Pah tu\ kàl rlô bơkang tus, khà cau nac nhơl chờ tus bòn dờng bơkàu niam bơne\ Dà Làc, càr Lâm Đồng nàng sền, ơm rlô sa\ gal ngan. Nàng drơng niam cau jơnau kờ` nhơl chờ bơh cau nac dê, ua\ tiah nhơl chờ geh pơnrơ ngan bơh bòn dờng Dà Làc dê neh bơcri lơh niam mờ mut ai ngui ala\ phan bhơl chờ pa.

Nhai rlô bơkang la tu\ tơngai bươn boài ngan tàm nam kờ` Dà Làc-Lâm Đồng wa\ dùl khà nàng gal cau ngan tus lòt sền, lòt nhơl, ơm rlô sa\. Kung bè ala\ tiah, anih tus lòt sền ndai tàm bòn dờng, bal mờ broa\ bơcri pria\ lơh niam tiah phan geh is, lơh niam ala\ phan bơna, den anih nhơl chờ dòr mộng mơ Dà Làc kung neh lơh gơs ai ngui sươn niam chài-dùl phan pa ngan bơh mpồl drơng nac nhơl chờ in tàm nhai rlô bơkang nam do. Lo\ Nguyễn Thị Thuỳ Dương dùl na\ cau lơh broa\ ka\ bro drơng tiah nhơl chờ mộng mơ Dà Làc, đơs:“Bal mờ ala\ broa\ lơh gờm chờ` di mut bồ nhai rlô bơkang den bol a` kung geh bơcri lơh niam wơl phan geh is, tàm hơ\ mpờl go\ ngan la sươn lu\-mờ bơta  niam chài geh rơndap lu\, bơkàu, dà- gơs dùl sươn niam chài. Ala\ broa\ lơh ndai den  bol a` kung  geh lơh niam, bơsir wơl,  lơh niam rlau tai nàng gơ slơ niam rlau tai”.

            Tàm tu\ hơ\, tus mờ tiah nhơl chờ Thung lũng tình yêu Dà Làc kung neh geh broa\ lơh rơndap bơcri geh tus 4 tơmàn pria\ nàng lơh niam wơl phan bơna geh is, tam geh ala\ bơkàu, rơndap tap sèng anih tac phan  niam, bơkah is, lơh gùng lòt tàm dơlam is nàng drơng niam ngan bơta kờ` tus sền, sền niam bơh cau nac. Ồng Phan  Khắc Cử gơnoar jat jơng at bồ tiah nhơl chờ Thung lũng tình yêu Dà Làc kơp kờ` la,  mờ bơta bơcri lơh ua\ di pal, ngan la tàm nhai rlô bơkang nam do mpồl geh wa\ dùl khà  nac jơnhau  ua\ rlau pơndrờm mờ bal tu\ mờ nam lài. Ồng đơs:“Nàng geh wa\ nac tàm tu\ nhai rlô bơkang do, den mpồl bol a` neh pal bơcri lơh ua\ ngan. Nền nòn  la mìng is bè phan bơna niam geh is den mpồl kung neh bơcri tuh lơh rlau 1 tơmàn pria\. Jat rơndap broa\,  mpồl geh bơcri tai mờ kờp khà pria\ gơguh tus 4 tơmàn pria\. Kơp kờ` mờ  broa\ bơcri do, bal mờ mờ  broa\ dơng nac niam bơh tiah nhơl chờ, mờ geh pơnrơ git lài, ngan la bơta pràn bè tàm tơngai lài, mpồl geh jai tàm nhai rlô bơkang nam do”.

            Ờ mìng tus mờ ala\ mpồl nhơl chờ neh geh pơnrơ lài, ờ ua\ anih nhơl chờ pa kung neh lơh gơs  mờ ai ngui ala\ phan  nhơl chờ pa,  phan pơnrơ is drờng bơta kờ` tus sền, sền go\ bơh tơl cau nac rềp ngài. Bè tiah nhơl chờ sơmanh Dà Làc mờ phan nhơl chờ la gùng trah rùp jòng 700 thơt, tiah nhơl chờ Cù Lần mờ phan nhơl chờ geh lơh  bè dơ\ tam lơh mờ phàu dà sơng,  bơto pơlam broa\ ting mòk, ơm kis tàm gùl brê dờng, tiah nhơl chờ thòng rmit, mờ phan nhơl chờ la anih bơyai lơh chờ bơhìan bơh ala\ kòn cau Tây Nguyên, hala bòn nhơl chờ brê Madaguoi mờ dơ\ lòt nhơl chờ mut tàm brê dờng, anih tờm bơto pơlam bơnơm rơwas, mờ ala\ dơ\ nhơl chờ lòt nhơl bơdĩh tiah Dà Làc ờ ơm bòn drà mờ ua\ tiah nhơl chờ ndai. Ngan ngồn, gơjat tàm khà nac cih mat dan nhơl, ala\ tiah nhơl chờ do gam mut lơh broa\ tơmù khà pria\ vé bơh 10 tus 30%.

            Jat mò Nguyễn Thị Bích Ngọc kuang jat jơng at bồ gah chài rgơi tàp  pràn sa\ ja` mờ nhơl chờ Lâm Đồng, mờ sơnđan chờ ngan nhai rlô bơkang mờ ua\ ngan bơta  broa\ dờng geh bơyai lơh tàm Dà Làc, do la tu\ nàng càr do geh lơh pràn ala\ broa\ mut lơh, yal tơnggit rùp sa\ nhơl chờ Dà Làc-Lâm Đồng tus mờ ala\ cau nac gùt làm dà lơgar. Mò Nguyễn Thị Bích Ngọc đơs:“Kuơ màng nam do la nam nhơl chờ dà lơgar den tàng  broa\ lơh nhai rlô bơkang, geh đơs la chờ hờp ngan nhai rlô bơkang mờ ua\ ngan broa\ lơh dờng. Sơnrờp bol a` geh broa\ lơh wa\ mpồl  cau lơh broa\  jòi rồ  phan  yau bơh ala\ bòn lơgar ndai tus, ngan la ala\ cau kờ` nhơl  chờ dơ\ lòt mờ yal tơnggit jơnau. Geh lơh bal mờ dơ\ bơyai lơh pơrjum geh mut lơh broa\ bal bơtàu tơngguh bơh Lâm Đồng mờ ala\  tiah ndai. Bè chài rgơi tàp pràn sa\ ja` den kung geh ua\ ngan broa\ lơh. Do la tu\ nàng  gah lơh broa\ chài rgơi, tàp pràn sa\ ja` mờ nhơl chờ Lâm Đồng yal tơnggit mờ cau nac ala\ broa\ lơh kung bè ala\ phan nhơl chờ pa”.

                                                                               Cau mblàng K’ Brọp