VOV4.K’ho- Drim ngai 14/7, càr Lâm Đồng git gŏ tai 1 nă cau bơtờp kòp Covid-19, tơnguh khà cau bơtờp kòp Covid-19 tàm càr là 13 nă. Cau bơtờp kòp Covid-19 pa git gŏ là N.V.Đ (31 sơnam, cau măi rơndeh kong goa) pơndiang phan bơh rbàng 14, xã Quảng Lập, kơnhoàl Đơn Dương, càr Lâm Đồng hơ̆ sồng lòt tus drà bơh sơn rờp Thủ Đức, ƀòn dờng Hồ Chí Minh mờ sơ lơŭ wơl.

Lâm Đồng geh tai cau bơtờp virus Sars CoV-2

Jat jơnau yal bơh bi Đ dê, 2 nhai do, bi ờ rê hờ hìu ơm ơpah tàm kơnhoàl Đức Trọng, càr Lâm Đồng, mìng ơm rềp mờ cau tac bro phan, blơi phan sa tàm ală hìu tac phan sa mờ bic tàm rơndeh, tuh muh mat, um, ràu să jan tàm anih tac xăng, geh blơi ƀañ bùñ kềng gah gùng tàm càr Đồng Nai mơya ờ kah tềng lơi. Gơ rềng tus cau kòp N.V.Đ, mpồl lơh sơnơm mờ ală mpồl lơh broă geh gơnoar neh jòi bàn 4 nă cau F1 mờ 16 nă cau F2, jơh ală neh geh lơh xét nghiệm mhar mờ ai cồng nha ờ bơtờp kòp. Tŭ do broă jòi cau ơm rềp kung gam pơn jat tai geh lam lơh tàm 3 kơnhoàl Đức Trọng, Di Linh mờ Dà Oai.

Cau mblàng K’Duẩn