Kờp bơh tu\ geh gùng dà  broa\ lơh bơt bơtàu bòn lơgar pa, mờ broa\ lam sồr ta\ pơ gồp bơh làng bol di pal, pơgồp bal mờ ala\ bơta dong kờl tàm mpồl bơtìan, muh mat bòn lơgar tàm ntum Quảng Điền, kơnhoàl Krông Ana, càr Dak Lak neh geh tam gơl ua\ ngan.

            Tus Quảng Điền tàm ala\ ngai tu\ do, bơta bươn ngan go\ ờ gam go\ rbàng yau, klar tai, gùng ờ niam kan ngan lòt bè lài do, mờ jơh ala\ neh geh lơh pa, lơh niam wơl kơljap. Ala\ gùng dềt lòt tàm bòn, tàm ntum kung neh geh lơh da\ mờ cài ring ngan, rơndeh sùm mbè hơ\ mờ ntoat…Nàng geh bơta tam gơl do, la kơnờm ngan bơta lơh ngan bơh gùt đảng, gơnoar at bồ mờ ngan ngồn la bơta ring bal bơh  gùt làng bol. Ồng Võ Vinh kuang at bồ anih duh broa\ làng bol ntum Quảng Điền ai git, mờ khà pria\ lơh dờng ngan tàm tu\ pria\ jền dà lơgar den êt, dilah ờ geh bơta ta\ pơ gồp bơh làng bol den ờ git tus tu\ lơi ntum hơ\ sồng gơtùi lơh ua\ ngan broa\ bè hơ\. Đơs la ua\ ngan broa\ lơh la  ờ tis dùl êt lơi. Tàm 3 nam do,  làng bol tàm ntum neh nhap nhar tàm broa\ lơh  mờ geh lơh niam wơl hìu ơm, hìu ja\ brê, pơng gàr, mpồng mut cèng wơl bơta  niam bơne\ tus tơl hìu mờ jơh mờ bòn. Tus tu\ do,  gùt ntum neh geh 1230 tàm 1620 hìu geh tơl khà, geh tus 75%, kờp du\ pria\ jền mut lơh tus 24 tơmàn pria\. Làng bol geh ta\ is tus 1 tơmàn 200 tơlak pria\ neh crap ua\ ngan bong đèng àng gùng tàm trồ mang tàm ala\ gùng tàm bòn. Bè lơh ala\ phan bơna  kuơ, mờr 600 tơlak pria\ neh geh ngui nàng geh mut lơh niam mờ lơh ơnàng 20 kơi sồ gùng tàm bòn ơm kis, ta\ pơ gồp 1 tơmàn 200 tơlak pria\ nàng lơh 5 gơl gùng lòt tàm ala\ bòn jòng gùng tus 1 kơi sồ 3, bòn 1 geh 2 nơm gùng,  bòn 3  lơh dùl nơm gùng, bòn 4 lơh 2 nơm gùng. Rlau 700 tơlak pria\ neh geh lam sồr ta\ pơ gồp  bơt bơtàu phan bơna lơh hìu bơsram.

            Ngan ngồn, làng bol neh ta\ pơ gồp rlau 1 tơmàn 700 tơlak pria\ nàng lơh niam wơl rbòng dà,  gùng lòt, bơtơt rbòng dà, gùng lòt tàm dơlam sre bơh ala\ mpồl lơh sa bal mờ lơh geh 800 kơi sồ rbòng dà  lòt tàm dơlam sre đah A. Khà pria\ mut lơh ala\ broa\ do geh bơta ta\ pơ gồp ua\ ngan bơh làng bol. Ua\ cau neh ai is ù ntum in ờ duh tơm. Bè ồng Nguyễn Lộc dùl na\ cau tàm bòn 1 neh ai ir mờr 6 chuờng ù ơm mờ 24 tơlak 500 rbô pria\, ồng Phan Văn Đa tàm bòn 2 neh ai is 1 chương mơ gùl ù ơm ai lơh gùng lòt, ồng Nguyễn Lành tàm bòn 1 neh ai is  rlau 41 thơt vuông ù ngui  lơh hìu ja\ brê bơh  sơne\ hìu bơsram mơ giao bòn dùl.

