VOV4.K’ho – Tàm kơnhòal Lạc Dương – tiah geh ua\ ngan làng bol ơm kis là cau kòn cau bơh càr Lâm Đồng dê, broă lơh lơh bal tam bơ sềt hương neh ai go\ bơta dipal, cèng wơl cồng nha lơh sa ua\, dong ua\ hìu bơnhă brồ guh lik klàs r[ah, tam gơl rài kis.

Bồ nam 2020, bi K’Lép, ơm tàm xã Dà Sar, kơnhòal Lạc Dương lơh nền càn 50 tơlak đong bơh Ngân hàng chính sách xã hội nàng lơh 50 thơk vuông hìu tam bơ dềt hương. Broă lơh bi khin cha tam gơl tam bơsềt do là tài tus bal tàm ròt broă lơh bal lơh sa mờ dùl kong ti tàm Dà Làc. Tơl jơnau sồr bè bơta chài tam, sơngka sền gàr, sơntìl mờ anih blơi phan lơh gơs drờm geh đah kong ti kơ lôi rơcang lơm.

Bi K’Lép pà git, tu\ do kờp bal pah nhai hìu bơnhă bi tơnhàu geh pơgap 200 ki\ bơsềt, ai pria\ jền kơ\ kơljap rlau 5 tơlak đong: “A` sền go\ broă lơh do gam bơtàu tơnguh niam, a` tam kơphe den bòl rlau mờ pria\ lơh geh den ờ ndrờm bè broă lơh do. Dilah lơh geh cồng nha den pah nhai he geh pria\ cồng bơh 5 tus 7 tơlak đong bơh dùl nơm hìu tam bơsềt dềt bè do. Tus do den a` geh rề ơnàng tai lơh 2, 3 nơm hìu tam bơsềt nàng mè bèp in ờ huan bòl glar, mờ a` kung geh pria\ jền lơh geh kơ\ kơljap rlau”.

Ndrờm bè hơ\ sơl, bi Tạ Đình Dương, ơm tàm thị trấn Lạc Dương, kơnhòal Lạc Dương kung brồ guh lik klàs kal ke tài bơh tus bal broă lơh lơh bal tam bơsềt hương. Pa do, bi neh rề ơnàng broă tam bơsềt tus 800 thơk vuông, pah nhai lơh geh pria\ jền bơh 20 tus 30 tơlak đong. Bi Dương đơs là, broă tam bơsềt hương ờ kal ke, mờ geh cồng nha lơh sa ua\ tai tài bơh geh kong ti lơh bal blơi phan lơh gơs: “He mìng kờ` hơ pơrgon blơi phan lơh gơs tơl khà jat jơnau sồr bơh đah kung ti lơh bal là di bloh, ai khi geh dong blơi phan lơh gơs he in. Đơs bal, he mìng tơrgùm lơh gơlik bơsềt niam, ai khà pria\ den gơtùi đơs là bơcri dùl den geh cồng 2 dơ\”.

Broă lơh lơh bal tam bơsềt hương tàm Lạc Dương ai pria\ jền lơh geh kơ\ kơljap

Bi Cil Pam K’Quyên, Chủ tịch mpồl cau lơh broă sa xã Dà Nhim, kơnhòal Lạc Dương pà git, tơngai lài, Mpồl cau lơh broă sa xã sùm mblàng yal, lam sồr nàng làng bol tàm mpồl in khin cha tam gơl chi tam, phan ròng, rơndap tap sèng kàl lơh sa. Bơh hơ\, ngui bơta pràn bè ù tiah, cau lơh broă, pria\ bơcri nàng bơcrri bơtàu tơnguh lơh sa, bơtàu tơnguh lơh sa mpồl bal, crơng gơs ală broă lơh mờng chài, lơh gơlik phan bơna bơh sươn sre geh cồng nha lơh sa ua\. Bơh hơ\, ua\ hìu bơnhă làng bol neh khin cha tam gơl rơndap tap sèng chi tam geh cồng nha mờ tơnguh pria\ lơh geh hìu bơnhă in. Pơn rơ bè hìu bơnhă bi Y Sái Kơ Să neh geh cồng nha mờ broă lơh tam bơsềt hương mờ bơh broă lơh tam bơsềt hương bơh hìu bơnhă bi dê, tu\ do neh lam lơh ua\ tus 14 hìu bơnhă tàm xã.

Jat ồng Nguyễn Hoàng Hải, Kuang atbồ Phòng Nông nghiệp kơnhòal Lạc Dương pà git, broă lơh bal tam bơsềt hương tàm kơnhòal di mờ bơta chài lơh sa làng bol dê, lơh gơlik tu\ niam ai ua\ hìu bơnhă kal ke in brồ guh lik klàs r[ah. Tu\ do, gùt kơnhòal geh rlau 30 hìu bơnhă tus bal tàm broă lơh bal do. Gah lơh sa suơn sre gam pơn jat tai pờ ua\ ơdu\ bơto pơlam mờ tàm jàu bơta chài tam bơsềt, mơkung jòi tai mpồl lơh bal nàng dong cau lơh broă sa rề ơnàng broă lơh mờ drà kă bro tac phan lơh gơs. Ồng Nguyễn Hoàng Hải pà git: “Go\ cồng nha bơh broă lơh tam bơsềt hương dê den tàng tu\ do jơnau kờ` lơh bal lơh broă bơh làng bol dê là ua\ ngan. Tàm tơngai tus, kơnhòal geh pơn jat tai dong kờl rề ơnàng broă lơh sa mờ kung neh geh jơnau kờp du\ tus nam 2025 lơh ngan lơh bè lơi gơtùi lơh geh pơgap 200 nơm hìu tam bơsềt tàm kơnhòal”.

Ală cồng nha lơh geh bơh broă lơh lơh bal tam bơsềt tàm kơnhòal Lạc Dương ờ mìng pơgồp bơnah dong kơnhòal lam lơh geh cồng nha broă lơh jơnau kờ` dà lơgar bè tơrmù r[ah kơ\ kơljap, mờ gam wèt tus broă bơt bơtàu tiah lơh sa gơ jat bal mờ drà kă bro blơi phan lơh gơs, tơrmù [à bơta tơnhàu geh ua\ mơya tac ờ yòm, lơh gơlik bơta sơ nơng lơh sa pa ai cau lơh broă sa tàm tiah sar lơgar ngài, tiah làng bol kòn cau in.