VOV4.K’ho-Tàm Dơ\ lơh chờ kơphê Buôn Ma Thuột dơ\ 7 nam 2019, UBND càr Dăk Lăk pơgồp bal mờ Bộ Nông nghiệp mờ Phát triển Nông thôn, Tơrgùm ală Mpồl lơh kơphê ka kau Việt Nam bơyai lơh Cribơyai bơtàu tơnguh kơphê bơkah pơnrơ Việt Nam.

Tus bal geh kuang đơng lam bồ ală bộ, gah lơh broă dà lơgar, ală càr, [òn dờng, ală cau mờng chài gah lơh kơphê, ală mpồl lơh sa kă bro tam, lơh gơlik mờ tăc kơphê mờ lơgar ndai bơh tàm lơgar mờ dunia.

Jat Cục Tam phan dà lơgar dê yal, bă kơphê Việt Nam dê lơh geh rlau 664 rbô lồ, kơphê lơh geh rlau 1 tơlak 500 rbô tấn kơphê gar pah nam; kơphê Robusta geh tam uă ngan rlau jơh bal mờ bă ù pơgăp 93%, gam wơl là kơphê Arabica. Kơphê Việt Nam geh tăc tus rlau 80 lơgar mờ kơnhoàl ù tiah tàm dunia.

Nam 2018, Việt Nam tăc mờ lơgar ndai 1 tơlak 900 rbô tấn mờ priă lơh geh bơh tăc mờ lơgar ndai geh 3 tơmàn 500 tơlak dolar Mỹ, geh tus 14% bơnah drà kă bro mờ rlau 10% priă geh bơh tăc kơphê gar mờ lơgar ndai gùt plai ù, ơm dơ\ 2 tơnơ\ lơgar Brazil.

Bulah là bơta phan geh priă tăc mờ lơgar ndai uă tàm mpồl phan lơh geh bơh sươn sre bơh lơgar Việt Nam dê, mơya khà gơguh priă geh bơh tăc phan mờ lơgar ndai tơngai bơh nam 2013- 2017 mìng ơm tàm khà kờp bal geh 6,57% lơm tàm dùl nam. Gơbàn jơnau do, uă ngan là tài bơh kong uă bơta tam gơl bơh drà kă bro kơphê dunia dê, dùl êt phan bơna lơh geh priă jền gơguh tai uă, tăc kơphê gar mờ lơgar ndai tăc uă ngan rlau jơh.

Ală kuang bàng tus bal Cribơyai bơtàu tơnguh kơphê bơkah pơnrơ Việt Nam

Tàm dơ\ pơrlòng kơphê bơkah pơnrơ Việt Nam nam 2019 pa geh jàu khà tàm dơ\ lơh chờ geh 25/24 bơta kơphê lơh geh jơnau sồr kơphê bơkah pơnrơ. Ồng Trịnh Đức Minh, Kuang atbồ Tơrgùm ală Mpồl lơh kơphê Buôn Ma Thuột dê đơs là, bulah mu\t tàm drà kă bro kơphê bơkah pơnrơ jơla ir mơya broă bơtàu tơnguh kơphê bơkah pơnrơ geh pơgồp bơnah tơnguh bơngă mat kă bro ai kơphê Việt Nam in, tơnguh uă cồng nha lơh sa ai cau tam kơphê in.

Việt Nam bol he lơyaì ngan ir tu\ mu\t tàm drà kă bro kơphê bơkah pơnrơ mơya bol he lòt tơnơ\ den bol he bơsram geh bơta mờng chài, bơh hơ\ bol he lơh kơphê bơkah pơnrơ jat di tơl khà drà kă bro kơphê bơkah pơnrơ song dơ pă loh làng mờ lơh geh bơta gơn kơnờm ai ală cau lơh gơlik bơtàu tơnguh kơphê geh bơta niam uă in tài bơh bơta niam uă den geh tơm priă uă rlau tàm khà kơphê bơkah pơnrơ. Bơh ală anih lam bồ geh tơnguh bơta niam kơphê Việt Nam dê gơguh tus dùl khà pa.

