VOV4.K’ho - Ntum Ia O, kơnhoàl Ia Grai, càr Gia Lai geh khà làng bol kòn cau geh tus 72%, mờ 1.100 hìu nha\, khà hìu nha\ rbah gam rlau 15%. Bơh tu\ broa\ lơh jơnau kờ` bơh dà lơgar bè bơt bơtàu [òn lơgar pa geh mut lơh, mpồl Đảng, Gơnoar atbồ ntum Ia O neh lơh ngan mblàng yal bè jơnau kờ`, bơta kuơ broa\ lơh bơt bơtàu [òn lơgar pa nàng làng bol in git mờ tus bal, pơ gồp bơnah chul chồl lơh sa mpồl bơtìan [òn lơgar bơtàu tơngguh.

            Ntum Ia O, kơnhoàl Ia Grai, càr Gia Lai geh khà làng bol kòn cau geh tus 72% mờ kờp jơh geh tus 1.100 hìu nha\, khà hìu nha\ rbah gam rlau 15%. Rài kis bơh làng bol ua\ ngan sơnđìng tàm broa\ lơh broa\ sa tờm ngan den tàng gam gơtìp ua\ ngan kal ke, lơh sa lơ yài bơtàu tơngguh. Chi tam tờm ngan la điều,  cao su suơn dềt mờ bùm blàng. Bơh tu\ broa\ lơh dà lơgar bè bơt bơtàu [òn lơgar pa geh mut lơh, mpồl đơng lam Đảng, Gơnoar atbồ ntum geh sền gròi ngan ngồn tus broa\ lơh lam sồr làng bol tus bal tàm broa\ lơh bơt bơtàu [òn lơgar pa bal mờ bơtàu tơngguh lơh sa tàm [òn lơgar mờ dong tơl bơta dong kờl làng bol tam gơl chi tam phan ròng, geh ngui bơta jak chài pa tàm broa\ lơh sa nàng bơtàu tơngguh rài kis làng bol, bal mờ nùs nhơm lơh ngan sơrlèt kal ke, bơceh pa, trơyang tơryồng bơh tơl na\ làng bol pơ gồp bal chul chồl bơtàu tơngguh lơh sa mpồl bơtìan tàm [òn lơgar bơtàu tơngguh.

            “Bơt bơtàu [òn lơgar pa” tàm ntum nhàr lơgar kal ke ngan, ngan la tàm broa\ trơgùm ta\ pơ gồp tàm làng bol” - ồng Siu Nghiệp kuang jat jơng atbồ Anih duh broa\ làng bol ntum Ia O ai git. Ồng Siu Nghiệp ai git tai, ntum geh 9 [òn mờ [òn ngài ngan tàm gùl ntum la rlau 10 kơi sồ, làng bol kis rah rài tàm ù tiah ơnàng,  bơta lơh sa bơh làng bol gam lơyah, den tàng bơta trơ gùm ta\ tàm làng bol nàng lơh gùng lòt [òn lơgar jat broa\ lơh “Dà lơgar mờ làng bol lơh bal” ờ gơtùi trơgùm geh. Mìng is ròt gùng lòt tàm dơlam blàng sre den slơ gơbàn kal ke ngan tài làng bol ua\ ngan la lơh mìr gùng ngài…Ờ ua\  broa\ lơh ndai tàm ntum do kung gơbàn kal ke ngan mờ kung kan ngan geh mut lơh bè:hìu bơsram tơl khà, khà hìu nha\ rbah, kờp bal geh tơl na\ cau tàm dùl nam, hìu ơm làng bol in.

            Dờp go\ geh ala\ bơta kal ke do neh lơh kuang atbồ đơng lam Đảng, gơnoar atbồ ntum Ia O neh nhap nhar mblàng pơlam, yal tơnggit ua\ ơnàng bè tơnggu me, broa\ lơh pơrya kuơ màng bơh broa\ bơt bơtàu [òn lơgar pa kờ` làng bol in wa\ mờ tus bal. Ntum kung geh trơ gùm bơta pràn bơh jơh ròt gùng dra\ bal mờ làng bol lơh ngan geh trơ gùm bal tàm bơt bơtàu [òn lơgar pa, mut lơh geh lơh bal jơh ala\ khà pria\ bơcri bơh gơnoar atbồ lơgar, càr mờ kơnhoàl nàng kờ` bơt bơtàu [òn lơgar pa. Bơh 4 nam mut lơh broa\ lơh dà lơgar bơt bơtàu [òn lơgar pa, ntum neh lơh geh 8 tàm 19 broa\ jàu sồr lơh. Dilah nam 2010 ròt gùng lòt tàm [òn lơgar mìng geh 3 kơi sồ gùng lu\ la\ cài, den tu\ do neh geh rlau 8 kơi sồ mơ gùl, ala\ broa\ lơh bơtơt rbòng dà, hìu bơsram, hìu sơnơm ntum, ồs đèng dà lơgar neh geh lơh,  bơtàu tơngguh niam, pơ gồp bal chul chồl  bơtàu tơngguh phan bơna lơh sa  ka\ bro,  lơh sa ka\ bro mờ bơtàu tơngguh rài chài rgơi bơh làng bol.

            Nàng dong làng bol bơtàu tơngguh lơh sa phan bơna, ntum Ia O neh nhap nhar dong làng bol tam gơl chi tam phan ròng. Kờp jơh ba\ ù sih tam lơh sa gùt ntum nam 2014 geh rlau 2.228 lồ. Tàm hơ\,  geh lơh ngan tàm ala\ chi tam jo\ sơnam mờ rlau 700 lồ bè cao su, kơphe, điều…Do la ala\ bơta chi tam geh kuơ, tac  yòm, dong làng bol lik klàs rbah mờ brồ guh lơh pas kơljap ala ala\ chi tam phan sa bè kòi mìr, tơngời, bùm blàng…Bal mờ hơ\,  tàm ntum gam geh ala\ mpồl lơh sa 74, 75, 715 (Binh đoàn 15) dùl bơnah lơi dong tus làng bol  tàm ù tiah geh broa\ lơh mờ sùm geh pria\ kơljap. Bal mờ broa\ dong làng bol nhap nhar tam gơl chi tam,  ròng phan ròng dờng bơh ntum rhời geh bơtờp sơntìl pa geh lơh jat gùng ròng sur poac pơr lang sur, bơtờp sơntìl kơnrồ. Kờp jơh phan ròng dờng tu\ do geh rlau 14.200 nơm, gơguh 109% pơndrờm mờ nam 2013. Khà hìu nha\ rbah gơmù bơh 33% nam 2010 gam 15% nam 2014, geh kờp bal tơl na\ cau geh 8 tơlak pria\ tàm dùl nam, gơguh 2 tơlak 300 rbô pria\ dùl na\ cau dùl nam pơndrờm mờ nam 2010. Do la khà sồ git đơs geh ai go\ ngan bơta tam gơl sa\ tờm bơh làng bol tiah nhàr lơgar pơ gồp bal mờ gơnoar atbồ [òn lơgar bơt bơtàu ntum tiah nhàr lơgar bơtàu tơngguh lơh sa-mpồl bơtìan kơljap, sền gàr ngap lơngai tiah nhàr lơgar.

                                                          Cau mblàng K’ Brọp