VOV4.K’ho- Kòp Covid-19 gơbàn uă neh lơh gơrềng tus làm jơh bơta tàm rài kis lơh sa- mpồl bơtiàn. Gơ wèt mờ gah lơh broă sa sươn sre càr Lâm Đồng dê, khà gơguh lơh sa 6 nhai bồ nam do lơh geh lơyah ngan pơndrờm bal dùl tu\ mờ nam lài. Nàng dong kờl lơh sa sươn sre bơtàu tơnguh, Lâm Đồng gam lam lơh uă broă lơh, ngan là sơlơ lơh bal đah cau lơh broă sa mờ mpồl lơh sa kă bro, đah tam phan mờ lơh gơlik phan. Bơh sơnrờp, ală broă lơh do gam cèng wơl cồng nha. Quang Sáng cau lơh báo Anih Jơnau đơs Việt Nam tàm Tây Nguyên geh jơnau cih yal bè broă lơh do. Jà..

Bàr pe nhai do, broă tam biăp, bùm, kơnuh, plai chi ală bơta bơh bi Lê Công Thôn dê, bi là dùl nă cau lơh broă sa ơm tàm thị trấn Liên Nghĩa, kơnhoàl Đức Trọng, càr Lâm Đồng kung gam lơh broă sùm bè ờs sơl. Bi Thôn pà gi\t, bơdìh mờ bơta [ươn bè jơnau kờ` ngui sa tàm drà tàm lơgar gơguh, bơh tài broă lơh sa bơh hìu bơnhă bi dê ờ huan gơtìp gơrềng tài bơh kòp Covid-19 dê là tài bơh jơh ală phan bơna lơh gơlik ndrờm tăc yal sră dan blơi phan bơh lài lơm. Tu\ cau lơh broă sa neh geh lơh bal tàm ală anih lơh bal lơh sa mờ kă bro phan bơna den geh hơ pơrgon gàr sùm bè ờs niam ngan broă tam phan mờ priă lơh geh.

Bi Lê Công Thôn, đơs:  Phan lơh geh bơh sươn sre mờ lơh gơlik jăt anih lơh bal den ờ gơtìp gơrềng bơta lơi ờ. Hơ\ là bol a` lơh gơlik phan mờ gơ kung gam geh sùm bè hơ\ mờ ờ go\ gơtìp hoàc hươr roh rui bơta lơi ờ. Pơnyơu bè dilah lơh sa ờ jăt ală anih lơh bal den digơlan cau kă phan khi geh rồn bơklơn he mờ bơcăp priă phan kă bro bơh cau lơh broă sa dê. Mơya, gơ wèt mờ bol a` là lơh broă bal kơ\ kơl jăp jo\ jòng mờ 2 gah ndrờm geh kuơ bal. Dùl gah jòi drà tăc phan, ai dùl đah den rcăng lơh gơlik phan nàng bơta niam phan kă bro gơ in niam ngan.

Ờ go\ di mìng gơ wèt mờ cau lơh broă sa lơm gời ờ, bàr pe mpồl lơh sa kă bro bơh càr Lâm Đồng dê neh gàr niam sùm broă lơh sa kă bro mờ lơh gơlik phan bơna lơh geh bơh sươn sre. Jăt ồng Lê Quang Thành Liêm, Kuang ătbồ Mpồl duh broă ătbồ Công ty TNHH phan lơh geh bơh sươn sre Trình Nhi, gơ wèt Tiah lơh sa mờ măy mok Phú Hội, kơnhoàl Đức Trọng, càr Lâm Đồng dê yal, kòp Covid-19 là bơta lòng bal mơya kung là tu\ tơngai niam ai mpồl lơh sa kă bro in, ngan là ală mpồl lơh sa kă bro tam mờ lơh gơlik ală bơta phan lơh geh bơh sươn sre tăc tàm drà kă bro tàm lơgar in. Tu\ do, bal mờ broă lơh sa kơ\ kơl jăp mờ lơh gơlik sùm 20 tấn phan bơna pah ngai bơh lài tus tu\ do, Công ty bơh ồng Lê Quang Thành Liêm dê gam gàr niam sùm broă blơi ală phan bơna lơh geh bơh sươn sre ai mờr 200 hìu bơnhă làng bol lơh broă sa in.

Ồng Lê Quang Thành Liêm, đơs: Đơs ngan den drà kă bro tàm lơgar bơh Việt Nam he dê dờng rlau pơndrờm mờ ală lơgar ndai. Ală mpồl lơh sa kă bro mờ lơh gơlik phan niam tơnơ\ mờ tu\ tơnhàu den geh uă mpồl blơi phan bơh ală lơgar, mờ uă ngan là bơh lơgar Lo, tàm tơngai kòp Covid-19 bè do, khi wơl tus wơl blơi phan bơh ală hìu măy lơh gơlik phan bơh Việt Nam dê. Do loh làng kung là dùl tu\ tơngai niam sơl.       