Yal bè mờng chài tàm bơtàu tơnguh kơphê bơkah pơnrơ, ală cau mờng chài dunia dê đơs là, nàng tơnguh uă bơta kơphê, Việt Nam pal sền gròi tus bơta niam kơ\ kơl jăp jo\ jòng rlau là tơnguh phan lơh geh. Uă rlau tai là wèt tus bơtàu tơnguh drà kă bro kơphê bơkah pơnrơ.

Cau mờng chài lơgar ndai yal bè mờng chài bơtàu tơnguh kơphê bơkah pơnrơ 

Ồng Adi Taroepratjeka, cau mờng chài bè sền swì kơphê bơkah pơnrơ tus bơh lơgar Indonesia đơs là, Việt Nam geh tơl ală bơta nàng bơtàu tơnguh kơphê bơkah pơnrơ. Mơya, ba` [ươn [oài ir tàm broă lir mat kơphê bơkah pơnrơ mờ pal geh ală jơnau sồr loh làng jat ală bơta pal jat kơphê bơkah pơnrơ bơh Mpồl lơh kơphê bơkah pơnrơ dunia dê ai mờ geh mpồl bơtiàn lơh kơphê bơkah pơnrơ dunia đòm jat.   

Việt Nam neh lơh ngan nàng bơtàu tơnguh kơphê bơkah pơnrơ den tàng bè hơ\ ală bơyô ba` lời nùs hàm hà lơh tơn roh kơphê bơkah pơnrơ. Pal hơ te\ là ală gar kơphê lir mat kơphê bơkah pơnrơ ngan ngồn là bơkah pơnrơ, gơ pal geh điểm khà rlau 80 mờ ờ gơtìp tìs. Ală bơyô pal gàr te\ bơta niam ngan bơh kơphê Việt Nam dê ba` lời bol he sơmờm ir mat kơphê bơkah pơnrơ tàm làm bă tiah den tu\ hơ\ gơ geh lơh aniai tu\ tơngai bơtàu tơnguh kơphê bơkah pơnrơ mờ gơ geh lơh aniai tus jơh tơl nă cau tàm dùl ròt ală broă lơh do.

Thứ trưởng Bộ Nông nghiệp mờ Phát triển Nông thôn ồngLê Quốc Doanh đơs tàm dơ\ cribơyai

Jat Thứ trưởng Bộ Nông nghiệp mờ Phát triển Nông thôn ồng Lê Quốc Doanh đơs, kơphê là dùl tàm ală phan bơna tờm kuơmàng bơh Dà lơgar dê, Chính phủ mờ ală tiah neh geh uă broă dong kờl ai gah phan kơphê in bơtàu tơnguh.

Tàm tơngai tus, ală tiah pơn jat tai lơh pràn ngui bơta jak chài măy mok, kuơmàng là pal geh ală bơta chài ndrờm bal; krà` cê jơh nùs broă atbồ broă tam bơrlu\ bal tàm sươn kơphê; lơh pràn broă lơh sră cơng tàng; sền dờng màng broă lơh gơlik phan niam nàng ngui tu\ tơngai niam tàm mu\t gơrờm bal lơh sa dunia…Bè bơtàu tơnguh kơphê bơkah pơnrơ, ală tiah pal sền gròi tus kơnhoàl ù tiah, sơntìl, ală broă tam…

Cục lơh gơlik phan kă bro gơ wèt Bộ Nông nghiệp mờ Phát triển Nông thôn pal lùp ală cau mờng chài lơgar ndai nàng mhar lam lơh dùl broă lơh bơtàu tơnguh kơphê bơkah pơnrơ Việt Nam.

Cau mblàng Lơ Mu K’Yến