VOV4.K’ho- Bi Nguyễn Mạnh Cầm ơm tàm thôn 5, thị trấn Đăk Rvê, kơnhoàl Kon Rẫy, càr Kon Tum là cau lơh geh cồng nha ngan tàm broă ròng iar. Tơnơ\ tu\ jơh bơsram Trung cấp lơh sơnơm phan ròng, bi neh khin cha càn priă bơcri lơh wàng ròng iar Ai Cập. Kơnờm bơta tơryang tơryồng, gi\t kong bòl glar kal ke mờ bơcri priă ròng siam di bơta chài, wàng ròng iar bơh bi dê neh lơh geh priă cồng gi\t nđờ rhiang tơlak đong pah nam.

Bi Cầm kah wơl: 2 nam bơsram Trung cấp lơh sơnơm phan ròng neh dong a` geh bơta gi\t wa\, rơcăng tơl ală bơta niam ngan rlau jơh ai să tờm in kờ` lơh jăt jơnau kơ\p kờ` ròng iar. Bal mờ hơ\, kơnờm pơgăp tu\ tơngai a` neh lơh broă tàm công ty tam pà, tăc phan siam phan ròng in, geh tu\ tơngai geh lòt uă tiah mờ geh gi\t mờ uă broă lơh ròng phan bơtàu tơnguh lơh sa geh cồng nha. Bơh uă nam lòt jòi, lùp bơsram, nam 2017, bi lơh nền bơcri priă lơh broă lơh ròng iar Ai Cập. Tài bơh jăt bi, den do là broă lơh geh priă bơcri ờ uă ir, mơya dilah lơh niam den geh lơh priă jền uă.

Jăt bi Cầm đơs, sơntìl iar Ai Cập gơtùi ròng jăt broă lơh ròng krơ\ bal halà ròng tơngklàs [à tàm sươn. Iar do gơ geh să jan dờng di mơ, sơrbac mhar ngan, kờp bal tơl nơm iar me deh pơgăp bơh 200 tus 210 nai tăp pah nam. Bal mờ hơ\, puăc iar do dê kung uă ngan puăc bơrlang mờ sa bơkah tai, geh cau ngui sa kờ` ngan. Bal mờ priă jền tềm pềr bơh să tờm dê bal mờ priă càn bơh ngân hàng dê, bi Cầm neh bơcri rlau 300 tơlak đong nàng lơh broă lơh do.

Rlau 1 rbô nơm iar sơntìl Ai Cập geh bi blơi bơh Hà Nội cèng rê ròng, ci\t sơnơm vaccine rơcăng sơndră kòp jăt di jơnau sồr; wàng ròng geh lơh niam wơl, lơh geh bơta rơđaih, ha pah…Wàng ròng pal sùm sàng goh, lơh kloh bơta [ơ\ [ơl lài mờ tu\ tơngklàs iar nàng ròng bơh 2 tus 3 poh; bòng sài iar, bòng dà iar in `ô kung geh lơh kloh jơh [ơ\ [ơl nàng kờ` gàr anih ròng dipal, geh bè hơ\ den iar hơ\ sồng mhar dờng mờ pràn kơldang.

Bi Cầm mờ broă ròng iar bơtàu tơnguh lơh sa

Bi Cầm yal: Bulah geh uă bơta niam, mơya sơntìl iar Ai Cập kung gam là dùl tàm ală sơntìl iar pa sơl. Dilah ờ sền gàr niam, den ală iar do [ươn ngan bơtờp kòp. Den tàng bè hơ\, pah ngai, pal sùm lòt sền mờ pal sền gàr sùm bơta pràn kơldang să jan iar dê. Kuơmàng ngan rlau jơh là tàm tơngai iar deh tăp (rlau 21 poh), pal sền ngac tus broă sài iar in sa mờ lơh bơnhho\ iar in deh tăp nàng gơ in dipal. Geh ròng siam sền gàr niam mờ di bơta chài tai, iar bơh bi Cầm dê mhar ngan dờng mờ lơh geh puăc iar sùm mờ bơta niam tăp kung geh sùm sơl. Gơ wèt mờ iar rlau 1 rbô nơm, tơnơ\ tu\ kờp jơh ală priă tă bơcri, pah nam bi Cầm lơh geh rlau 100 tơlak đong bơh priă tăc tăp iar dê.

