VOV4.K’ho - Drim òr (27/12), tàm Hà Nội geh bơyai lơh pơrjum khoa học dunia pờ tơlik tàm internet mờ tơngu me” “Gơnoar bơh bơta chài rơgơi, kòn bơnus gơwèt mờ broă tam gơl pa mờ tơnguh bơtàu tàm lơgar Việt Nam mờ lơgar Lào”.

                              Pơrjum cri bơyai geh bơyai lơh tơn mờ pờ tơlik tàm internet
Tàm pơrjum cri bơyai, ală kuang bàng neh cri bơyai bè ală broă lơh mùl màl lơh loh gơnoar bơh bơta chài rơgơi, kòn bơnus gơwèt mờ broă tam gơl pa mờ tơnguh bơtàu lơh sa tàm lơgar Việt Nam mờ lơgar Lào tàm git nđờ jơ̆t nam do; Bơta chài rơgơi tàm broă bơ̆t bơtàu nùs nhơm niam kòn bơnus, tàm hơ̆ uă ngan là gơwèt mờ rơnàng kơnòm să; Bơta chài rơgơi tàm boă ai geh bơta pràn niam uă di pal niam mờ jơnau kờñ bơh broă bơ̆t bơtàu pa dà lơgar dê. Mờ ai tơngŏ gơnoar bơh bơta chài rơgơi, kòn bơnus tàm broă tơnguh bơtàu kơl jăp dà lơgar, kòn bơnus tàm broă lơh geh tiah kis geh is, tiah kis mpồl bơtiàn mờ ală bơta kuơ niam gơguh jăk.

Gơnoar bơh bơta chài rơgơi, kòn bơnus tàm broă atbồ dà lơgar, atbồ mpồl bơtiàn; kơrian mờ tơn jơh broă sa kuề sa koà, hoàc huơr, ờ niam; dră wơl mờ ală nùs nhơm ờ niam, pơgồp bal tàm broă sền gàr bơta tờm nùs nhơm niam bơh Đảng mờ rài xã hội chủ nghĩa tàm bơta tŭ do.

Cau mblàng Ndong Brawl