VOV4.K’ho- Tơnơ\ 1 poh Lâm Đồng gơlik geh kòp jê ndul gơ jroh sur châu Phi, jơnau sur bơtờp kòp chơ\t mờ tơ\p pơr gu\c tàm càr gam gơguh pal kơlôi rcang ngan. Neh geh g^t nđờ jơ\t tấn sur pal tơ\p pơr gu\c.

Gùl poh lài, Lâm Đồng kờp jơh geh 82 nơm sur bơtờp kòp jê ndul gơ jroh sur châu Phi chơ\t mờ tơ\p pơr gu\c. Mìng bàr pe ngai tơnơ\, khà sur gơtìp chơ\t mờ tơ\p pơr gu\c neh gơguh tus 260 nơm, mờ kờp bơta kơn jơ\ rlau 45 tấn, tàm hơ\ uă ngan là sur me. Bơta pal đơs ngan, bơh 13 hìu bơnhă ròng tơrgùm tàm 4 thôn bơh xã Liên Hiệp, kơnhoàl Đức Trọng geh sur bơtờp kòp sơn rờp, tu\ do neh gơguh tus 23 hìu bơnhă, mơkung gơlik geh tai dùl tiah bơtờp kòp pa tàm tiah rềp bal là thị trấn Liên Nghĩa, kơnhoàl Đức Trọng.

Ồng Ngô Văn Trực, ơm tàm thôn An Ninh, xã Liên Hiệp, kơnhoàl Đức Trọng pà g^t, broă rcang sơn dră mờ kòp jê ndul gơ jroh sur châu Phi gam kal ke ngan rlau jơh.

Kơlôi rcang ngan tài gùt dar sur làng bol dê gơtìp kòp jơh bloh. Jat tơl hìu bơnhă là kơlôi rcang [ồm sơnơm kơryan kòp, rơ sìh vôi mờ tơrmù broă mut lik tàm wàng ròng sur.

Dùl hìu bơnhă ròng sur tàm xã Liên Hiệp, Đức Trọng gam ai sur chơ\t lòt tơ\p pơr gu\c jat jơnau bơto pơlam bơh anih lơh broă geh gơnoar dê.

  Jat ồng Nguyễn Thanh Thủy, Chủ tịch UBND xã Liên Hiệp, kơnhoàl Đức Trọng đơs, kơnờm lơh niam broă mblàng yal, hòi jà den ală hìu bơnhă ròng sur ndrờm pơgồp bal niam ngan mờ gơnoar atbồ xã tàm broă rcang sơn dră kòp. Ờ geh jơnau mpồn kòp.

Ală anih ròng uă geh sur kòp den làng bol yal mơ tơn mờ anih lơh broă geh gơnoar mờ gơnoar atbồ xã nàng tơ\p pơr gu\c mờ rcang sơn dră kòp. Ală anih ròng sur uă gơbàn kòp den bol a` neh tơngkah làng bol là ba` mut lik bơdìh uă ir nàng pleh mờ bơta cèng kòp rê bơtờp tàm anih ròng sur he dê.

Ồng Phạm Phi Long, Kuang atbồ Chi cục ròng phan, lơh sơnơm phan ròng, phan tàm dà càr Lâm Đồng pà g^t, gùt càr geh pơgap 400 rơbô nơm sur, tơr gùm ròng uă ngan tàm 2 kơnhoàl rềp bal là Đức Trọng mờ Lâm Hà. Den tàng, bơta digơlan kòp jê ndul gơ jroh sur châu Phi geh pơn jat tai bơtờp uă tàm uă tiah là uă ngan. Den tàng bè hơ\, nàng gàr niam broă rcang sơndră kòp, tơrmù jơnau sur kòp bơtờp tàm uă tiah, bơdìh mờ broă lơh ngan lơh dùl ròt bal ală broă lơh, dong kờl làng bol [ồm sơnơm kơryan kòp, [ồm sơnơm tàm wàng ròng, càr neh lơh mhar ai crơng gơs rlau 20 anih drơng broă nàng kơryan kòp.

Bol a` neh ai ală mpồl drơng broă kơryan jơnau pơn diang sur mut lik tàm tiah kòp. Bol a` neh sồr mpồl lơh broă phan ròng tàm ală tiah sơlơ tơnguh broă lòt sền tiah lơh poăc, sền gròi kloh niam phan ròng, gàr niam poăc sur tu\ tăc tàm drà kă bro den pal di mờ jơnau ờ do ờ dă kloh niam phan sa ai cau ngui sa in. Gơ wèt mờ cau ròng sur, bol a` tơngkah pal lơh broă bal mờ gơnoar atbồ ală tiah, ba` mpồn mờ sang sur chơ\t bơdìh.

Lơh ngan jơh nùs lơh jat ală broă lơh rcang sơn dră kòp, Chủ tịch UBND càr Lâm Đồng neh ai ngui Quyết định crơng gơs Mpồl đơng lam kấp càr bè rcang sơn dră kòp jê ndul gơ jroh sur châu Phi. UBND càr Lâm Đồng sồr ală gah sơnah lơh broă, ală tiah pal lơh ngan jơh nùs, nền cê broă crơng gơs ală anih sền gròi pơn diang phan ròng; sồr ală cau tờm hìu bơnhă ròng sur ki\ hơ tu\ g^t go\ sur kòp, chơ\t, pal yal mơ tơn mờ gah lơh sơnơm phan ròng tàm kơnă hơ đơm in. Mờ Sở Nông nghiệp mờ phát triển nông thôn Lâm Đồng kung mhar ngan ai broă lơh, broă dong kờl [ồm sơnơm kơryan kòp, lam lơh dơ\ pơs wàs wàng ròng, [ồm mờ vôi bòk mờ [ồm dà sơnơm kơryan kòp tàm gùt càr…

Cau mblàng K’ Hạnh