VOV4.K’ho- Kòp Covid-19 neh lơh gơrềng ờ niam tus rài lơh sa bơh dà lơgar dê đơs bal mờ broă lơh sa kă bro ală bơta phan bơh tơl tiah dê đơs is. Tàm Lâm Đồng, tềng đăp bơta gơbàn kal ke bơh kòp bơtờp dê, broă lơh gơlik ală bơta phan lơh geh bơh sươn sre, do là bơta pràn bơh càr do dê kung gam pơn jăt tai geh gàr sùm kơ\ kơl jăp mờ bơtàu tơnguh. Lơh geh cồng nha do là kơnờm bơh ală anih lơh gơlik phan lơh bal lơh gơlik mờ kă bro phan bơna lơh geh bơh sươn sre đah làng bol mờ mpồl lơh sa kă bro.

Bơh bồ sơnam tus tu\ do, broă tam biăp ală bơta bơh Anih lơh sa sươn dờng Sươn biăp kloh tam mờ dà Kiêm Hùng, tàm kơnhoàl Đơn Dương, càr Lâm Đồng dê kung gam gàr kơl jăp sùm sơl, kờp bal tàm tơngai lơh jăt uă jơnau sồr ơm yah ngài mpồl bơtiàn nàng rcăng sơndră kòp Covid-19. Mò Nguyễn Thị Kiêm, cau tờm anih lơh sa sươn dờng Sươn biăp kloh tam mờ dà Kiêm Hùng pà gi\t, jơh ală broă lơh sa bơh anih lơh sa sươn dờng dê ờ gơtìp gơrềng tài bơh kòp Covid-19 là tài bơh 100% phan bơna lơh geh bơh sươn sre lơh gơlik ndrờm tăc jăt sră dan blơi phan bơh lài, bơta niam biăp lơh geh tơl, priă kă bro biăp kung kơ\ kơl jăp sơl jăt sră pơrgon bè bơh lài tus tu\ do.

Mò Nguyễn Thị Kiêm, yal: Đơs bal là phan ală tiah ndai dê là gơtìp gơrềng gơ ih, mơya phan a` den ờ go\ geh bơta lơi ờ. Phan do he sền gàr kơrhia ngan, jơnau sồr tơl kloh, he neh lơh niam dùl êt, ơn tàm kơldung den gơtùi prăp geh bơh 4 tus 5 ngai, cau lòt drà blơi rê lời prăp geh bơh 3 tus 4 ngai kung gam gơtùi sơl.

Ndrờm bè hơ\ sơl, ồng Lê Công Thôn, ơm tàm thị trấn Liên Nghĩa, kơnhoàl Đức Trọng, càr Lâm Đồng kung ờ go\ kal ke ir sơl tu\ pal sơndră wơl mờ bơta gơbàn kal ke bơh kòp Covid-19 dê. Jăt ồng Lê Công Thôn dê yal, pràn blơi biăp, kơnuh, bùm bơh làng bol dê ờ gơmù, mờ geh tu\ là gam gơguh tai tài bơh ală siêu thị, hìu ràng tăc phan sa, drà ndrờm tơnguh bơnah phan ơn prăp nàng lơh geh jơnau kờ` ngui sa. Den tàng bè hơ\, tu\ mờ cau lơh broă sa gam tus bal lơh ală anih lơh gơlik phan lơh gơlik mờ kă bro den sơlơ geh tu\ tơngai niam nàng hơ pơrgon ngan ngồn gàr niam broă tam phan, priă lơh geh bơh lơh sa hìu bơnhă dê.

Ồng Lê Công Thôn, đơs: Phan lơh geh bơh sươn sre mờ lơh jăt anih lơh gơlik phan den ờ gơtìp gơrềng bơta lơi ờ. Hơ\ là bol he lơh gơlik phan mờ phan hơ\ den kung gam gơtùi tăc yòm sơl ờ go\ roh rui hoàc hươr bơta lơi ờ. Pơnyơu bè, dilah lơh gơlik phan ờ lơh jăt ală anih lơh gơlik phan den digơlan cau kon [uôn khai geh rồn bơklơn he, khai bơcăp khà priă cau lơh broă sa in. Mơya, gơ wèt mờ bol a` là lơh broă bal kơ\ kơl jăp mờ 2 gah ndrờm geh kuơ bal. Dùl den jòi drà kă bro, ai dùl đah den kơlôi rcăng lơh sa nàng bơta niam phan bơna gơ in niam.

Lơh gơlik phan lơh geh bơh sươn sre jăt ală anih lơh gơlik phan neh ngui niam bơta pràn, [ươn [oài sơndră wơl mờ bơta gơbàn kal ke bơh kòp bơtờp dê

Bal mờ cau lơh broă sa, uă mpồl lơh sa kă bro bơh càr Lâm Đồng dê kung gam gàr sùm broă lơh sa kă bro mờ lơh gơlik phan bơna lơh geh bơh sươn sre. Ồng Lê Quang Thành Liêm, Kuang ătbồ Mpồl duh broă ătbồ Công ty TNHH phan lơh geh bơh sươn sre Trình Nhi, Tiah Công nghiệp Phú Hội, kơnhoàl Đức Trọng, càr Lâm Đồng dê pà gi\t: Công ty kung gam gàr sùm pràn lơh gơlik 20 tấn phan bơna pah ngai bè ală tu\ sơl. Bal mờ broă lơh broă kơ\ kơl jăp mờ lơh gơlik phan sùm, công ty ồng dê gam gàr sùm broă blơi phan lơh geh bơh sươn sre ai mờr 200 hìu bơnhă làng bol lơh broă sa lơh bal in.

Ồng Lê Quang Thành Liêm, đơs: Đơs ngan den drà tàm lơgar bơh Việt Nam he dê dờng rlau pơndrờm mờ ală lơgar ndai. Ală mpồl lơh sa kă bro mờ lơh gơlik phan tơnơ\ tu\ tơnhàu den geh uă anih blơi phan bơh ală lơgar mờ kuơmàng là bơh Lo, tàm tơngai kòp Covid-19 do khi wơl rê blơi wơl phan bơh ală hìu măy lơh gơlik phan bơh Việt Nam dê. Do loh làng kung là dùl tu\ tơngai [ươn sơl.

Jăt khà kờp bơh gah lơh broă geh gơnoar càr Lâm Đồng dê, kờp jơh priă geh bơh tăc phan mờ lơgar ndai tàm 3 nhai bồ sơnam do bơh càr dê gơmù mờr 20% pơndrờm bal dùl tu\ mờ nam lài, mơya mìng is bơta phan lơh geh bơh sươn sre bè biăp, bùm, kơnuh tăc mờ lơgar ndai kờp du\ geh 5 rbô 200 tấn, geh priă 10 tơlak 500 rbô dolar Mỹ, gơguh 30% bè khà phan mờ 4,9% bè khà priă. Gơtùi pà go\, tàm bơta gơbàn kal ke bơh kòp Covid-19 dê, mpồl lơh sa kă bro mờ cau lơh broă sa bơh càr Lâm Đồng dê neh ngui niam bơta pràn bơh ală anih lơh gơlik phan lơh bal lơh gơlik phan, kơ\ kơl jăp lơh gơlik ală bơta phan lơh geh bơh sươn sre nàng lơh geh ai jơnau kờ` ngui bơh drà kă bro dê. Do geh sền là dùl gùng lòt kơ\ kơl jăp pal geh pơn jờng nàng bơtàu tơnguh mờ rề ơnàng lơh uă broă lơh tàm tơngai tus.

Cau cih Quang Sáng- Cau mblàng Lơ Mu K’Yến