VOV4.K’ho- Lơh sa bơgơl gơla là bơta kơryan tàm broă bơtàu tơnguh lơh sa bơh jo\ tus tu\ do tàm uă ngan [òn làng bol kòn cau tàm Tây Nguyên. Lơh ngan lơh tam gơl bơta do, bàr pe nă ùr ơruh Bahnar tàm [òn tiah sar lơgar ngài càr Gia Lai neh khin cha lơh rơndap broă lơh tam phan lơh sơnơm công nghệ cao. Ngui phan neh geh lài, tam gơl bơta kơlôi sơnơng. Broă lơh, ngui bơta gơguh jak khoa học kỹ thuật lơh rơndap broă lơh gam geh bơta pràn uă ngan nàng bơtàu tơnguh lơh sa ai làng bol in.

Ơm ntàu tàm nggùl suơn ờng mờ g^t nđờ jơ\t rơbô chi prền gơ hòn gơs niam ngan, tàm tê at điện thoại attê ngac ngar, ùr ơruh Bahnar bi Đinh Thị Viên sền uă pang tàm màng internet jòi jơnau yal tơng^t kuơ màng ai broă lơh he dê. 

              Đinh Thị Viên tàm tê ìa điện thoại ngac ngar jòi ală jơnau tơng^t kuơ màng tàm màng internet

Ơm dùl [òn ngài tiah sar lơgar ngài, jơh bal ùr ơruh Bahnar mờ rơndap broă lơh ce sơnơm công nghệ cao gam lơh uă ngan cau ngoh rơngăc mờ gơ kờ` ngan. Viên pà g^t, tam ală bơta chi mờng kueng bơh yau bè tàu, bùm blàng pa do gơtìp uă ngan kal ke, cồng nha ờ uă den làng bol pal jòi broă lơh pa.Kơnờm công nghệ thông tin, kơnờm mạng xã hội, ùr ơruh g^t go\ chi prền mờ làng bol ngui sùm pah ngai bơh jo\ tus tu\ do gam geh drà kă bro kờ` ngan mờ geh bơta pràn bơtàu tơnguh gơ gơs tiah tam phan. Lơh broă mờ uă tiah, Viên jòi geh mpồl lơh sa kă bro pin dờn nàng lơh broă bal. 

                   Rơndap broă lơh ce sơnơm Pơ Nang geh bơta pràn uă ngan nàng dong bơtàu tơnguh lơh sa

Tơnơ\ hơ\, Viên cribơyai mờ làng bol, tàm yal tơng^t bal mờ gơnoar atbồ, ùr ơruh dờp geh bơta ring bal, bơta kờ` lơh rơndap broă lơh mờ bơta kơ\p kơnờm dong bơtàu tơnguh lơh sa bơh làng bol dê.

Là dùl nă cau kòn bơh kòn cau Bahnar tàm tiah do dê, a` kơ\p kờ` sền go\ geh bơta tam gơl bơh làng bol dê bơh broă tam phan, bơtàu tơnguh lơh sa, kuơ màng là broă tơnhào phan lơh sơnơm. Kuơ màng là chi do là chi neh geh lài tàm tiah do, den pal g^t tơnhào mờ jòi drà tăc, tam mờ lơh gơlik mờ he kung là cau ngui sơl. Hơ\ là jơnau kơ\p kờ` bơh să tờm a`, lơh geh broă lơh ai làng bol in tàm do, kuơ màng là cau ùr mờ ơruh pơnu.

Kơlôi lơh bơh lồi nam 2017, tus lồi nam 2018, rơndap broă lơh ce sơnơm bơh [òn Pơ Nang dê geh lơh. Tus tu\ do, neh 10 hìu bơnhă tàm [òn tus bal mờ neh tam tơrlòng lài geh 2 dơ\ mờ bu\ ù mờr 2 lồ. Bơta kuơ màng là chi prền tàm do neh tam jat broă lơh hữu cơ mờ ngui công nghệ cao mờ công nghệ tuh dà tềm pềr tàm gùt bă tiah. Nàng gàr niam kơ\ kơl jap drà tăc phan tus broă lơh gơlik phan, làng bol lơh broă bal niam ngan mờ hợp tác xã tàm ù tiah do dê.

