VOV4.K’ho- Drim ngai 25/5, Kuang atbồ Sở Y tế Lâm Đồng ồng Nguyễn Đức Thuận pà git, jơh 120 mẫu xét nghiệm bơh ală cau gơ rềng tus cau kòp sồ 3141 ờ bơtờp dơ̆ 3 mờ virus Sars CoV-2. Kờp tus drim ngai 25/5, Lâm Đồng neh tam cah is 355 nă cau, tàm hơ̆, tàm hìu sơnơm tam cah is 21 nă cau; tàm ală anih tam cah is tơrgùm bal là 259 nă cau mờ tam cah is tàm hìu 75 nă cau.

Gơ rềng tus cau kòp Covid-19 sồ 3141 bơh Bắc Ninh neh geh tŭ lòt Dà Làc nhơl chờ bơh ngai 2 tus ngai 5/5, Lâm Đồng neh jòi bàn 776 nă cau ơm rềp. Tŭ do gam tam cah is 152 nă. Kuơmàng bơh ngai 23 tus ngai 25/5 neh geh 249 mẫu xét nghiệm Sars CoV-2 dơ̆ 3 ờ bơtờp. Ală cau tam cah is tơrgùm bal geh cồng nha xét nghiệm dơ̆ 3 ờ bơtờp mờ virus Sars CoV-2 neh geh dờp kơrnuat lơh gơs tơngai tam cah is tơrgùm bal.

Cau mblàng K’Duẩn