Nàng cau rbah ờ pal  tac phan bơh lơh broa\ lài, mpồl dong kờl bòn neh geh crơng gơs tàm kơnhoàl Đắc Hà, càr Kon Tum. Hìu ồng A Rúih bòn Kon Stiu tơl ngui tơl sa, den tàng geh ta\ kòi ua\ rlau  tàm mpồl dong kờl bòn. Hìu ồng ta\ 20 kg kòi. Ta\ ua\ rlau jơh la A Suất kuang at bồ bòn:50kg.

            Bi A Thi kis tàm bòn Kon Rock, ntum Ngok Réo càn geh phơng tuh tàm  mpồl dong kờl bòn 2 kàl lơh sa do. Càn tàm mpồl dong kờl bòn geh ua\ bơta kuơ: Càn, tu\ lơi geh pria\ den tơm, ờ pal kong mờ pria\ cồng jơnhua. Pria\ phơng tàm hơ\  drẻh rlau. Bè, tàm drà cau tac 700 đong dùl kg, blơi tềng do mìng 600 đong dùl kg.

            Jat ồng Chu Văn Hiền kuang at bồ đơng lam Đảng ntum Ngok Réo, rlau mơ gùl khà hìu nha\ tàm ntum la hìu rbah. Pria\ jòi geh ờ ua\,  pal blơi dồs ing phan sa bơh cau ka\ bro, bơta geh nàng tơm dồs den neh kan ngan, ờ hềt đơs tus bơta lik klàs rbah. Den tàng, bơh tu\ crơng gơs tàm nam 2011,  mpồl dong kờl bòn neh pal bơsong geh jơnau ai càn lài, tơm tơnơ\ mờ pria\ cồng ua\ ngan. Bơta ờ tơl sa tàm nhai puh pah gơ lơh ờ gam tai. Làng bol ờ pal tac phan lơh sa lài, tơm tơnơ\.

            Ntum Ngok Réo tu\ do geh 8 mpồl dong kờl bòn bơh 8 bòn. Tơl  mpồl dong kờl bòn geh rlau  geh rlau 2 tấn kòi, 5 tấn phơng mờ rlau 2 tơlak pria\. Dar càn kòi neh tus dar dơ\ 5. Di 350 hiu nha\ geh càn. Phơng tuh kung neh tus dar dơ\ 2 geh càn. Mpồl dong kờl bòn  do bơh làng bol tàm bòn geh ta\ pơ gồp. Bè ờs, tơl hìu geh ta\ dùl kàl bơh 3-5 kg kòi. Ala\ hìu nha\ pas rlau geh ta\ ua\ rlau. Bòn Kon Stiu ta\ geh rlau 1 tấn kòi, bòn Kon Hơ Drê\ ta\ geh 9 tạ kòi tơmùt tàm mpồl dong kờl bòn.

            Hìu ồng A Rúih, bòn Kon Stiu pas, den tàng  geh ta\ kòi ua\ rlau tơmut tàm  mpồl dong kờl bòn. Hìu ồng geh ta\ rlau 20 kg kòi. Ta\ ua\ ngan tàm bòn la A Suất cau at bồ bòn: 50 kg kòi. Bòn  Kon Stiu geh 86 hìu nha\, tus mơ gùl hìu nha\  rbah kal ke den tàng  mìng geh di 50 hìu lơm geh ta\ kòi tàm mpồl dong kờl bòn lơgar. Ồng A Ruíh đơs: “Ta\ den he pal chờ, he ờ go\ kơ lôi ai den geh cau ai wơl he in. Sơnđan la geh êt, nùs nhơm ua\. Cau lơi geh dờp den dờp. Cau lơi càn den càn, tus kàl tơnhàu den geh tơm wơl tàm mpồl dong kờl bòn in, ờ di la pà gời”.

            Mpồl dong kờl bòn  tàm Đak Hà geh lơh broa\ bơh nam 2011. Tu\ hơ\ geh sơnđan la đam prap phan sa. Nam 2012, làng bol geh tam gơl gơs  mpồl dong kờl bòn”. Làng bol càn kòi, phơng tuh mờ pria\ bal. Tu\ do,  Đak Hà geh 60 mpồl dong kờl bòn tàm 58 bòn geh  gal làng bol kòn cau. Tơl mpồl dong kờl bòn geh tam pà 5 tấn kòi, 5 tấn phơng mờ geh tus 20 tơlak pria\, kờ` ala\ cau gơ tìp kal ke, ờ bơtuah tàm rài kis geh càn tàm pơ dar.

            Ồng A Lú at bồ bòn Kon Gung ai git: Mờ broa\ kòp cồng gơ lơh bè ờ geh, pơnyơu 100 kg kòi, pria\ cồng bơh 2-3kg, git nđờ rhiang hìu nha\ làng bol geh càn kòi, càn pria\. Hìu lơi kal ke, bòn geh sền, hìu hơ\ geh càn. Cồng nha geh kờp mờ kòi, ờ kờp mờ pria\.

            Tơl bòn pồ geh dùl mpồl đơng lam  broa\ lơh bơh mpồl dong kờl bòn do, geh kra bòn, cau at bồ  bòn, cau at bồ gah tề lam, cau at bồ mpồl cau ùr. Ala\ hìu nha\ geh càn geh lơh sra\ pơrgon. At bồ kes mpồl bơtìan do geh pal lơh kơnòl lơh broa\ mờ ala\ mpồl ai leng lài phơng tuh nàng hìu nha\ cau rbah geh blơi phơng tam lơ ỳai cồng êt.

            Mờ ồng A Gir kis tàm bòn Kon Jông, ntum Ngok Réo, tàm nđờ jơt nam do, kờ` geh sơr lèt geh rlau 2 nhai puh pah, hìu nha\ ồng neh pal tus cau ka\ bro nàng leng kòi ai dồs mờ pria\ kas ngan, tus nhai tơn hàu den pal tơm. Git la gơbàn hoàc hươr ir, mơya ờ lơh bè hơ\ den ờ geh phan sa. Mìng tus tu\ mpồl dong kờl bòn geh crơng gơs, hìu A Gir hơ\ sồng geh tơnjơh bơta gơbàn dồs.

                                                                        Cau mblàng K’ Brọp.