VOV4.K’ho – Tàm Lâm Đồng, kòp jê ndul gơ jroh sur châu Phi gơlik geh neh lơh rlau 70 rbô nơm sur bơh 2 rbô 110 hìu bơnhă tàm 10 kơnhòal, [òn dờng pal tơp pơrguc, mờ khà kơn jơ\ kờp jơh rlau 4 rbô 500 tấn. Tus tu\ do, kòp neh geh kơryan. Bulah bè hơ\, khà pria\ sur sơntìl gơguh jơnhua lơh cau ròng sur gơtìp kal ke tàm broă ròng wơl sur.

Rlau 1 poh do, hìu bơnhă bi Đặng Thị Trang, ơm tàm xã Liên Hiệp, kơnhòal Đức Trọng, càr Lâm Đồng ờ gơtùi blơi sur sơntìl nàng ròng wơl tơnơ\ tu\ càr yal jơh kòp. Bi Trang pà git: Ală nam lài, hìu bơnhă bi ròng 1 rbô nơm sur lơh poac mờ rlau 200 nơm sur me. Dơ\ kòp jê ndul gơ jroh sur châu Phi pa do neh lơh jơh mpồl sur bơ tờp kòp pal tơp pơrguc. Nđờ nhai do, wàng ròng neh geh hìu bơnhă bi [ồm sơ nơm lơh kloh vi trùng nền nòn ngan, kơp blơi sur sơntìl nàng ròng. Mơya, tu\ do, khà pria\ sur sơntìl jơnhua ir den tàng broă ròng wơl sur gơtìp ua\ ngan kal ke: “Ală cau blơi geh sur sơntìl tu\ do pal tong pria\ lài bơh nđờ nhai lài cau in hơ\ sồng geh blơi. Pơn yơu, kờ` kup 200 nơm den pal tong bơh 400 tus 500 tơlak đông hơ\ sồng geh kup sur sơntìl. Ai a` ờ tong pria\ lài den tàng tu\ do blơi ờ gơtùi. Tu\ do, sur sơntìl ờ huan geh ngan, a` kung pal blơi, pa do, pa blơi sur dềt 3 ki\ mờ khà pria\ 2 tơlak 900 rbô đông tàm 1 nơm. Sur bơh cau dùl nă să is dê tac, a` kung ngòt ờ niam, blơi mờ ròng sur gơtìp chơt, ơpah dùl nă kỹ thuật sền gròi mơya sur kung gam chơt”.

Ờ mìng hìu bơnhă bi Trang mờ rlau 160 hìu bơnhă mờ 40 trang trại ròng sur tàm xã Liên Hiệp, kơnhòal Đức Trọng tus tu\ do kung gơ ơm tàm bơta ờ gơtùi blơi sur sơntìl nàng ròng wơl. Jat tơr gùm kờp, tus tu\ do, gùt xã mìng pa ròng wơl geh 15 rbô 300 nơm sur, ndrờm nggùl pơn drờm mờ lài mờ tu\ gơlik geh kòp. Bi Trương Bách Tùng, dùl nă cau tờm trang trại ròng sur tàm xã Mê Linh, kơnhòal Lâm Hà yal: jơnau lơh khà sur sơntìl ờ geh, lơh khà pria\ gơguh jơnhua là tài ală mpồl lơh sa kă bro dờng ờ tac sur sơntìl hờ bơdìh: “Tơngai tu\ khà pria\ poac sur ờ kas den sơntìl sur [uơn blơi. Ai tu\ do khà pria\ sur ờ hềt lơh poac kas ngan den tàng ờ geh sur sơntìl nàng blơi, tài kong ti lơh gơlik sơntìl kàr lơi den khi ròng kàr hơ\. Khi mìng tac hờ bơdìh dùl êt lơm gời”.

Khà pria\ sur sơntìl gơguh jơnhua lơh ua\ cau ròng sur tàm Lâm Đồng ờ hềt gơtùi ròng wơl sur tơ nơ\ kòp lơh aniai

Jat ồng Phạm Phi Long, Kuang atbồ Chi cục ròng phan, lơh sơ nơm phan ròng mờ phan tàm dà càr Lâm Đồng pà git, tu\ do bơta sur sơntìl ờ geh gam lơh gơ rềng tus ua\ ngan hìu bơnhă ròng sur bơh càr dê. Bulah kòp jê ndul gơ jroh sur châu Phi neh geh sền gròi, mơya cau ròng sur ờ go\ di sền ờ sơp. Tu\ ròng wơl sur, ală hìu bơnhă pal kờp du\ nền nòn nàng pleh gơbàn hoàc huơr, mơkung lơh jat tơl làm broă gàr kloh niam nàng tơrmù [à bơta kòp lơh aniai: “Sở Nông nghiệp kung bè gah ròng phan sồr làng bol chồl pràn broă lơh tơnguh mpồl sur ròng wơl. Tơnguh khà sur ròng tàm ală hìu bơnhă ờ hềt gơtìp kòp lơh aniai geh sền gròi ờ do ờ dă mờ ròng wơl tàm ală hìu bơnhă gơtìp kòp lơh aniai mơya neh rlau 30 ngai. Làng bol tơnguh khà sur ròng wơl, mơya ba` ròng ur ar mờ pal lơh jat jơnau sồr, hơ\ là tơnguh 10% nàng ròng lài, tơnơ\ 30 ngai dilah xét nghiệm ờ geh kòp den hơ\ sồng tơnguh khà ròng 100% bơh trang trại dê”.

Cau mblàng K’Duẩn