            Ờ mìng lơh ngan bơt bơtàu, lơh niam phan bơna, broa\ bơtàu tơngguh lơh sa, bơtau tơngguh pria\ geh làng bol in kung neh geh Đảng mờ Gơnoar at bồ ntum Quảng Điền sền gròi ngan. Ntum neh crơng gơs 57 mpồl tam klac bơt bơtàu bòn lơgar pa tàm tơl bơta broa\ lơh nàng geh tus lam sồr  tơl mpồl làng bol, chồl guh bơta lơh tờm is bơh tơl mpồl tam klac, geh tơl niam cau lơh broa\ bơh  tơl mpồl lơh sa bal lơh broa\  geh cồng nha. Nàng dong kờl làng bol bơtàu tơngguh lơh sa, ntum neh dong kờl sơntìl kòi tus 131 hìu nha\ rbah,  mut lơh broa\ lơh ròng kơnrồ deh kòn, dong kờl 12 nơm kơnrồ  ai 12 hìu nha\  ròng kờp pria\ geh tus rlau 200 tơlak pria\. Bal mờ hơ\, ntum neh  lơh bal mờ ala\ anih bơto broa\ lơh  tàm kơnhoàl mờ  kơnhoàl cau bơyai lơh pờ ala\ ơdu\ bơta bơta jak chài pa tàm  lơh sa, bơto broa\... neh lơh gơ hòi geh mờr 1 rbô na\ cau tus bal. Mờ bơta lơh ngan bè hơ\, làng bol ngan la cau bơh sơnrờp geh dờp cồng nha bơh broa\ bơt bơtàu bòn lơgar pa. Ồng Nguyễn Lộc kis tàm bòn 1 ai git:“Lài do gùng tềng đap hìu a` kan ngan gơtùi lòt, nhai mìu den bơ\ mbè ờ gơdan ngan lòt. Bơh tu\  mut lơh bơt bơtàu bòn lơgar pa, kuang bàng kơnhoàl, ntum neh tus hờ bòn cri bơyai mờ làng bol bè lơh gùng lòt mờ bê tông mờ làng bol bol a` neh kờ` ngan, ờ mìng ai is ù, kơl chi tàm  sươn mờ gam  ai cau lơh broa\ tus lơh bal nàng gờ` geh gùng pa”.

            Hơ\ mìng la dùl tàm ala\ pơnyơu bè cồng nha mờ broa\ lơh bơt bơtàu bòn lơgar pa tàm ntum Quảng Điền cèng wơl làng bol in. Ồng Võ Vinh kuang at bồ anih duh broa\ làng bol ntum Quảng Điền ai git, jơh ala\ gùng lòt tàm ntum neh geh rơndap lơh jat rùp lơm pòng mờ geh da\ mờ cài tus tam gùl bòn. Mìng is broa\ lơh niam wơl rbòng dà tàm sre ờ mìng dong làng bol geh dà lơh sre, bơtàu tơngguh tơnhàu mờ bal mờ hơ\ la gùng lòt tàm dơlam sre kung geh lơh niam, dong broa\ lòt rê bươn boài, pơndiang phan lơh geh bơh làng bol dê kung bươn rlau. Bal mờ broa\ tơngguh chài lơh broa\, git ngui bơta jak chài pa tàm broa\ lơh sa…gơtùi đơs, broa\ lơh bơt bơtàu bòn lơgar pa neh dong sa\ bồ tàm ntum Quảng Điền neh tam gơl pràn ngan  mờ lơh di bơta kơljap.

                                                                             Cau mblàng K’ Brọp