VOV4.K’ho-Mờ nùs nhơm rcăng tơryăng tơryồng ngan, gi\t kong bòl glar kal ke, lùp bơsram bơta mờng chài, bi Kră Ja` Ha Sắc, ơm tàm [òn Dà Tế, thôn, xã Roh Men, kơnhoàl Dam Rong, càr Lâm Đồng neh khin cha tam gơl chi tam cèng wơl cồng nha lơh sa uă, brồ guh lơh pas tàm bă ù kal ke.

Sa tềp do, Kră Ja` Ha Sắc neh lơh geh dùl nơm hìu pa, kờp priă tus rlau 600 tơlak đong. Hìu do, geh lơh tàm gùl sươn kơphê ơnàng 4 lồ, gơlơh bè dùl jơnau yal bè cồng nha bơh tờm chi tam pa bơh hìu bơnhă dê. Bi Kră Ja` Ha Sắc, yal: Lài do, hìu bơnhă mìng lơh bùm blàng, tơngời, kòi mìr lơm den tàng rài kis tìp uă ngan kal ke. Tơnơ\ do, go\ uă tiah cau tam kơphê lơh geh cồng nha uă, rài kis pas sơm tơl ngui tơl sa den a` khin cha tam gơl tus tam tờm kơphê. Bal mờ hơ\, a` kung lòt bơsram ală ơdu\ bơto pơlam lùp bơsram mờ đòm jăt bơta jak chài pa tàm broă sơngka sền gàr, tu\ do pah nam kơphê lơh geh priă jền ai hìu bơnhă in dùl nam tus dùl rhiang tơlak priă.

Bi Kră Ja` Ha Sắc tàm bơto yal bal bơta mờng chài tàm broă lơh sa 

Tu\ do, mờr jơh 4 lồ ù bơh hìu bơnhă bi Kră Ja` Ha Sắc dê neh geh tam kơphê sơntìl pa pràn. Geh ơn phơng kơnrồ, tuh dà tềng hơđơm m[ur ntê kơphê jăt măy mok pa, den tàng kơphê nam lơi kung lơh geh cồng nha uă ngan. Pah nam, tơnơ\ tă tơm jơh priă bơcri lơh, den hìu bơnhă bi Kră Ja` Ha Sắc gam jơngkah bàr pe rhiang tơlak đong.

Bal mờ lơh kơphê, bă ù tàm tiah thòng tềng đah đơm sươn, bi kung gam gàr wơl 2 sào nàng lơh kòi sre, pah nam lơh geh pơgăp 2 tấn mờ nggùl kòi, hìu bơnhă ờ duh pal blơi phe tàm drà. Geh phan sa, phan prăp pềr, bi Kră Ja` Ha Sắc khin cha blơi tai ù nàng tam tờm zơu ròng tu, lơh sa bơh hìu bơnhă dê pah nam sơlơ gơguh rlau tai.

Bi Cil Ha Huấn, cau ơm dùl [òn bal mờ bi Ha Sắc pà gi\t: Lài do, să tờm bi kung bè oh mi tàm [òn lơgar tam phan, ròng phan mìng kơnờm jơh lơm tàm bơta mờng chài bơh mò pàng dê bơh rài yau. Tơnơ\ mờ tu\ sền go\ broă lơh sa bơh hìu bơnhă bi Kră Ja` Ha Sắc dê lơh geh cồng nha, lơh geh priă jền uă, den oh mi [òn lơgar lùp bơsram, đòm jăt kơnờm bơh hơ\ mờ rài kis lơh sa ngai sơlơ bơtàu tơnguh rlau tai.

Bi Cil Ha Huấn, đơs bè do: Hìu bơnhă ồng Kră Ja` Ha Sắc là dùl hìu bơnhă pơnrơ bè bơtàu tơnguh lơh sa tàm thôn. Oh mi [òn lơgar bol a` neh lòt bơsram broă lơh niam wơl kơphê, lùp bơsram bơta mờng chài sơngka sền gàr mờ broă lơh sa bơh hìu bơnhă ồng dê nàng tơnguh tai priă lơh geh.

Rài kis hìu bơnhă bi Kră Ja` Ha Sắc dê ngai sơlơ bơtàu tơnguh

Jăt ồng Nguyễn Tiến Việt, Chủ tịch Mpồl cau lơh broă sa xã Roh Men yal, hìu bơnhă bi Kră Ja` Ha Sắc ờ mìng lam lài bè bơtàu tơnguh lơh sa, lơh pas tàm [òn lơgar mờ gam jơh nùs ngan tai tus bal pà ù, tă pơgồp ngai lơh gùng, bơ\t bơtàu [òn lơgar pa. Bal mờ hơ\, bi gam dong kờl làng bol tam gơl chi tam, tam pa wơl ală sươn kơphê kra neh jo\ sơnam nàng kờ` bơtàu tơnguh lơh sa, bơ\t bơtàu [òn lơgar.

Ồng Nguyễn Tiến Việt, đơs bè do: Hìu bơnhă Kră Ja` Ha Sắc gi\t kong bòl glar kal ke ngan tàm broă lơh sa mờ jơh nùs ngan tàm broă lùp bơsram bơta mờng chài nàng đòm jăt tàm broă lơh sa. Ngan là bè kơphê, bi neh tam pa wơl bơh broă lơh bơkiar lơngkòt, lơh niam wơl mờ kơnờm bơh hơ\ cồng nha lơh geh bơh kơphê dê gơguh tus 2 dơ\ pơndrờm mờ tơngai lài. Bal mờ hơ\, hìu bơnhă bi gam tam tàm bơrlu\ bal tờm chi sa plai lơh geh cồng nha lơh sa uă ngan. Pa do, hìu bơnhă bi gam tam tai tờm zơu ròng tu. Do là hìu bơnhă geh broă lơh sa jak mờ rài kis pas sơm ngan rlau jơh tàm do.

Bơh ală bă ù mìr ù sươn tam kòi, bùm blàng, tơngời tam dùl kàl lơm mìng kơnờm jơh lơm bơh tàm dà mìu mơya kơnờm bơh tơryăng tơryồng, gi\t kong bòl glar kal ke, khin kơlôi, khin lơh tàm bơtàu tơnguh lơh sa, bi Kră Ja` Ha Sắc neh tam gơl chi tam geh cồng nha tàm bă ù kal ke Roh Men mờ gơs là cau pơnrơ lơh krơh àng tàm bơtàu tơnguh lơh sa tàm hìu bơnhă.

Cau Cih Tuấn Anh- Cau mblàng Lơ Mu K’Yến