VOV4.K’ho- Là dùl tàm ală tiah gơtìp aniai kơn jơ\ ngan tài bơh mìu càl rbu\t dờng sồ 3 pa do, kơnhoàl Dăk R’lấp, càr Dăk Nông bơh ngai 6/8 tus jơh ngai 12/8 neh geh mìu dờng ngan lơh dà tàm ală dà dờng, dà croh, dà sơdiang, `rùh dà, bơtơ\t tơnau dơng dà gơguh tiah sơrbac mhar ngan, bal mờ hoàc hươr bè hìu đam, den mìu nhàc dà tih neh lơh rlau 400 lồ chi tam jo\ nam bè kơphê, tiêu làng bol dê gơtìp ngơr bam jrô tàm dà, lồi du\t jơnau gơlời wơl làng bol in là kơn jơ\ kơn ju\t ngan.

Xã Quảng Tín, kơnhoàl Dăk R’lấp là dùl tàm ală tiah gơtìp ngơr bam jrô dà uă ngan rlau jơh tàm dơ\ dà tih pa do. Ồng Nguyễn Văn Sửu ơm tàm thôn 4, xã Quảng Tín, kơnhoàl Dăk R’lấp pà gi\t, tàm ală ngai mìu nhàc dà tih dà cò, rlau 20 hìu bơnhă làng bol tàm thôn 4 gơtìp dà wềl tài bơh rbàng [ă gan croh dà gơtìp ngơr bam jrô tàm dà, dà gơhòr jơnhăng ngan. Ồng Nguyễn Văn Sửu yal wơl, tài bơh hìu ồng dê ơm rềp tềng croh dà, den tàng tu\ dà gơguh tih dờng ngan rlau jơh dà gơ lìu ngơr bam jơh hìu đam, cò pơrdô jơh iar ada mờ bàr pe sào kơphê gùt dar hìu gơtìp ngơr bam jrô tàm dà. Tus tu\ do, ồng kung gam gơlơh nrơ\t ndơl ngan tu\ kah wơl:

Tu\ hơ\ guh bi\c den geh phan lơi a` mìng yờ jơnhoa guh hơđang, geh ală thùng dơng dà ai che kơt wơl nàng kơ\t tềng tờm điều nàng gơ in ờ gơtìp dà cò pơrdô, ờ hềt tu\ lơi mờ dà gơguh tih dờng bè do, gơguh tih dờng mơya gơhoài soăt lơyaì ngan, ngai lài mìng ngơr bam dà kềng gah dà croh lơm là gơhoài soăt jơh tơn, ờ hềt geh tu\ lơi mờ dà ngơr bam bè do.

Kung tàm tơngai mìu nhàc dà tih dà cò sơl, ồng Đặng Hữu Công, Kuang atbồ thôn 4 pà gi\t, mìu nhàc dà tih dà cò lơh dà dờng gơguh tih jơnhoa lơh rbàng ing ờ gơtùi lòt rê, rơpu, kơnrồ, sur iar làng bol dê dùl bơnah den chơ\t tài bơh gơlềt dà, bơlhăt dà, dùl bơnah den gơtìp dà cò pơrdô te\. Dà tih jơnhoa kung lơh 20 nơm hìu tàm thôn gơtìp ngơr bam dà, pơgăp 6 lồ tơngời mờ 5 tơnau ròng ka làng bol dê gơtìp ngơr bam jrô tàm dà.

Mpồl lơh broă sùm là mpồl ling klàng làng bol mờ UBND xã kung neh geh mat di tu\ tơn pơndờm pơnđiang, hòi jà làng bol, hòi jà ală hìu bơnhă làng bol lơi mờ geh hìu đam gơtìp ngơr bam jrô tàm dà. Tài bơh ală hìu bơnhă làng bol ơm kis lơh sa tàm do neh jo\ den tàng khi tă is priă nàng lơh rbàng lòt rê do, UBND xã kung neh đơs sơl là dilah geh bơta lơi gơ aniai den kung pal rcăng dong kờl [ung mi làng bol in.