Tơnơ\ pơgăp 14 nhai, iar geh ờ huan deh tăp uă tai, do kung là tơngai mờ bi Cầm tăc iar nàng ròng wơl iar pa. Tơl nơm iar tăc geh tăc mờ priă pơgăp 120 rbô đong dùl nơm. Priă geh bơh tăc iar bơh bi dê kung ndrờm bal mờ priă bơcri blơi lơ\, iar kòn nàng rơcăng ròng iar dơ\ tơnơ\ in. Lơh geh cồng nha mờ broă ròng iar Ai Cập, bi Cầm neh lơh nền bơcri priă ròng tai iar bơtờp sơntìl iar tam truh nàng tăc puăc.

Ngui priă geh bơh ròng iar Ai Cập, bi Cầm blơi tai 1 rbô 200 nơm iar bơtờp iar tam truh nàng ròng. Bơh bơta [ươn geh sươn hìu bơnhă dê ơnàng rlau 4 sào, bi Cầm neh ròng jăt broă lơh pơgồp ròng nggròn tàm wàng mơkung tơngklàs sơl tàm sươn. Kơnờm geh ù tiah dờng ơnàng, iar geh khăt gơboh ntoăt yàl par mờ ntoăt khăt gơboh, puăc iar bơtờp iar tam truh sùm bơkah ngan, puăc bơrlang uă ngan, geh uă cau ngui sa mờ bàr pe nă cau mờng blơi iar tăc tàm drà kờ` ngan.

Bi Cầm yal: Sơntìl iar bơtờp iar tam truh gơdờp ngan mờ trồ tiah ù tiah tàm do, khà iar kis là uă ngan mờ mhar ngan dờng tai. Bè phan sài iar in, gơtùi ngui tơn ală phan sơrbì bơh broă lơh sa sươn sre bơh tiah do dê den tàng tềm pềr đau priă blơi phan tơn siam iar in, cồng nha lơh sa cèng wơl uă rlau. Mơya, tài bơh bơta is rơmis là sơntìl iar dờng, den tàng sơntìl iar do sùm ờ go\ cau kờ` sa tàm ală dơ\ sa hìu bơnhă, den tàng bè hơ\ pal tăc iar tàm ală drà bơdìh càr.

Tu\ do, iar bơtờp iar tam truh bơh bi Cầm dê kis dờng sùm mờ pràn kơldang. Pơgăp bơh 4 tus 5 nhai dùl dơ\, bi Cầm tăc tai dùl dơ\, tơnơ\ tu\ kờp jơh priă tă ròng, pah dơ\ tăc bi lơh geh pơgăp 50 tơlak đong. Priă geh bơh tăc iar do, bi pơn jăt tai bơcri ròng wơl ală dơ\ iar ndai. Bơdìh mờ 2 sơntìl iar pa yal bơh nti, tu\ do bi Cầm neh bơcri priă lơh tai wàng ròng nàng blơi 700 nơm sơntìl iar ri nàng ròng, tăc tàm dơ\ sa tềp mờr tus.

Bi Nguyễn Mạnh Cầm go\ bè do: broă ròng iar gơlơh bè bơta gơlòt jăt is mờ bi, gơ lơh geh broă lơh mơkung lơh geh tai priă jền mờ geh bal ală bơta chờ hờp pah ngai. Tơngai tus, bi geh pơn jăt tai bơcri priă rề ơnàng bă ù, lơh tai wàng ròng nàng bơtàu tơnguh broă lơh dờng rlau mờ geh cồng nha rlau tai.

Cau mblàng Lơ Mu K’Yến