VOV4.K’ho- Drim ngai 07/5, Anih sền gròi kòp tê jê să càr Lâm Đồng pà gĭt: gùt càr neh geh 8 rơbô 347 nă cau geh cĭt sơnơm vaccine kơryan kòp Covid-19 ding dơ̆ 1 bơh AstraZeneca dê lơh gơlik. Broă lơh cĭt sơnơm vaccine gàr niam bơta ờ do ơdă, sơr lèt broă rơndap lơh geh jàu. Jat tàm pà bal bơh Bộ Y tế dê, càr Lâm Đồng geh Bộ Y tế tàm pà 7 rơbô 100 ding sơnơm vaccine ai mpồl lơh broă lam lài rcang sơndră kòp in. Tơngai lam lơh cĭt sơnơm vaccine kờp bơh ngai 23/4 tus ngai 05/5.

Gah lơh sơnơm càr Lâm Đồng neh bơyai lơh 53 anih cĭt sơnơm tàm Anih tờm sền gròi kòp tê jê să, 2 hìu sơnơm dờng càr, Hìu sơnơm Hoàn Mỹ Dà Làc, 12 hìu sơnơm tàm kơnhoàl, cơdŭ kham sơm kòp dờng tàm tiah do dê, hìu sơnơm xã, Kuang àng càr. Bơh jat sền tơnơ̆ cĭt geh 1 rơbô 064 nă cau bè ờs mờ sơnơm vaccine mờ 1 nă cau aniai kơn jơ̆ neh geh sơm bè ờs wơl.

Cau mblàng K’Hạnh