             Chi prền là bơta chi geh tơn tàm do, geh làng bol ngui bơh jo\ mờ tu\ do geh bơtàu tơnguh gơ gơs phan bơna

Ồng Lê Văn Bộ, Kuang atbồ HTX Nông nghiệp Tú An, thị xã An Khê, càr Gia Lai pà g^t, rơndap broă lơh ce sơnơm bơh làng bol [òn Pơ Nang dê là geh bơta pràn uă ngan, den tàng Hợp tác xã ờ ngòt lơh bal nàng tơnguh broă tam mờ tăc phan.

Tu\ bol a` tus mờ bơyô Viên tàm [òn làng bol kòn cau xã Tú An, ală bơyô geh jơnau bơceh lơh ai chi prền nàng tam. Bơh tàm broă ală bơyô geh nùs nhơm jơh nùs ngan mờ geh jơnau kơlôi sơnơng hơ\, bol a` kung pơgồp bal kờp sền nàng tài bơh bơta bơtàu tơnguh bơh [òn lơgar dê, bol a` geh lòt bal mờ ală bơyô. Wèt tus broă tơnơ\ do bol a` geh bơtàu tơnguh dùl broă lơh ndai là lơh ce kơldung jồr tài bơh phan do niam ngan mờ pràn kơl dang să jan in.

                                                          Làng bol [òn Pơ Nang tam chi prền

Bơh bơta kơlôi bơceh lơh bơh ùr ơruh Bahnar dê, gơnoar atbồ xã Tú An kung bè thị xã An Khê neh at tê bal, lơh geh ală bơta buơn bòai ngan rlau jơh ai rơndap broă lơh do in bơtàu tơnguh. Mờ bơta dong kờl kuơ màng hơ\, rơndap broă lơh neh mut tàm mpồl 20 tàm khà 128 rơndap broă lơh sa suơn sre tàm gùt lơgar nàng Ủy ban Kòn cau bơh Chính phủ sồr Ngân hàng Dunia dong kờl priă jền mut lơh tàm broă gơ ơm tàm gùng dà broă lơh bơtàu tơnguh lơh mhar, kơ\l kơl jap tàm tiah sar lơgar ngài, tiah làng bol kòn cau.

                Rơndap lơh ală ding dà tuh dà tềm pềr tàm rơndap broă lơh tam chi prên [òn Pơ  Nang dê

Ồng Nguyễn Thanh Cảnh, Chủ tịch UBND xã Tú An, thị xã An Khê, càr Gia Lai pà g^t, tu\ do, Ngân hàng Dunia kung gam sền sơ wì, tu\ mut tàm mpồl 5, rơndap broă lơh geh dong kờl. Mơya bulah geh dong kờl halà ờ den rơndap broă lơh kung gam geh sền gròi lam lơh. Mờ bơta pràn bơtàu tơnguh lơh sa, do geh là broă lơh lam lài nàng gơtùi rề ơnàng tàm ală làng bol kòn cau ndai.

Jat tàm rơndap broă lơh tam prền geh tam tơr lòng lài, tơnơ\ tu\ cồng nha bơh gơ dê geh lơh geh, tiah do geh pơn jat tai rề ơnàng tus 3 [òn làng bol kòn cau. Tu\ do gam tơrlòng lài tàm [òn Pơ Nang, tơnơ\ hơ\ geh pơn jat tai rề ơnàng tàm [òn Nhoi mờ [òn Hoà Bình nàng tơnguh cồng nha lơh sa bơh chi lơh sơnơm do dê.

Rơndap broă lơh ce sơnơm công nghệ cao mờ ùr ơruh Bahnar là bi Đinh Thị Viên bal mờ làng bol tàm tiah sar lơgar ngài Pơ Nang gam mut lơh geh kơ\p gơn uă ngan geh  cèng wơl cồng nha lơh sa. Bơta do kung pà go\, geh bơta tam gơl, geh bơta jơh nùs  jat tàm ală phan  neh geh lài den ală [òn tiah làng bol kòn cau gơtùi jòi geh gùng dà broă lơh, geh bơta pràn nàng bơtàu tơnguh lơh sa.

Cau mblàng K’ Hạnh