VOV4.K’ho- Drim ngai 23/6, mpồl cau cih ƀău bơh ală anih lơh ƀău dà lơgar mờ càr lơh broă tàm càr Lâm Đồng neh sơn đờm cit sơnơm vaccine rơcang sơndră kòp Covid-19 ding dơ̆ 1 tàm Hìu sơnơm dờng càr Lâm Đồng. Tàm hơ̆, geh 33 nă cau gơ wèt ală anih lơh ƀău, anih pờ tơlik jơnau đơs sơñio rùp lơh broă tàm càr Lâm Đồng mờ 55 nă cau lơh broă tàm Anih pờ tơlik jơnau đơs – sơñio rùp càr Lâm Đồng. Ngai do 24/6, mpồl kuang bàng, cau cih ƀău bơh Ƀău Lâm Đồng dê mờ 47 nă cau geh cit sơnơm vaccine rơcang sơndră kòp Covid-19 ding dơ̆ 1 tàm Tiah tờm sền gròi kòp tê jê să càr.

Cau mblàng K’Duẩn