VOV4.K’ho- Ală nam pa do, ală broă lơh sa suơn sre ngui công nghệ cao tàm càr Lâm Đông bơtàu tơnguh pràn. Tus tu\ do, gùt càr geh 60 rơbô 200 lồ ù lơh sa suơn sre công nghệ cao, geh tus 20% bă ù lơh sa gùt càr dê, gơguh 17 rơbô lồ pơn ndrờm mờ nam 2015.

Tam biăp tàm hìu krơh công nghệ tam biăp mờ dà tàm kơnhoàl Đơn Dương

Tàm hơ\ uă ngan là ală biăp, bùm, chi sa plai, kơphê mờ phan lơh sơnơm jat ală anih lơh broă bal; tam klăc bal, hợp tác xã lơh sa ngai sơlơ uă li la bè broă lơh; neh lơh gơs 7 tiah lơh sa suơn sre công nghệ cao. Ngan là geh 10 mpồl lơh sa kă bro bơcri priă tàm gah lơh sa suơn sre mờ neh geh dờp là mpồl lơh sa kă bro công nghệ cao. Broă lơh nhơl chờ lơh sa suơn sre, nhơl chờ lơh sa suơn sre gam geh nac lòt nhơl kờ` mờ sac rơ wah.

Cau mblàng K’ Hạnh