Bal mờ hoàc hươr bè phan bơna, den dùl broă jê sồt muăt jrùm ngan neh gơlik geh tàm thôn 14, xã Dăk Sin, lơh 3 nă cau tàm dùl hìu bơnhă chơ\t. Broă gơlik  geh tàm tu\ trồ mang ngai 7/8, tu\ hìu bơnhă gơtìp rềs àr do gam bic den nisơna gi\t nđờ rbô khối ù lú neh tơrlah mờ gơ bồr tơ\p jơh hìu tàm thôn 14, xã Dăk Sin, kơnhoàl Dăk R’lấp, càr Dăk Nông. Mpồl đơng lam rcăng sơndră trồ tiah lơh aniai mờ Lòt jòi dong kờl rềs àr càr Dăk Nông neh lơh ngan hòi jà jơh ală mpồl cau nàng lòt jòi [ồc ală cau gơtìp chơ\t aniai do; Gah đơng lam ling klàng càr Dăk Nông kung neh hòi jà rlau 40 nă kuang bàng, cau ling tus bal lòt jòi dong kờl rềs àr.

Dơ\ mìu nhàc dà tih dà cò pa do, mìng is kơnhoàl Dăk R’lấp, càr Dăk Nông geh 60 nơm hìu gơtìp ngơr bam tàm dà, mờ rlau 400 lồ kơphê, tiêu gơtìp aniai. Bal mờ hoàc hươr bè phan bơna, 4 nă cau tàm kơnhoàl Dăk R’lấp neh gơtìp chơ\t tài bơh dơ\ mìu dờng lơh aniai.

Ồng Phạm Quang Vượng, Kuang atbồ Phòng Nông nghiệp, Kuang atbồ Cơldu\ lơh broă Mpồl đơng lam rcăng sơndră trồ tiah lơh aniai mờ lòt jòi dong kờl rềs àr kơnhoàl Dăk R’lấp pà gi\t, kal ke dờng ngan rlau jơh tàm ală tu\ sơndră wơl mờ mìu càl rbu\t dờng là tài bơh ù tiah kơnhoàl dê dờng ơning ơnàng ngan, gơ ơm jòng rah rài, uă anih gơtìp aniai ơm ngài mờ tiah làng bol ơm kis den tàng broă đơng pơlam rcăng sơndră mìu nhàc dà tih dà cò lơh aniai gam tìp kal ke. Bè broă lơh bơsong tơnơ\ dơ\ mìu càl rbu\t dờng lơh aniai, bơ\t bơtàu wơl broă lơh sa sươn sre, ồng Phạm Quang Vượng pà gi\t:

Mpồl đơng lam rcăng sơndră trồ tiah lơh aniai mờ lòt jòi dong kờl rềs àr kơnhoàl dê rcăng ndang, sơndră ndang mơkung bơsong tơn ya, bè broă dong kờl den neh yal mờ ală tiah in bè hìu đam, bă ù phan tam, phan ròng tơngai lài jat jơnau ai bơh Chính phủ dê mờ kơrnoat bơh UBND càr dê tàm broă bơsong trồ tiah lơh aniai. Mpồl Chữ thập đỏ kung neh dong kờl làng bol tàm tiah gơbàn aniai tơn, tus còp pơndờm pơnđiang mờ dong tơn ală hìu bơnhă gơtìp hoàc hươr mờ phan sa, phan bơna…

Cau tơng^t jơnau đơs neh geh dơ\ lùp ồng Phạm Quang Vượng, kuang atbồ anih lơh broă Mpồl đơng lam rcăng sơndră mờ rềs àr bơh trồ tiah mờ jòi dong kàs cau gơtìp rềs àr kơnhoàl Dak Rlấp kờ` geh jơnau tơng^t ing tai yal tus mờ làng bol bè bơta gơtìp hoàc huơr bơh mìu dờng dà tih dà cò lơh aniai tàm kơnhoàl Dak Rlấp kung bè ală broă tơmù hoàc huơr tơnơ\ mờ mìu dờng dà tih dà cò, dong kờl làng bol ring niam rài kis tàm tơngai tus.

Niam să ồng, ồng gơtùi yal tơrgùm bal bè bơta hoàc huơr bơh mìu dờng mờ dà tih dà cò lơh aniai tàm kơnhoàl tơngai pa do?

Ồng Phạm Quang Vượng: Gơbàn bal bơh mìu càl dờng sồ 3 tàm tơngai lài do, bơh ngai 7 nhai 8 tus tu\ do tàm kơnhoàl Dak Rlấp den bơta kal ke gơbàn ni sơna ngan, tài bơta tam gơl trồ tiah, tàm 5, 6 nam pa do mờ kuơ màng ngan là nam do mìu geh dờng ngan. Khà kờp tàm kơnhoàl bè hoàc huơr phan tam kung mờr 300 lồ, mơya khà kờp tus tu\ do kung gam ờ hềt di pal.

