VOV4.K’ho- Ủy ban Nhân dân càr Dak Nông pa yal Broă rơndăp lơh lơh jat Rơndăp broă lơh kơlôi sơnơng jak chài Rơndăp tăp sèng wơl gah lơh sa sươn sre jat gùng dà tơnguh uă priă gơguh tai, gơdờp mờ tam gơl trồ tiah mờ bơtàu tơnguh kơ\ kơl jăp càr Dak Nông tus nam 2020, wèt tus nam 2030.

Càr sền gi\t cau tờm tus bal lơh ală anih lơh gơlik phan tàm lơh broă sa sươn sre, dan geh broă lơh tơnguh ală anih lơh gơlik phan, lơh geh bơta ring bal mờ hòi jà ală mpồl cau tus bal, pơgồp bơnah tơnguh uă priă lơh geh, tam gơl pa rài kis làng bol lơh broă sa, bơtàu tơnguh lơh broă sa sươn sre kơ\ kơl jăp.

Bè, tàm gah tam phan, ngui ală sơntìl chi tam geh tơl khà mờ đòm jat ngui măy mok công nghệ cao lơh sa hữu cơ, rơhời bơ\t bơtàu mat kă bro ală phan bơna mờ yal tơngi\t anih lơh gơlik ală gah phan tờm kuơmàng.

Gơ wèt mờ gah ròng phan, rơhời bơtàu tơnguh jat gùng dà lơh gơlik phan bơna tơrgùm bal, đòm jat bơta jak chài, măy mok công nghệ cao nàng lơh gơlik ală phan bơna niam bơkah, mờ lơh jat tơl ală jơnau sồr bè kloh niam tiah ơm kis.

Tàm gah lơh broă brê bơnơm, pơn jat tai lơh kơ\ kơl jăp, sền gàr ală bă brê rơcang gàr bồ tô dà bơh ală broă lơh atbồ bal mờ lơh broă brê bơnơm [òn lơgar. Gơ wèt mờ gah phan tàm dà, bơtàu tơnguh uă broă lơh tàm ală ù tiah krơi is, lơh li la ală phan ròng tàm dà geh priă jền uă mờ priă tăc mờ lơgar ndai geh uă.

Cau mblàng Lơ Mu K’Yến