VOV4.K’ho- Jăt Sở Nông nghiệp mờ Phát triển Nông thôn càr Lâm Đồng yal, Dà Làc neh gơmù bă ù tam bơkàu sơnđờm bơh ngai 8/3 lài do tài bơh jơnau kờ` blơi bơkàu gơmù uă ngan pơndrờm bal dùl tu\ mờ nam 2019.

Kờp du\, bă ù tam bơkàu gơmù pơgăp 30% bă ù tam tàm dùl kàl, ndrờm mờ rlau 675 lồ. Khà bă ù tam bơkàu gơmù, làng bol mìng tam gơl ing tam biăp, kơnuh, plai chi geh priă tăc kơ\ kơl jăp sùm rlau.

Bơh lài tus tu\ do, drà tàm lơgar là drà tăc tờm ngan bơh tiah lơh bơkàu Dà Làc dê. Mìng is, gơwèt mờ bơkàu hồng, Dà Làc lơh gơlik mờr 90% khà bơkàu lơh geh bơh gùt lơgar dê tu\ do gam ơm tàm bơta ờ yòm ngan.

Ală tiah tam bơkàu uă mìng blơi bơkàu hồng khà dùl mờ priă blơi jơnhoa ngan rlau jơh là 500 đong tàm dùl ntê, mìng ndrờm mờ 40% tơngai ờ hềt gơbàn kòp Covid-19. Tàm tu\ hơ\, bơkàu cúc kung geh tam uă sơl tàm Dà Làc priă tăc kung lơyah ndrờm bè hơ\ sơl. Kờp du\, 1 sàu bơkàu cúc, cau tam hoàc hươr 3 tơlak đong. 

Cau mblàng Lơ Mu K’Yến