VOV4.K’ho - Tus tu\ do, 100% ala\ mpồl lơh sa tơn di 2 mpồl lơh sa 78 mờ 732 Binh Đoàn 15 neh lơh sa ka\ bro tàm kơnhoàl Ngọc Hồi mờ Sa Thầy, càr Kon Tum neh dờp oh mi mờ ala\ [òn, 670 hìu nha\ kong nhơn cau Yuan neh dờp oh mi mờ 670 hìu nha\ kong nhơn cau kòn cau tàm do. Bơta tam klac  bal tơl làm bơh mpồl lơh sa ka\ bro bơh cau ling  mờ làng bol neh pơ gồp bal lơh mhar broa\ lơh bơt bơtàu [òn lơgar pa tàm do.

            Boh bơr tàm bùi geh lơh mut ngui blàng bơh hìu chài rgơi [òn, ồng A Uất kòn cau Hà Lăng -atbồ [òn Rơ Kơi, kơnhoàl Sa Thầy, ai git: Lài do,  hìu chài rgơi [òn gơbàn ờ diơng,  blàng hìu gơbàn bơ\ mbè tàm nhai mìu den tàng broa\ bơyai lơh ala\ broa\ lơh tàm do gơtìp ua\ ngan kal ke. Bồ nam 2015, [òn neh bơyai lơh pơrjum cri bơyai mờ ring bal lam sồr tơl hìu geh ta\ bơh 50 rbô tus 60 rbô pria\, trơgùm git nđờ rhiang ngai lơh broa\ nàng kơl chi, tơwès ja, lơh niam wơl hìu chài rgơi [òn. Bal mờ hơ\,  mpồl broa\ lơh 732 mờ mpồl 78 geh dong kờl rlau 150 tơlak pria\ nàng geh lơh blàng hìu, lơh pơng gàr. Kơnờm bơh hơ\,  làng bol tàm [òn chờ ngan, at tê bal, dùl nùs bal nàng lơh hìu chài rgơi [òn niam mờ bơne\ ngan bè tu\ do.

            Thượng tá Trần Thế Xuất-kuang jat jơng atbồ mpồl 732 ai git,  lơh jat srơh broa\ lơh “Ling klàng  tus bal bơt bơtàu [òn lơgar pa” bơh nam 2012 tus tu\ do,  mpồl neh bơcri lơh pa mờ lơh niam wơl 22 kơi sồ gùng lòt tàm [òn, lơh niam wơl 7 kơi sồ rbòng dà lòt. Kong nhơn  mpồl neh ta\ geh 256 tơlak pria\ nàng lơh gùng mờ bê tông sơmang tàm ala\ tiah [òn làng bol ơm kis, dong [òn Giang Lố 2 ntum Sa Loong lơh hìu [òn, lơh geh 10 nơm hìu nùs nhơm mờ hìu tam klac dờng ai 10 hìu nha\ kal ke bè hìu ơm tàm ntum Sa Loong… Kờp jơh khà pria\ geh ta\ geh tus 2 tơmàn pria\. Bal mờ hơ\, mpồl gam rwah ai cau lơh broa\ tus 125 na\ cau lơh broa\ mut lơh kong nhơn mờ khà pria\ nhai kờp bal 4 tơlak 500 rbô dùl na\ dùl nhai, geh lơh bal mờ ntum Rơ Kơi mờ ntum Đak Kan pờ ơdu\ bơto còr bơsơt cao su ai tus 152 na\ oh kòn làng bol kòn cau kis bơh yau nàng geh dong khi git  bơta chài còr bơsơt cao su, dong 15 rbô tờm sơntìl cao su ai làng bol [òn lơgar in tam nàng bơtàu tơngguh lơh sa,  ai pà git nđờ rbô nơm ào mpha,  sra\ ma\y, sra\ cih,  phan ngui bơsram kờ` dong  ala\ oh geh tơl tai bơta nàng geh lòt bơsram…

            Kung bè mpồl  732, mờr 4 nam do (2012-2015), mpồl  78 neh dong kờl, bal mờ  kơna\ Đảng, gơnoar atbồ mờ làng bol ala\ ntum tiah nhàr lơgar kơnhoàl Sa Thầy mut lơh geh cồng nha ala\ broa\ lơh bơt bơtàu [òn lơgar pa. Mpồl geh dong ntum Mang Mrai, kơnhoàl Sa Thầy geh lơh niam wơl 25 kơi sồ gùng lòt tàm [òn,  trơ gùm geh rlau 3.300 ngai lơh broa\ nàng  pes ru\ rơm gùng ce đèng, lơh kloh tiah kis tàm ala\ [òn, bơcri lơh gùng mờ bê tông sơmang,  lơh blàng hìu chài rgơi [òn [òn 6 ntum Rơ Kơi mờ kờp jơh khà pria\ 2 tơmàn 350 tơlak pria\, geh dờp 45 na\ ơruh pơnu tàm [òn mut lơh kong nhơn,  dong kờl mờr 2 rbô ngai lơh broa\ ai tus 15 hìu nha\ làng bol kòn cau tam cau su suơn dềt, geh pơlam broa\ lơh sơng ka sền gàr, lơh nhơt, tuh phơng cao su in, dong làng bol mus rồ ù lơh sa, rồ ù lơh sre. Bal mờ hơ\,  mpồl gam dong kờl mờr 800 tơlak pria\ blơi phan bơto bơsram, phan nhơl ai tus ala\ kơnòm bơsram mầm non mờ kai I tàm ntum Măng  Mrai…

            Gơtùi đơs, bơh bơta dong kờl bơh ala\ mpồl lơh sa ka\ bro bơh Binh đoàn 15 tus mờ ala\  ntum tiah nhàr lơgar bơh kơnhoàl Ngọc Hồi mờ Sa Thầy, càr Kon Tum la  dong kờl tơl làm,  bơh bơt bơtàu phan bơna, tus dong kờl lơh sa, dong bơtàu tơngguh khà lơh sơnơm, bơto bơtê mờ ờ do ờ da\ mpồl bơtìan. Mờ bơta dong kờl hơ\,  muh mat [òn lơgar mờ rài kis bơh làng bol tiah nhàr lơgar Kon Tum neh geh ai tơnggo\ tam gơl loh ngan.  Tơnơ\ do,  broa\  bơt bơtàu [òn lơgar pa tàm do ngan ngồn geh cồng nha, ai bơh bơta lơh bal bơh ling klàng mờ làng bol, bơh làng bol trơyang trơyồng mờ mpồl lơh sa ka\ bro geh rài lơh sa mờng chài, pa ngan mờ tiah tam chi jo\ sơnam mờ chi phan bơna dờng ơnàng.

                                                          Cau mblàng K’ Brọp