Bơta geh ngan pà go\, kòp Covid-19 gơrềng tus jơh ală broă lơh sa tàm càr Lâm Đồng dê, gơhoài jăt bal lơh broă sa sươn sre gơtìp gơrềng uă ngan sơl. Uă ngan cau lơh broă sa mờ ală mpồl lơh sa kă bro, hợp tác xã lơh broă sa sươn sre bơh càr Lâm Đồng dê ndrờm tìp uă ngan kal ke tài gơrềng bơh kòp Covid-19, tàm hơ\ geh rlau 30 anih lơh bal lơh sa đah cau lơh broă sa mờ mpồl lơh sa kă bro, hợp tác xã gơtìp ờ gơtùi lơh broă, uă phan lơh geh bơh sươn sre kal ke ngan geh drà blơi. Jăt ồng Đinh Quốc Vinh, Kuang ătbồ dờng Công ty Cổ phần Gloden Coffee yal, nàng gơtùi kơ\ kơl jăp lơh sa, sơrlèt gan kal ke do, bơdìh mờ sền dờng màng tơnguh uă măy mok tam mờ lơh gơlik phan, ală mpồl lơh sa kă bro mờ cau lơh broă sa kung pal kờ` kơlôi tus lơh gơlik ală bơta phan bơna lơh geh bơta niam uă nàng tơnguh bơta pràn tàm pơrlòng tàm drà kă bro.

Ồng Đinh Quốc Vinh, đơs: Bol a` kung neh tơrgùm tàm broă tăc phan niam ngan mờ lơgar ndai, he blơi phan mờ lơh gơlik ală phan bơna geh bơta niam nàng tăc mờ jơh ală cau blơi phan tàm lơgar in kung bè cau blơi bơh lơgar ndai in. Tơnguh priă lơh geh, lơh gơlik priă jền gơguh tai ai phan bơna in, ala tài he mìng blơi rê lơh gơlik bơchềt bơchòt lơm tơnơ\ hơ\ cèng lòt tăc.

Ồng Phạm S, Phó Chủ tịch Ủy ban Nhân dân càr Lâm Đồng dê pà gi\t, nàng lơh geh anih ơm kơ\ kơl jăp tàm uă bơta kal ke bè tu\ do, càr geh dong kờl mờ chồl guh rề ơnàng ală anih lơh bal lơh sa mờ blơi phan lơh geh bơh sươn sre, tàm hơ\ mpồl lơh sa kă bro mờ hợp tác xã là mpồl cau tờm kuơmàng gơcèng bơta pơlam gùng dà ai lơh gơlik phan, ai niam jơnau kờ` bơh drà kă bro dê. Ồng Phạm S, đơs: Dơ\ dùl là lơh geh bơta lơh bal đah cau lơh broă sa mờ ală mpồl lơh sa kă bro. Dơ\ 2 là, să tờm mpồl lơh sa kă bro do lơh gơlik mpồl cau tờm nàng lơh bal lơh sa dong kờl bè bơto pơlam bơta chài ngui măy mok, sơntìl pa mờ bơta chài tam phan. Bơta ndai, ngan ală mpồl lơh sa kă bro do là mpồl cau lam lài pơlam gùng dà ai lơh gơlik phan in là tam tờm chi lơi, cau lơh broă sa jăt bè hơ\, pơgồp bơnah tơnguh uă nùs nhơm geh kơnòl bơh jơh bal 2 gah dê.

Tài gơrềng bơh kòp Covid-19, broă lơh sa, kă bro ală bơta phan geh lơh bơh broă lơh sa suơn sre càr Lâm Đồng tìp uă kal ke.

Ală broă pơgồp bal lơh sa cèng geh cồng nha mơya gam di gơlan gơtìp ờ gơtùi lơh broă, lơh aniai uă ngan tus mờ broă gơguh lơh sa suơn sre càr Lâm Đồng dê.

Bè hơ\, càr Lâm Đồng geh aoă gùng dà broă lơh mùl màl lơi kờ` dong kờl làng bol lơh broă sa, HTX mờ ala mpồl lơh sa suơn sre sơrlèt mờ kalke, gàr niam khà gơguh lơh sa jăt mờ rơndăp broă neh geh ai? Jơnau lùp tơnơ\ do mờ ồng Nguyễn Văn Sơn, Kuang atbồ Sở Nông nghiệp mờ Phát triển Nông thôn càr Lâm Đồng đơs bè broă do.

Ồng Nguyễn Văn Sơn: Kòp Covid-19 neh lơh aniai uă ngan tus mờ broă lơh sa suơn sre mờ tăc phan geh lơh bơh broă lơh sa suơn sre, lơh aniai tơn tus mờ broă lơh sa bơh ală mpồl lơh sa mờ HTX.

Mpồl lơh sa mờ HTX là bàr anih tòm pơgồp bal mờ làng bol lơh broă sa nàng tăc phan geh lơh bơh broă lơh sa suơn sre mờ broă lơh ờ niam den broă pơgồp bal gơtìp ờ niam, mùl màl là tu\ do neh geh rơlao 30 broă pơgồp bal lơh sa ơm ờ lơh broă.