Geh ờ uă gùng gơtìp tơrlah uă ngan, kal ke tus mờ làng bol tàm broă lòt rê. Tàm hơ\ geh ờ uă rơbàng bè bàr nơm rơbàng yồng tàm [òn Tân Lập, xã Dak Ru gơtìp dà cò pơrdô lơh làng bol pal lòt pơdar mờr 10 kơi sồ gùng. Kal ke tus mờ làng bol tàm broă lơh sa bal mờ rài kis. Dơ\ bàr là geh ờ uă trồm tơl^k dà tàm gùng [òn 10 xã Dak Sin mờ ờ uă [òn ndai kung gơtìp tơrlah mờ dà pơrdô.

Uă ngan tàm nam do, broă gơtìp tơrlah ù, ală suơn mìr làng bol tàm hơ\ geh [òn 4 xã Quảng Tín, [òn 14 xã Dak Sin, [òn Tân Phú xã Dak Ru gơtìp tơrlah ù. Khà cau chơ\t tàm kơnhoàl geh 4 nă, tàm hơ\ geh dùl hìu nhă 3 nă cau chơ\t jơh tàm [òn 14 xã Dak Sin gơtìp hoàc huơr uă ngan bè màng kis kòn bơnus.

Geh g^t tàm tơngai mìu càl dờng den tàm [òn 4, xã Quảng Tín geh rơlao 20 hìu làng bol gơtìp koh gơl is tài dà gơguh tih, mpồl lơh broă geh gơnoar neh geh ală gùng dà broă lơh kờ` bơsong mhar bè lơi?

Ồng Phạm Quang Vượng: Broă tàm [òn 4, xã Quảng Tín là tiah thòng, ală kàl mìu nam lài gơbam dà mơya ờ di bè nam do, gơbam dà mờ lơh làng bol gơtìp koh gơl is, den mpồl đơng lam sơndră mờ rềs àr bơh trồ tiah kơnhoàl bơh jơnau yal xã dê den neh tus dong kờl làng bol, sồr ală kuang bàng tàm mpồl đơng lam sơndră mờ rềs àr jòi dong klàs cau gơtìp rềs àr, gàr niam ờ do ờ dă kòn bơnus, phan bơna, mờ broă lơh ồs đèng gơtìp ờ niam den tàng pal lơh gùng che ồs đèng lài. Ală hìu làng bol gơtìp gơbam dà den jun ào pơrđồng kờ` gàr niam màng kis làng bol tềng đăp măt.

Kờ` tơmù hoàc huơr bơh mìu dờng dà lơh ajiai mờ dong kờl làng bol ring niam wơl rài kis, gơnoar atbồ tàm do bal mờ ală gah, mpồl lơh broă geh gơnoar geh lơh bè lơi ơ ồng?

Ồng Phạm Quang Vượng: Tềng đăp mờ mùl màl do, mpồl đơng lam sơndră mờ rềs àr bơh trồ tiah kơnhoàl Dak Rlấp sơndră mờ tơmù hoàc huơr ndang. Bè geh ờ uă rơbàng di lah geh lơh kơl jăp wơl kờ` ai làng bol in lòt rê ing mờ rơcang sơndră mờ geh tơmù hoàc huơr tơn. Tu\ do, neh lơh kơl jăp wơl ờ uă rơbàng mờ trồm tơl^k dà kờ` làng bol in gơtùi lòt rê ing. Geh ờ uă rơbàng dờng tu\ do làng bol ờ hềt gơtùi lòt, pal lòt pơdar bơh tiah ngài.

Bè broă dong kờl den tu\ do neh yal ală tiah in bơyai lơh kờp bă ù tam phan, phan ròng tàm tơngai pa do gơtìp aniai jăt mờ Nghị định sồ 02 bơh Chính phủ mờ kơrnoăt sồ 1383 bơh UBND càr tàm broă tơmù rềs àr bơh trồ tiah bal mờ kòp lơh gơbàn.

Ală xã bal mờ kơnhoàl gam bơyai lơh sền wơl, hơ\ sồng phòng nông nghiệp geh kơnòl tơrgùm kờp mờ dan mờ gơnoar atbồ kờ` dong kờl làng bol mờ kung là kờ` g^t ală bơta bơh ală tiah kờ` rơcang sơntìl, dan di tu\ mờ gơnoar atbồ kờ` dong kờl di tu\ làng bol in ring niam broă lơh sa, ală hìu gơtìp gơbam dà den gơnoar atbồ kơnhoàl bal mờ ală gah, mpồl lơh broă kung neh dong kờl pơs wàs kloh niam.

Ơi, dan ưn ngài ồng uă ngan!

Cau mblàng Lơ Mu K’Yến mờ Ndong Brawl