VOV4.K’ho- Nàng lơh broă sa sươn sre công nghệ cao ngan ngồn bơtàu tơnguh kơ\ kơl jăp, xã Hiệp Thạnh, kơnhoàl Đức Trọng, càr Lâm Đồng neh lơh ngan hòi jà mpồl lơh sa kă bro bơ\t bơtàu bơta lơh bal kơ\ kơl jăp mờ cau lơh broă sa bơh broă lơh gơlik tus broă kă bro phan lơh geh.

Tàm thôn Bồng Lai, xã Hiệp Thạnh, kơnhoàl Đức Trọng, càr Lâm Đồng, ồng Lê Văn Hùng bal mờ 6 nă cau neh lơh bal mờ Công ty MM Mequa Market nàng tam 7 lồ biăp sàng goh, tăc tàm drà. Broă lơh bal lơh sa nàng tăc mờ ală công ty in ờ mìng dong cau lơh broă sa tàm Bồng Lai iang nùs lơh sa mờ gam kơlôi tus lơh sa kơ\ kơl jăp tài bơh ală bơta phan lơh geh bơh sươn sre sàng goh.

Ala măt Công ty MM Mequa Market pà gi\t, gơ wèt mờ uă cau lơh broă sa lơh sa jăt broă lơh is, broă lơh sa jăt tơl jơnau sồr VietGap tìp uă kal ke, tài bơh khi pal gi\t broă ătbồ ù lơh sa, sơntìl chi tam, phơng tuh, dà tuh, tơnhàu mờ bơsong tơnơ\ tu\ tơnhàu…Do là ală jơnau sồr tờm ngan, mơya ờ di là cau lơh broă sa lơi kung gơtùi lơh geh jơh ală jơnau sồr.   Mơya, bơh bơto pơlam, ală cau lơh broă sa ndrờm lơh jăt niam ngan mờ mìng tàm pơgăp dùl tu\ tơngai lơyah lơm, khi neh gi\t chài ngan ală broă bơto pơlam lơh jăt.

 Tơl tiah tam phan, METRO ndrờm ai 1 nă kỹ sư lơh broă sa lòt sền sùm. Bơh ci\h tàm sră pơ àr sùm, bơh bơta dong kờl bơta chài, bơto pơlam, sền swì, sền bơta niam bơh METRO, cau lơh broă sùm geh ală bơta tam gơl di tu\, nàng tăc mờ drà kă bro in phan bơna ờdo ờdă ngan rlau jơh. Jăt tơngai kàl lơh sa, gơ jăt tàm jơnau kờ` bơh drà kă bro dê, ală bă ù tam phan geh tam tàm pơdar. Cau lơh broă sa lơh tus kàr lơi den sền swì bơta chài lơh geh sơl halà ờ tus kàr hơ\ tơn. Bơta do, lơh công ty gròi sền geh broă lơh bơh sơnrờp bơh phan bơna dê, nàng kờ` jun tus tàm tê cau ngui sa dê phan bơna lơh geh tơl niam ngan rlau jơh.

Lơh bal mờ công ty nàng lơh sa sươn sre dong drà blơi phan lơh geh bơh sươn sre bơh cau lơh broă sa dê geh sùm

Ồng Lê Văn Hùng ơm tàm thôn Bồng Lai, xã Hiệp Thạnh, kơnhoàl Đức Trọng pà gi\t: Mpồl lơh broă bal biăp ờdo ờdă Bồng Lai tu\ do geh 6 nă cau bal mờ bă ù lơh sa pơgăp 7 lồ, tam uă biăp, bùm kơnuh. Jơh ală phan bơna ndrờm tăc mờ METRO in. Kờp bal ală tu\ phan lơh geh bơh sươn sre tăc ơyòm, den cau lơh broă sa lơh bal jơh ală broă mờ công ty kung geh dong kờl ờ gơtìp hoàc hươr priă lơh sa sơl, tài bơh METRO yal lài drà kă bro dipal ngan. Ală cau lơh broă bơh Mpồl lơh broă bal dê gơ gơs là cau lơh broă sa bơh công ty dê den tàng phan lơh geh bơh sươn sre geh blơi tơn tàm sươn, ờ go\ blơi bơh cau lơh kòn gùng, den tàng bè hơ\ ờ huan jơh priă jền mơkung lơh gơlik ai cau lơh broă sa in geh drà blơi phan kơ\ kơl jăp sùm.

Tàm bàr pe nam rê hờ ndo, kuơmàng là nam 2015, broă lơh bal, tam klăc bal tàm broă lơh sa sươn sre ngai sơlơ geh sền gròi. Ngan den tàng bè hơ\, broă bơtàu tơnguh bơh Hợp tác xã, mpồl lơh broă bal dê gơ jăt bal mờ broă lơh bơ\t bơtàu [òn lơgar pa tàm gah lơh broă sa sươn sre tàm Hiệp Thạnh, kơnhoàl Đức Trọng, càr Lâm Đồng pơn jăt lơh sùm mờ bơtàu tơnguh, neh ai tơl bơta ai ală hìu bơnhă cau lơh broă sa in lơh bal lơh sa geh cồng nha. Ală mpồl lơh sa kă bro lơh broă tàm gah lơh broă sa sươn sre mìng là tàm broă kă bro drơng broă phan bơcri tàm broă lơh sa mờ lơh kòn gùng tam pà kă bro phan bơna kă bro. Bơh hơ\, neh geh bàr pe mpồl lơh sa kă bro lam lơh bal bơh lơh sa tus kă bro phan bơna jăt ală anih lơh bal, cèng wơl cồng nha uă ai cau lơh sa mờ cau ngui sa in. Gơtùi yal bè Mpồl lơh broă bal Hương sắc Dà Làc bal mờ 7 nă cau, geh đơs là mpồl pơnrơ gơguh jak tàm broă lơh bal lơh sa tàm tiah do, hợp tác xã lơh sa- kă bro- drơng broă ala mờ mpồl lơh broă bal biăp sàng goh Bồng Lai…Tu\ do, bă ù tam biăp, bơkàu ngui công nghệ cao tàm ù tiah xã Hiệp Thạnh gơguh uă ngan, tơnguh cồng nha lơh geh uă rlau pơndrờm mờ lài. Bă ù lơh broă sa sươn sre ngui công nghệ cao jơh gùt xã dê geh pơgăp 720 lồ.

Bè lơh bal tàm broă lơh gơlik mờ kă bro phan bơna, tus tu\ do geh 738 hìu bơnhă geh lơh bal mờ kă bro phan bơna; tàm hơ\ 226 hìu bơnhă ròng kơnrồ dà toh geh sră pơrgon lơh bal tơn mờ mpồl lơh sa kă bro, 498 hìu bơnhă tam biăp ki\ sră hơ pơrgon mờ cau kă phan blơi phan lơh geh bơh sươn sre, 7 hìu bơnhă lơh bal tam bơkàu tòng Vũ Nữ, 7 hìu bơnhă tam biăp sàng goh. Bơh hơ\ neh pơgồp bơnah ai priă lơh geh bơh lơh broă sa sươn sre tàm dùl lồ tam sùm gơguh bơh 250 tơlak tus 342 tơlak đong.

Quốc Học ai bơh Sră báo Lâm Đồng- Cau mblàng Lơ Mu K’Yến