VOV4.K’ho -  Ngai do, bol a` geh jơnau lùp mờ ồng Nguyễn Văn Chương, Tổng giám đốc kong ti TNHH Dịch vụ Khoa học kỹ thuật Khoa Đăng, cau jak dong mblàng bơta chài broa\ lơh sa suơn sre bơsong ala\ bơta gam kờ` git  tai bè kỹ thuật tam, sơng ka,  kung bè ala\ broa\ lơh bơsong ala\ bơta bè tuh phơng, tu sa tềng tờm kơphe ai làng bol cau lơh broa\ sa in:

-Ơ ồng Nguyễn Văn Chương, kơphe tơnơ\ jơh tơnhàu sùm la gơ ờ pràn, den bè hơ\ làng bol pal kah bơta lơi tàm sơng ka sền gàr gơ?

            Ồng Nguyễn Văn Chương: Mut tàm nhai prang den làng bol cau tam kơphe kung mut tàm kàl tơnhàu, tu\ làng bol jơh tơnhàu plai den kơphe gơbàn ờ pràn mờ geh ai go\ gơ kra, pàl nha. Bè hơ\, làng bol he pal lơh chi in gơbàn pràn wơl,  hòn cat pràn nàng tàm tu\ tơngai gơ mòn gơs bơkào den gơ geh gơ mòn niam. Làng bol ba` ngui phơng mìng dùl bơta lơm mờ klài is tài khài bè hơ\ den hơ\ la gơtùi ala\ phơng ờ ngan, phơng ờ niam gơ geh gơ bơrlu\ bal tàm ala\ phơng trung lượng mờ vi lượng. Mờ dilah bơta do gơlik geh gơ lơh tus cồng nha geh mờ khà niam bơh kơphe gơmù. Làng bol mờng sơnơng kơphe nam geh nam ờ, mờ cau lơgar cau khi ờ đơs bè hơ\, tài khi ngui sơnơm điều  hoà dờng lơh kơphe  gơ sùm hòn cat niam, gàr niam bơta geh bơh phơng sih nàng lơh bè lơi phơng ròng kơphe sùm geh, chi den gơ dờng pràn. Bơta tàm dơlam bơh kơphe gơ ờ gơ bàn aniai tài bơh ala\ bơta  gơ dờp bơh kòn bơnus mờ gơ dờp bơh tiah kis, bè  trồ prang, gơ bam tàm dà, mriềt, duh.

            -Ơ ồng,  bè hơ\ lơh bè  lơi nàng geh lơh  suơn kơphe mhar pràn wơl tơnơ\ jơh  tơnhàu plai, la gơ niam ngan rlau jơh?

            Ồng Nguyễn Văn Chương: Mờ tờm kơphe, bè ờs  phan tàm sa\  tờm kơphe gơ tơlik la dùl bơta geh sơnđan la etilen,  gơ lơh gơ in ràm mờ dum plai. Den tàng,  tơnơ\ jơh pic plai den kơphe gơbàn palf nha, phơng tuh ờ gam tơl tai tài bơh gơ jồp nàng ròng plai. Broa\ niam ngan rlau jơh  nàng bơsong bơta do tơnơ\ tơnhàu  la làng bol tàm ala\ tiah ờ geh dà den pal lơh bè lơi gar tơl ìo rơyas kơphe in.  Koh ntê,  koh ala\ ntê ờ gơ ai cồng nha ge, ala\ ntê mờ gơ ờ lì bơkào…  nàng ba` ai gơ ròng ala\ ntê ờ kuơ.

            Làng bol pal ngui phơng NPK nhai prang mờ cor nggờc bồng kơphe, nàng  gơ tac ala\ rơyas ờ kuơ mờ gơ geh cat rơyas pa. Tơnơ\ hơ\, làng bol geh ngui bơh 25 tus 30 miligam sơnơm điều hoà dờng tờm RIC 10WP tàm dùl tờm kơphe, mờ klài bơh 3 tus 4 lit dà hala 5 lit dà hơ\ sồng làng bol tuh. Sơnơm do bơh 15 tus 20 ngai gơ geh gơmut jơh tàm ù, tu\ gơ mut jơh tàm ù den rơyas pa hơ\ sồng gơ cat, tu\ hơ\  làng bol sơnđờm tuh phơng NPK bơh nhai prang,  den mìng tàm 20 ngai lơm, kơphe gơ geh mòn bè  mpùng  rtèt, mbùng rtèt do geh gơ dờng rhời den tu\ do làng bol pal ba` tuh dà lời tus tu\ lơi mbuàng rtèt dum ring, hơ\ sồng sơn đờm ro,  ù ra` den làng bol hơ\ sồng bơyai lơh tuh dà gơ lìu tàm bồng.

            -Trồ tiah gam gơbàn nisơna, ua\ tiah tam kơphe di gơlan ờ geh tơl dà tuh, làng bol pal kah bơta lơi nàng lơh niam broa\ ờ tơl dà?

            Ồng Nguyễn Văn Chương:  Dilah ờ tơl dà den geh ua\ ngan broa\ lơh ìo kơphe in, kơryan kơphe gơbàn  soat dà. Lài jơh la koh ala\ ntê ờ kuơ tờm kơphe in. Kùai bồng mờ tuh phơng vi sinh hữu cơ mờ jơm glòm nha kơphe. Den hơ\ la broa\ lơh nàng gàr ìo, mơ kung prap dà nàng làng bol kơp tu\ tơngai niam- tu\ lơi bồ mat bơkào neh gơ mòn jơh den làng bol he geh tuh dà nàng bơkào gơlì jơh.

            -Bè hơ\, ơ ồng,  bal mờ broa\ gàr ìo kơphe in, làng bol kờ` pal kah bơta lơi tàm broa\ lơh lơh sa nàng gàr niam khà kơphe geh ua\ ngan tàm kàl tus ?

            Ồng Nguyễn Văn Chương: Bol a` tàm  10 nam sền jat broa\ lơh tam kơphe bơh làng bol,  tu\ làng bol geh ngui broa\ lơh di pơlam bơh gah lơh sa suơn sre, làng bol ngui phơng NPK nhai prang bơh ala\ mat phơng geh pơnrơ den gơ cèng cồng nha jơnhua. Mờ ngui sơnơm điều hoà dờng RIC10WP den gơ ai gàr kơphe dờng. Mơya,  làng bol klài is phơng mìng dùl lơm, tàm hơ\ geh khà boh  jơnhua ngan, bơta do geh lơh aniai ua\ ngan bơta dờng mờ bơtàu tơngguh kơphe dê. Lơh kơphe jo\ nam, den geh lơh làng bol in pal geh broa\ lơh lơh jat  broa\  bơto  sồr bơh gah lơh sa suơn sre.

            -Ưn ngài  ồng Nguyễn Văn Chương!

          Cau mblàng K’ Brọp