VOV4.K’ho- Mpồl tam klăc Hợp tác xã (HTX) càr Lâm Đồng pa pơgồp bal mờ Sở Nông nghiệp mờ Phát triển Nông thôn càr do bơyai lơh pơrjum cri bơyai “broă lơh pơgồp bal bơh HTX lơh sa suơn sre mờ mpồl lơh sa kă bro jăt broă lơh geh kuơ”.

                     Ală phan geh lơh bơh broă lơh sa suơn sre geh ràng tơl^k tàm pơrjum cri bơyai

Tus tu\ do, gùt càr Lâm Đồng neh tơnguh bơtàu 145 broă lơh pơgồp bal bơh 66 HTX, 21 mpồl lơh broă bal lơh sa suơn sre mờ 90 mpồl lơh sa kă bro tàm càr, hòi jà geh 15 rơbô 800 hìu làng bol tus bal.

Tàm hơ\, pơgồp bal lơh sa, lơh gơs ing, lơh gơs niam mờ tăc ală bơta phan tam mờ 131 broă lơh; ròng phan mờ ròng phan tàm dà mờ 14 broă lơh. Geh pơnrơ ngan bè HTX Sunfood Dà Làc pơgồp bal mờ di pơgăp 200 hìu làng bol kis tàm [òn dờng Dà Làc mờ ală tiah rềp bal lơh 100 lồ biăp VietGAP ai 170 hìu tăc phan tàm gùt lơgar in; HTX Anh Đào pơgồp bal mờ 250 hìu tàm mpồl geh priă bơh broă lơh tơl lồ pah nam di pơgăp 1 tơmàn 200 tơlăk đong…

Cau mblàng Ndong Brawl