn, lơh niam 74 kơi sồ gùng mut tàm [òn, lơh kơ\ 34 kơi sồ gùng  tờm blàng sre tờm, lơh 19 rbàng, bdong dà, lơh kơ\ kơljap mờ lơh niam ua\ ngan rbòng dà, tơnau dơng dà…

            Bal mờ hơ\, gơnoar atbồ mờ làng bol tàm kơnhoàl kung geh sền kuơ broa\ lơh geh, lơh niam ròt ồs đèng, hìu bơsram, hìu bơyai tơr`a [òn, drà, mpồng [òn, hìu làng bol, lơh niam tiah kis…nàng geh pơ gồp bal lơh gơs bơt bơtàu [òn lơgar pa.

            Bal mờ broa\ bơt bơtàu phan bơna, bal mờ bơta đơng lam, pơlam bơh kơnhoàl mờ ala\ gah lơh broa\ geh gơnoar, làng bol geh lơh lài tàm bơtàu tơngguh lơh sa, bơtàu tơnguh pria\ geh. Lài do, hìu nha\ bi Y Thơm  Niê kis tàm [òn Jung 2, ntum Ea Bông mìng tam kơphe lơm den tàng rài kis gam ua\ ngan kal ke. Tơnơ\ geh broa\ lơh tam bơrlu\ bal kờ` bptàu tơngguh cồng nha lơh sa tàm bal dùl ba\ ù, hìu nha\ bi neh khin cha tam 210 tờm sầu riêng ờ gàr tàm 1 lồ 5 sào ù kơphe. Tus tu\ do geh  bơh sầu riêng di 39 tấn dùl nam, cèng wơl cồng nha rlau 500 tơlak pria\ dùl nam. Kung kơnờm bơh khà geh niam do, bi neh blơi tai 5 sào ù tam kơphe mờ tam bal tai 60 tờm sầu riêng,  blơi ma\y tơ wès kòi geh lòt tơ wes ơpah kpòi sre tàm [òn, geh 150 tơlak pria\ pah nam. Bi Y Ngăk Niê kuang jat jơng atbồ mpồl cau lơh broa\ sa ntum ai git “Bơh bơta mùl màl ai go\,  broa\ lơh tam bơrlu\ bal sầu riêng tàm suơn kơphe neh mùl màl ai geh go\ cồng nha. Tus tu\ do, 40% khà hìu làng bol tàm ntum  neh bơtàu tơngguh broa\ lơh do, den tàng rài kis bơh làng bol geh bơtàu tơngguh rlau mờ lài,  khà hìu rbah mìng gam 112 hìu. Tu\ do,  geh ua\ hìu neh tam bal  tờm bơ boot tàm suơn kơphe, pơrgon geh cèng wơl cồng nha lơh sa”.

            Ồng Trần Quốc Vĩnh kuang jat jơng atbồ lơh broa\ sùm lam sồr bơt bơtàu [òn lơgar pa kơnhoàl Krông Pach đơs tờm: “Bơt bơtàu [òn lơgar pa ờ mìng gơ ơm tàm broa\ lơh lơh gơs phan bơna [òn lơgar, mờ bơta kuơ màng ngan rlau la geh lơh niam mờ bơtàu tơngguh mo bơh sơnrờp. Mpồl đơng lam kơnhoàl, anih duh broa\ làng bol kơnhoàl Krông Pach neh sền gròi, lam sồr nền nòn  bơh broa\ crơng gơs, lơh tơl làm mpồl đơng lam ala\ kơna\ tus mờ broa\ lơh mblàng pơlam,  lam sồr, bơtàu tơngguh git wa\ tus cau kuang, làng bol. Kờ` lơh geh phan bơna, pah nam, kơnhoàl drờm geh ai khà pria\ bơh pria\ jền dà lơgar bơh 5 tus 6 tơmàn pria\ dong kờl sơmang ai tus ala\ [òn lơgar, bal mờ bơta ta\ pơ gồp bơh làng bol nàng geh lơh gùng lòt tàm [òn. Bal mờ hơ\, mpồl đơng lam Đảng kơnhoàl Krông Pach neh tơlik kơrnuat bè tam gơl chi tam phan ròng, jàu gah lơh broa\ sa mờ ala\ gah geh gơ rềng bal lơh pràn mblàng pơlam, lam sồr, yal tơnggit, lơh geh broa\ lơh pơlam lài kờ` làng bol geh ngui. Mơ kung, geh chul chồl bơtàu tơngguh lơh sa hìu nha\, bơyai lơh ua\ ngan ơdu\ bơto pơlam, tam jàu bơta jak chài pa tus mờ làng bol. Mờ bơta kuơ bơh kơnhoàl geh ba\ kơphe dờng ngan tàm càr Dak Lak, mờr 18 rbô lồ, khà geh di 40 rbô tấn dùl nam, gah lơh broa\ sa, anih tờm bơto pơlam broa\ lơh sa  mờ ala\ mpồl geh sền kuơ tus broa\ lơh pơlam làng bol geh lơh niam wơl suơn kơphe neh kra, cồng nha geh ê\t, tam bơrlu\ bal mờ chi tam ndai la chi sa plai tàm suơn kơphe, bơtàu tơngguh kơphe kơljap. Kơnờm bơh hơ\, neh lơh gơs ala\ tiah lơh sa mìng tam dùl bơta chi tam lơm: Bè kơphe, kòi, tờm chi sa plai, ròng phan ròng dờng, iar, ơda…neh pơ gồp ngan bơtàu tơngguh pria\ geh, rài kis  làng bol  geh bơtàu tơngguh”.

            Tus tu\ do,  kơnhoàl Krông Pach, càr Dak Lak geh 2 ntum tơl khà 19 broa\ lơh geh  jàu bơt bơtàu [òn lơgar pa, 1 ntum tơl 14 broa\ lơh, 2 ntum tơl 13 broa\ lơh, 1 ntum  tơl 11 broa\ lơh, gam wơl lơh geh bơh 4 tus 8 broa\ lơh. Kơnhoàl kunh tơlik geh broa\ lơh tus  nam 2020 geh tai 5 ntum lơh gơs broa\ lơh bơt bơtàu [òn lơgar pa. Kờ` mut lơh broa\ lơh do,  bal mờ bơta ring bal bơh gơnoar atbồ lơgar mờ làng bol, den kờ` ngan bơta sền gròi, bơcri khà cau lơh broa\ càr dê mờ ala\ gah lơh broa\ geh gơnoar ndai.

                                                Cau mblàng K’ Brọp.