Ơ ồng, bè hơ\ càr Lâm Đồng pal lơh bè lơi nàng sơrlèt mờ kal ke, gàr niam khà gơguh lơh sa bơh gah lơh sa suơn sre di jăt rơndăp broă neh geh ai?

Ồng Nguyễn Văn Sơn: Kờ` di pal niam khà gơguh bơh broă lơh sa suơn sre den gah lơh sa suơn sre bol a` tơrgùm đơng lam tơnguh bơtàu mờ lơh jăk rơndăp broă pơgồp bal lơh sa.

Rơndăp broă pơgồp bal lơh sa jăt khà geh kuơ geh 3 broă lơh: Lài ngan kà lơh sa, dơ\ bàr là lơh gơs phan mờ dơ\ pe là tăc. Bè broă lơh sa den pal brồ guh, tàm hơ\ lài ngan là brồ guh broă ròng wơl phan, tơnguh mpồl sur, mờ 3 broă pal sền gròi là sơntìl, priă mờ rơcang sơndră mờ kòp gơtòp.

Sơntìl den pal brồ guh mpồl sur me mờ pa do neh tơ\p pơrgu\c roh mờr ¼ khà sur me den tàng ờ tơl sơntìl uă ngan; bè priă den pal ai bơta niam bơsong priă ai làng bol lơh broă sa in bơcri priă lơh sa; gam broă rơcang sơndră mờ kòp gơtòp jê ndul gơjroh sur châu Phi gơtìp wơl.

Bal mờ hơ\ là tơnguh broă tam gơl phan tam, mơya pal kah 3 broă là rơcang sơndră mờ kòp, sền gròi broă tam, phơng sih mờ sơnơm sền gàr phan tam kờ` pleh mờ hoàc huơr làng bol lơh broă sa in, hơ\ sồng sền gròi bơta niam ờ do ờ dă tàm phan sa nàng  gàr nùs nhơm pin dờn ai phan geh lơh bơh broă lơh sa suơn sre càr Lâm Đồng in.

Ơ ồng, bal mờ ală broă lơh mờ ồng pa đơs, broă jòi drà kă bro, gàr niam broă tăc phan geh lơh bơh broă lơh sa suơn sre là dùl bơta tòm bơh gah lơh sa suơn sre dê, bè hơ\ càr Lâm Đồng geh sền kuơ broă do bè lơi tàm tơngai tus?

Ồng Nguyễn Văn Sơn: Broă tơnguh tăc phan, jòi drà kă bro phan geh lơh den bol a` tơrgùm tàm broă tơnguh bơtàu phan OCOP tàm ală tiah nhơl chờ.

Pa do càr Lâm Đồng là dùl tàm 5 càr geh rơwah nàng lơh tơrlòng kờ` tơnguh bơtàu broă lơh OCOP, kuơ màng là dong kờl ală HTX tàm blơh mờ ờ uă kơnòl ndai bè lơh phan geh lơh bơh broă lơh sa suơn sre, gơwèt mờ biăp, bơkào là lơh ing mờ ai geh khà kờ` lơh bè phan geh lơh bơh broă lơh sa suơn sre bè biăp bơkào công nghệ cao nàng tăc tus [òn dờng Hồ Chí Minh ờ gơtùi tăc tus tàm tiah hơ\ mờ ală drà ndai hơ\ sồng lơh ing.

Hơ\ sồng tơrgùm lơh mờ tăc phan geh lơh ai ală phan tam bơrlu\ bal mờ phan tam bơh broă lơh sa suơn sre dê, gùt Tây Nguyên geh 300 rơbô lồ mờ càr Lâm Đồng geh 52 rơbô lồ mờ di lah geh tam bơrlu\ bal tàm hơ\ ală bơta phan geh lơh ing den kung pal kơlôi tus mờ broă lơh ing, lơh nàng tăc phan geh lơh bơh broă lơh sa suơn sre ai làng bol lơh broă sa in. Ba` kơ\p tus tàm tu\ kòl hơ\ sồng lơh den ờ thàn tai.

Du\t ndơl, mờ drà kă bro tàm lơgar den bol a` bơyai lơh hòi jà bơcri priă, pơgồp bal mờ ală anih lơh broă tàm drà kă bro ală [òn dờng dờng tàm lơgar nàng geh anih tăc. Gam gơwèt mờ ală drà kă bro lơgar bơdìh den tài gam gơtìp kòp Covid-19, den tàng bol a` ờ hềt lơh.

Nam lài UBND càr bơyai lơh bơh 4 tus 5 dơ\ nàng hòi jà bơcri priă tàm lơgar Nhờk, Hàn Quốc, châu Âu mờ lơgar Thái Lan mơya nam do tài kòp Covid-19 den tàng bol a` ờ hềt lơh.

Ơi, dan ưn ngài ồng!

            Cau cih Quang Sáng- Cau mblàng Lơ Mu K’Yến mờ Ndong Brawl