VOV4.K’ho – Ală ngai do, tàm Lâm Đồng, khà pria\ ală bơta biap sa nha sùm gơmù lơyah lơh cau lơh broă sa ờ suk ngan. Ua\ cau pal dus sang tài biap tac ờ tơl nàng tơm pria\ ơpah cau tơnhàu sơl.

Tềng đap suơn tam biap xà lách rlau 2 sàu mờ nggùl gam tàm tơngai tơnhàu, ồng K’Nhiễu, ơm tàm thôn Klong, xã Hiệp An, kơnhòal Đức Trọng, càr Lâm Đồng pà git: Ală nam lài, pah tu\ tus kàl tac tàm dơ\ sa tềp, suơn biap do lơh geh pria\ jền mờr 40 tơlak đông. Nam do trồ tiah niam, biap hòn gơs, tơlir niam ngan, mơya pria\ tac den gơmù lơyah mìng gam 2 rbô đông tàm dùl ki\ lơh hìu bơnhă gơtìp hoàc huơr: “Biap mờ gơguh khà pria\ tac den cau tam kung sa tềp wil tơm rlau, nam do, khà pria\ biap gơmù lơyah ngan, sa tềp kung gơ lơh ờ chờ hờp tai”.

Ndrờm bè hơ\ sơl, mờr 1 sàu ù tam ngò thồm bơh hìu bơnhă bi K’Trúc, ơm tàm thôn Klong C jơh dùl nhai do kung ờ huan [ồm dà, sơngka sền gàr tài sơlơ lơh den sơlơ hoàc huơr. Bi K’Trúc yal, hìu bơnhă gam rơcang dus sang nàng lơh ù tam chi tam ndai: “Suơn biap do sang te\ bơh kàl Noel tus tu\ do. Khà pria\ tac lơyah ir den tàng sang te\ tơn, dilah lơh den mìng geh nđờ rhiang rbô halà 1 tơlak đông, mơya pria\ tă lơh den ờ tơl, den tàng hìu bơnhă sang te\ tơn. A` gam sền sơ wì chi tam lơi tac yòm nàng tam tai”.

Jat ồng K’Hùng, kuang atbồ thôn Klong pà git, tài khà pria\ tac biap gơmù lơyah den tàng ua\ cau tam neh sang te\ ờ tơnhàu, kong hoàc huơr: “Nam do, bơh nhai 10, nhai 11 tus tu\ do neh nhai 1, mơya ua\ bơta biap kung gam gơmù khà pria\, lơh làng bol tam biap pal sang te\. Tài biap gơmù khà pria\, mìng gam bơh 2 tus 3 rbô tàm 1 ki\, làng bol ờ tơl pria\ ơpah cau nàng tơnhàu. Ơpah dùl nă cau lơh broă tu\ do dùl ngai kong pal tong bơh 150 rbô tus 180 rbô đông, tàm hơ\ biap pơyua hờ Sài Gòn mìng geh khà pria\ 2 rbô đông, làng bol ờ tơl sa tơn. Khi sang te\ suơn biap rlau mờ tơnhàu den pal tơm tai pria\ ơpah cau tơnhàu”.

Ờ mìng kơnhòal Đức Trọng mờ tàm ală tiah tam ua\ biap bơh càr Lâm Đồng dê, bơta ală cau tam biap sang te\ suơn biap kung gơlik geh bơh ua\ ngai do. Bi Ya Dung, ơm tàm xã Proh, kơnhòal Đơn Duơng yal: “Khà pria\ biap mìng 2 rbô đông, làng bol sền go\ khà pria\ tac gơmù mờ ki\ sră pơrgon cau blơi ờ tong pria\ den tàng làng bol ờ geh pria\ nàng lơh nhơt. Tài ờ gơ dan mờ khà pria\ bè hơ\ den tàng khi sang te\ jơh suơn biap”.

Khà pria\ ală bơta biap gơmù lơyah ờ mìng lơh cau lơh broă sa hoàc huơr, mờ cau tac brô kung gơtìp kal ke sơl. Mò Nguyễn Thị Kim Trúc, ơm tàm thôn Phi Nôm, xã Hiệp Thạnh, kơnhòal Đức Trọng, là cau mờng pơndiang biap tac ală drà bơh sơn rờp [òn dờng Hồ Chí Minh dê in pà git: Biap nam do gơmù khà pria\ là tài trồ tiah niam, cau lơh broă sa ală càr, [òn dờng ndrờm gơtùi tam is biap den tàng khà biap lơh gơlik ua\. Bulah sơlơ lơh den sơlơ hoàc huơr, mơya làng bol ờ gơtùi sang ală mpồl blơi phan bơh jo\: “Lòt tac bro broă do den pal kong đau, tu\ biap gơguh 20 rbô đông den he geh cồng, tu\ do gơmù 2 rbô đông den he pal kong. Nggùl nam do, a` hoàc huơr mờr 500 tơlak pria\ tài biap. He ờ geh cồng dùk đông, dùk kak lơi kung pal tơm pria\ ơpah cau tơnhàu, tài bè hơ\ den hơ\ sồng khi lơh he in”.

Lâm Đồng là tiah tam biap ua\ ngan rlau jơh gùt lơgar. Gùt càr geh rlau 25 rbô lồ ù tam biap, bơkàu, khà lơh geh 2 tơlak 600 brô tấn, mơya tàm hơ\, mìng geh pơgap 15% khà biap geh tac jat sră pơrgon. Mờ khà pria\ biap gơmù lơyah bè tu\ do, ua\ cau tam biap tàm Lâm Đồng ngan là nam do sa tềp ờ huan chờ hờp tai.

Cau mblàng K’Duẩn