VOV4.K’ho – Tơngai lài, tàm càr Lâm Đồng, ală broă lơh ròng phan kong ua\ bơta gơ rềng bơh kòp bơ tờp dê, bulah bè hơ\ sền bal gùt tơngai bơh nam 2015 tus nam 2020, ală phan lơh gơs bơh broă ròng phan ngai sơlơ gơguh ua\, li la bè khà, bơta niam, khà sơntìl phan ròng pa geh tam gơl loh làng. Mùl màl khà sur sơntìl blơi bơh lơgar ndai geh rlau 95%, mpồl kơnrồ geh bơ tờp bơh sơntìl kơnrồ Zebu rlau 75%; mpồl kơnrồ dà toh gơguh 36%, kơnrồ lơh poac gơguh 35%, khà ka dà mrềt lơh geh gơguh 25%, tap tu ruồi brài gơguh 150%.

Bè hơ\ den tàng, gah ròng phan Lâm Đồng neh lơh geh khà gơguh rlau 14%, pria\ lơh geh bơh cau ròng phan dê geh tơnguh niam ngan. Kươmàng, broă ròng phan càr Lâm Đồng dê gam tam gơl hời rơ hời bơh broă ròng phan rah rài, dềt gơs ròng phan tơr gùm bal trang trại mờ broă ngui ua\ gơguh jak kỹ thuật, tam gơl gơs broă lơh is. Tus tu\ do, Lâm Đồng neh geh 250 trang trại ròng phan, gơguh 50% pơn drờm mờ nam 2015.

Cau mblàng K’Duẩn