VOV4.K’ho – Tus tu\ do, gùt càr Lâm Đồng geh pơgap 145 ròt mpồl lơh bal bơh broă lơh gơlik tus tac phan lơh gơs mờ bơta tus bal lơh bal bơh 177 mpồl lơh sa kă bro, hợp tác xã mờ 15 rbô 800 hìu bơnhă lơh broă sa geh sră pơrgon lơh bal jo\ jòng. Tàm hơ\ geh 68 mpồl lơh bal neh geh ală mpồl lơh broă tàm lơgar mờ dunia dờp bè bơta niam phan lơh gơs.

Làng bol lơh broă sa, mpồl lơh sa kă bro tus bal ròt broă lơh sa do neh iang nùs bè anih tac phan lơh gơs mờ gơguh 35% bơta kuơ phan lơh gơs bơh suơn sre pơn drờm mờ broă ờ tus bal ròt mpồl lơh bal.

Den tàng, tàm tơngai bơh tu\ do tus nam 2025, Lâm Đồng sền gròi chồl pràn bơtàu tơnguh ală ròt mpồl lơh bal lơh gơlik mờ tac phan lơh gơs, lơh ngan pah nam gơguh êt ngan rlau jơh 10% khà mpồl lơh bal mờ gơguh 20% bă ù lơh sa, khà phan lơh geh, khà hìu bơnhă lơh broă sa tus bal mpồl lơh bal. Tơnguh khà tac phan lơh gơs bơh suơn sre bơh mpồl lơh bal geh 50% bơta kuơ phan lơh gơs bơh suơn sre gùt càr, tàm hơ\ lơh geh jơnau kờ` ală phan lơh gơs tàm ròt mpồl lơh sa geh mut tàm ală siêu thị, ală drà kă bro tac phan dờng màng mờ bơta kuơ lơh geh jơnhua rlau mờ bè ờs.

Cau mblàng K’Duẩn