VOV4.K’ho- Kơnờm lơh pràn broă crơng gơs ală anih lơh bal tam mờ kă bro phan bơna lơh geh bơh sươn sre, đòm jăt lơh broă sa sươn sre công nghệ cao jăt gùng dà ngac ngar mờ hữu cơ tàm broă lơh sa, Lâm Đồng neh rơhời bơsong geh jơnau “geh tơnhàu den tăc ờ yòm” geh sùm drà blơi phan bơna phan lơh geh bơh sươn sre ai làng bol in.

Lài do, broă lơh sa bơh ồng Lê Quang Lượng dê, cau lơh broă sa ơm tàm xã Tân Hội, kơnhoàl Đức Trọng, càr Lâm Đồng sùm pal kong mờ bơta kal ke tài bơh sươn biăp ală bơta bơh hìu bơnhă bi dê sùm tăc mờ khà priă lơyah ngan, geh tu\ biăp pal lời ồm tơn tàm sươn tài bơh ờ geh cau blơi. Dùl nam rềp ndo, kơnờm mu\t bal tàm broă lơh lơh bal mờ dùl anih lơh biăp ờdo ờdă tàm tiah do, jơh ală phan bơna biăp tam geh bơh hìu bơnhă ồng Lượng dê ndrờm tăc [ươn soh ngan, priă tăc geh sùm mờ priă cồng lơh geh den kung uă rlau pơndrờm mờ lài. Ồng Lượng pà gi\t, tu\ neh lơh bal geh den broă tam phan ndrờm gơ gơs [ươn soh ngan, ờ duh gam pal kơlôi rcăng tai bè drà blơi gơ. Ồng Lượng, đơs: Tu\ he lơh bal den drà kă bro geh sùm mờ lơh sa lơh geh cồng nha uă sơl. Tu\ do, dilah he ờ lơh bal, he lơh mờ tăc phan bơna tàm drà den kal ke ngan. {ùi drim là biăp mơya mho neh gơ gơs phan sang te\, tài bè hơ\ den tàng a` pal lơh bè lơi nàng drim là biăp mờ mho kung là biăp sơl. Kờ` bè hơ\ den he pal lơh bal tam nàng lơh sa, nàng geh drà blơi phan bơna sùm ai he in.

Lâm Đồng tơnguh uă priă phan lơh geh bơh sươn sre kơnờm bơh broă lơh bal lơh sa

Go\ geh cồng nha bơh ală broă lơh lơh bal lơh sa, Lâm Đồng neh hòi jà cau lơh broă sa mờ ală hợp tác xã, mpồl lơh sa kă bro tàm càr crơng gơs ală anih lơh bal tam mờ kă bro ală phan bơna lơh geh bơh sươn sre. Tu\ do, jơh gùt càr neh geh 165 anih lơh bal lơh sa, gơguh 45 anih lơh bal pơndrờm mờ 2 nam lài, tàm hơ\ geh mờr nggùl khà ală anih lơh bal geh ală mpồl tàm lơgar mờ dunia ai sră cơng tàng bơta niam phan bơna lơh geh bơh sươn sre.

Jăt ồng Phạm S, Phó Chủ tịch Ủy ban Nhân dân càr Lâm Đồng đơs, broă bơ\t bơtàu mờ crơng gơs uă anih lơh bal lơh gơlik ală bơta phan lơh geh bơh sươn sre neh pơgồp bơnah lơh tơnguh tai priă jền gah lơh sa sươn sre bơh càr dê tus 1,3 dơ\ pơndrờm mờ lài, mờ priă phan bơna lơh geh tàm dùl bă ù tambal kờp bal geh 180 tơlak đong dùl lồ dùl nam. Do là gùng dà niam ngan mờ càr pal sền dờng màng ngan tàm broă bơ\t bơtàu mờ bơtàu tơnguh rài lơh broă sa sươn sre tơl làm, kơ\ kơl jăp mờ măy mok lơh is lơm. Ồng Phạm S, đơs nền: Lâm Đồng neh geh 165 anih lơh bal lơh sa geh crơng gơs, bơh bơta lơh bal do neh dong tơnguh uă geh priă jền phan lơh geh bơh sươn sre jăt gùng dà ờdo ờdă phan sa mờ broă lơh sa geh lơh jăt gùng dà tơnguh uă. Ờ mìng bơtàu tơnguh lơh broă sa sươn sre ngui công nghệ cao mờ neh rơhời bơtàu tơnguh lơh broă sa sươn sre jăt gùng dà ngac ngar mờ hữu cơ. Uă phan lơh geh bơh sươn sre neh lơh geh bơngă pin dờn, lơh geh priă jền uă, pơgồp bơnah tơnguh uă priă jền tăc mờ lơgar ndai bơh càr Lâm Đồng dê nam tơnơ\ uă rlau mờ nam lài 20%.

Cau cih Quang Sáng- Cau mblàng Lơ Mu K’Yến