VOV4.K’ho-Kơphê là dùl tàm ală tờm chi tam tờm ngan bơh càr Lâm Đồng dê, pơgồp bơnah uă ngan tàm bơta bơtàu tơnguh lơh sa- mpồl bơtiàn bơh càr dê. Nàng kờ` pơgồp bơnah tơnguh uă kơphê lơh geh mờ bơta niam bơkah kơphê dê kung bè lơh geh bơta lơh bal tàm kă bro phan bơna, Broă lơh lơh broă bal dà lơgar mờ làng bol (PPP) bơtàu tơnguh kơphê kơ\ kơl jăp geh lơh tàm càr Lâm Đồng neh rơhời geh cèng wơl uă cồng nha kơ\p kơnờm ngan.

Broă lơh lơh broă bal dà lơgar mờ làng bol (PPP) bơtàu tơnguh kơphê kơ\ kơl jăp tàm càr Lâm Đồng geh mu\t lơh làm uă tàm ală tiah tam uă kơphê tàm càr, gơ hòi gơ jà bơta lơh bal bơh rlau 1.200 hìu bơnhă dê, tàm pà gơs 19 mpồl cau lơh broă sa.

Jat ồng Nguyễn Văn Thông, cau tam kơphê tàm xã Lộc Thanh, [òn dờng Bảo Lộc, càr Lâm Đồng yal, làng bol lơh bal broă lơh do geh bơto pơlam bơta chài sơngka sền gàr, rơcang sơndră kòp bơtờp, ơn phơng tờm kơphê in, bơto pơlam cih tàm sră lời kir hìu bơnhă lơh broă sa sươn sre mờ jơnau yal ờs mờng pah dơ\, bơtàu tơnguh lơh sa jat broă lơh mpồl lơh bal, hợp tác xã mờ lam lơh sa jat jơnau sồr sră cơng tàng 4C.

Kơnờm bơh hơ\ mờ ală sươn kơphê ai lơh lài neh gơguh cồng nha bơh 9-25% pơndrờm mờ sươn kơphê tàm pơndrờm, tàm hơ\ geh sươn kơphê ai lơh lài lơh geh cồng nha tus 10 tấn kơphê gar tàm dùl lồ dùl nam. Cồng nha lơh sa cèng wơl uă ngan pơndrờm mờ lài.

A` sơngka sền gàr jat bơta bơto pơlam hơ\ den là lơh geh ngan. Nhơ\t chi che tàm sươn là a` ròng a` gàr gơ mờ pah nam mìng koh nhơ\t bơh 5 tus 7 dơ\ lơm. Pah dơ\ neh tuh phơng là koh nhơ\t nàng gơ geh bơta jơm glòm. Phơng ờ gơtìp gơ pơrdô mờ rơhiăt dà, mờ ngan nhơ\t do lơh geh tơl ală bơta ai ală phan wìn kis geh kuơ in rơ\ rài.

            Kơnờm ơn phơng di tơngai mờ tơl khà den tàng kơphê tàm sươn bơh ală hìu làng bol lơh broă sa lơh bal broă lơh do dê sùm kis dờng niam ngan, nha kơphê tơlir jù ngan, nha lơ u\t, gơguh bơta pràn jak sơndră kòp mờ jai kong mờ bơta trồ tiah ờ niam ngan, tam gơl nisơna.

Bal mờ hơ\, kơphê lơh geh mờ bơta niam bơkah kơphê dê tàm ală sươn do ndrờm gơguh uă rlau pơndrờm mờ ală sươn kơphê ndai. Bè, dilah sươn kơphê ai lơh lài ai khà 3 ki\ 9 plai ris ndrờm mờ dùl ki\ kơphê ra`, den tàm sươn kơphê tàm pơndrờm pal tus 4 ki\ 3 kơphê ris den hơ\ sồng ai geh dùl ki\ kơphê ra`.

Ồng Phạm Trường Sơn, kuang bàng bơto pơlam lơh broă sa sươn sre xã Lộc Thanh, [òn dờng Bảo Lộc, càr Lâm Đồng pà gi\t, ngan tài bơh gròi sền geh bơta niam bokah den phan bơna kơphê bơh làng bol lơh broă sa dê lơh bal broă lơh do geh ală mpồl lơh sa kă bro blơi mờ khà priă sùm jơnhoa rlau mờ khà priă tàm drà.

Lơh kơphê 4C là geh pang sră cih hìu bơnhă cau lơh broă sa in ai làng bol in cih wơl wil tơl, loh làng mờ nền cê. Tu\ do, tu\ pik kơphê den làng bol pin kơphê dum uă rlau pơndrờm mờ lài.

Jat ồng Phạm Thanh Sơn, lơh broă tàm Trung tâm bơto pơlam lơh broă sa sươn sre càr Lâm Đồng yal, do là broă lơh dong làng bol lơh broă sa tàm jơh ală broă bơh broă sơngka sền gàr tus tu\ pik tơnhàu, lơh gơlik phan mờ ơn prăp phan nàng lơh gơlik dùl phan bơna kơphê gơcèng bơta kơ\ kơl jăp jo\ jòng, mờ kloh jun tus tàm tê cau ngui sa in.

Bol a` neh bơto pơlam làng bol lơh broă sa in là lơh jat jơnau sồr 4C, jơnau sồr ngui phơng sih tơl, dipal, mờ ơn phơng jat bơta kờ` bơh chi dê, ờ huan ngui uă ir sơnơm sền gàr phan tam. Ìs pơr den làng bol gơtùi ngui toaltăng halà ìs tàm [làng sơmang. Bè hơ\ den gơ hơ\ sồng lơh geh phan bơna kơphê niam.

Kung jat ồng Sơn yal, nàng Broă lơh lơh broă bal dà lơgar mờ làng bol (PPP) bơtàu tơnguh tàm Lâm Đồng pơn jat tai geh cồng nha uă, Trung tâm do geh sơlơ tơnguh tai broă bơto pơlam ai ală cau atbồ mpồl hìu bơnhă in, mờ ală gah geh gơrềng in bè bơtàu tơnguh kơphê kơ\ kơl jăp, dong lơh kơ\ kơl jăp broă lơh sùm bơh ală cau atbồ mpồl hìu bơnhă dê kung bè pơlam gùng dà lơh pràn crơng gơs mpồl lơh bal, crơng gơs hợp tác xã nàng bơtàu tơnguh dipal mờ bơta geh ngan tu\ do!

Cau mblàng Lơ Mu K’Yến