VOV4.K’ho- Tàm tiah [òn lơgar Nam Anh, xã Cư Kpô, kơnhoàl Krông Buk, càr Dăk Lăk dê là tiah lơh sa mìng tờm kơphê, tiêu lơm, geh dùl nă klau pơnu khin sơnđờm mu\t lơh broă bơh broă lơh pa mờ krơi is ngan: bơtờp sơntìl so ròng nhơl. Bal mờ ală cồng nha lơh geh bơh sơnrờp, Hợp tác xã ròng phan Hoàng Gia neh geh crơng gơs, lơh geh bơta gơn kơnờm mờ bơta pin dờn ai ơruh pơnu tiah do in khin lơh ală broă lơh sa pa.

Nam 2016, jơh bơsram Đại học Giao thông Vận tải mơya ờ jòi geh broă lơh kơ\ kơl jăp, bi Hoàng Văn Tiến, deh nam 1991 rê wơl hờ [òn tờm xã Cư Kpô, kơnhoàl Krông Buk, càr Dăk Lăk lơh jat jơnau kơ\p kờ` ròng so lơh rùp. Tơnơ\ uă dơ\ tơrlòng ròng so nhơl deh kòn ờ gơtùi bè bơta kơ\p kờ`, bi pơn jăt tai lòt tus ală anih ròng so dờng tàm [òn dờng Hồ Chí Minh lùp bơsram tai bơta mờng chài bal mờ bơta lơh ngan jơh nùs crơng gơs broă lơh pa tàm [òn lơgar.

Bi Hoàng Văn Tiến kềng ală so ròng nhơl bơh he dê

Hoàng Văn Tiến lơh anih ròng so mờ bă ù ơnàng 1 sàu 4 tàm ù dòr tàm gùl tiah tam kơphê, tiêu. Tu\ do, anih ròng so do geh 30 nơm so sơntìl lơgar ndai gơ wèt ală bơta so: Poodle, Pug, Bulldog, Alaska, Husky. Bal mờ broă ròng so deh kòn, bi Tiến gam pờ ală drơng broă ala ky\ pơyua, sền gàr, sơm kòp so in, lơh geh priă gi\t nđờ rhiang tơlak. 

Tơnơ\ rlau 1 nam “sơnđờm mu\t lơh broă” mờ so ròng nhơl, nhai 12/2018 pa do, geh bơta dong kờl bơh Mpồl tam klac ơruh pơnu kơnhoàl Krông Buk dê, bi Hoàng Văn Tiến crơng gơs Hợp tác xã ròng phan Hoàng Gia bal mờ 7 nă cau, lơh geh broă lơh ai ơruh pơnu tàm do in. Mờ priă bơcri dipal mờ adat boh lam bơh sơnrờp bơh Hợp tác xã dê là 1 tơmàn 500 tơlak, broă lơh uă ngan mìng là ròng so, mèo deh kòn mờ kă bro ală drơng broă ala pơn jăt bal. Bi Hoàng Văn Tiến yal, bơh ală cồng nha lơh geh bơh sơnrờp, Hợp tác xã gam rề ơnàng anih ròng so bal mờ broă ròng pơgăp 100 nơm so sơntìl.

Bi Hoàng Văn Tiến, đơs bè do: Gùng dà bơtàu tơnguh bơh Hợp tác xã dê mờr tus là lơh pràn dong kờl bơta chài ai ală cau bơyô kơnòm să kờ` sơnđờm mu\t lơh broă in tàm gah ròng so nhơl. Bơta gơn kơnờm bơh hợp tác xã dê là lơh pràn măt kă bro bơh Hợp tác xã dê nàng năc lòt nhơl in gi\t tus còp mờ lùp nàng gi\t bè phan ròng nhơl tàm tiah do den he geh tu\ tơngai nàng yal tơngi\t tai ală phan bơna bơkah pơnrơ bơh [òn lơgar dê, bè: bơ, sầu riêng, tiêu mờ kơphê.

Uă kơnòm dềt kờ` ngan tu\ geh lòt còp sền Hợp tác xã mờ `o\ nhơl bal mờ so

Đơs bè Hợp tác xã ròng phan Hoàng Gia, bi Vũ Minh Cường, Phó Kuang atbồ Mpồl tam klac ơruh pơnu Việt Nam kơnhoàl Krông Buk, là cau atbồ Câu lạc bộ Ơruh pơnu lơh sa jak bơh kơnhoàl dê đơs bè do, do là broă lơh pa dong ală đoàn viên, ơruh pơnu tàm do lùp bơsram bơta mờng chài, pin dờn rlau tàm gùng lòt jòi broă lơh ròng is să tờm.

Bi Vũ Minh Cường, Phó Kuang atbồ Mpồl tam klac ơruh pơnu Việt Nam kơnhoàl Krông Buk, đơs bè do: Broă lơh Hợp tác xã ròng phan Hoàng Gia là broă lơh pa lơh geh jơnau kờ` bơh mpồl bơtiàn dê, gơ lơh geh tai broă lơh ai đoàn viên ơruh pơnu in. Bơh hơ\, gơhòi gơ jà nùs nhơm sơnđờm mu\t lơh broă ai ơruh pơnu tàm kơnhoàl Krông Buk in. Uă ngan bơyô sền go\ bi Tiến lơh ngan jơh nùs kung bè uă ơruh pơnu tàm Krông Buk bơtàu tơnguh gơtùi den kung tus rê wơl hờ [òn lơgar nàng lơh tai ală broă lơh ndai.

Cau mblàng Lơ Mu K’Yến