VOV4.K’ho- Tàm ală bă ù kal ke, bùm blàng là tờm phan tam kuơmàng lơh geh priă jền làng bol dê. Mơya, mờ bơta tam phan bơh yau, cồng nha lơh geh ờ uă, priă lơh geh ờ kơ\ kơl jăp mờ ù klàr ờ nđiơm gơs. Tàm kơnhoàl Sa Thầy, càr Kon Tum neh lơh broă lơh tơrlòng lài bơ\t bơtàu ală anih lơh bal tam mờ kă bro phan bơna bơh bùm blàng, neh lơh geh cồng nha, pơlam làng bol tus bơtàu tơnguh lơh sa kơ\ kơl jăp.

Mò Tạ Thị Diệu, Phó Kuang ătbồ Phòng Nông nghiệp mờ Phát triển Nông thôn kơnhoàl Sa Thầy pà gi\t: Bơh nhai 4 nam 2019, kơnhoàl Sa Thầy lam lơh tơrlòng lài broă lơh “Bơtàu tơnguh lơh sa lơh bal jăt ală anih lơh gơlik phan gơ jăt bal mờ lơh sa bal mờ kă bro ală phan bơna bơh tờm bùm blàng”. Broă lơh geh lơh bal mờ bơta lơh bal niam ngan đah Phòng Nông nghiệp mờ Phát triển Nông thôn kơnhoàl mờ 52 hìu bơnhă làng bol (gơ wèt 3 xã Rờ Kơi, Ya Tăng mờ Mang Mrai), anih lơh sa mờ kă bro Nhân Phát mờ geh ki\ sră hơ blơi phan bơna mờ Công ty Cổ phần Tăc phan lơh geh bơh sươn sre mờ lơgar ndai Vina tàm Kon Tum.

Jăt mờ hơ\, sơntìl bùm blàng KM140 geh sac rwah ai tơmu\t tam tơrlòng lài geh bơta niam là tơngai kis dờng ờ jo\ (mìng bơh 8 tus 10 nhai), geh [òk uă, ờ gơtìp bơtờp kòp cồng pơrnơs, croăn nha bùm blàng bè sơntìl bùm blàng gam geh tam uă tàm ù tiah kơnhoàl Sa Thầy dê. Kuơmàng, sơntìl bùm blàng KM140 geh làng bol xã Sa Bình mờ dùl êt hìu bơnhă làng bol tàm ală xã tàm ù tiah kơnhoàl dê tam tàm bàr pe kàl rềp ndo ai go\ bơta pràn gơdờp mờ trồ tiah, ù tiah kơnhoàl ù tiah Sa Thầy dê, lơh geh bơta pin dờn gơ wèt mờ làng bol.

Tus bal lơh broă do, ală hìu bơnhă làng bol geh dong kờl jơh ală gơl bùm, 50% phơng sih mờ geh ală kuang bàng mờng chài bơto pơlam bè bơta chài bơh tu\ lơh ù, tam tus dì tu\ rồ bùm. Công ty Cổ phần tăc phan lơh geh bơh sươn sre mờ lơgar ndai Vina Kon Tum hơ blơi jơh phan bơna tu\ tơnhàu mờ priă bảo hiểm là 2 rbô đong dùl ki\ mờ geh tơnguh jăt priă tăc tàm drà.

Là hìu bơnhă bơh sơnrờp lam lài tus bal lơh broă lơh bơ\t bơtàu ală anih lơh bal tam mờ kă bro phan bơna bơh bùm blàng, bi A Ngun, ơm tàm [òn Đăk Đê, xã Rơ Kơi ờ gơtùi mpồn geh bơta chờ jờp tu\ 1 lồ 2 sàu bùm blàng rcăng ai tơnhàu. Bi A Ngun yal: Uă nam do, hìu bơnhă a` kung gam tam sơntìl bùm blàng KM94 sơl, mơya rềp ndo, sơntìl bùm blàng do sùm gơtìp ồm kơnuh, pàl nha den tàng dơ\ pa do a` go\ kuang bàng bơto pơlam sồr tam tơrlòng lài sơntìl pa den tàng a` cih măt dan lơh. Sơntìl gơ sồr he pal bơcri sơngka sền gàr, mơya ờ huan roh uă tơngai jì nhơ\t, tơngai kis dờng lơyah rlau den tàng broă tàm pơdar kàl lơh sa kàl pa mhar rlau. Pa do, a` dus sền lài den go\ bàr pe tờm bùm blàng geh uă ngan kơnuh, kờp bal pal geh bơh 2 ki\ nggùl tus 3 ki\ tàm dùl tờm, bè hơ\ 1 lồ ngan ngồn geh lơh geh 30 tấn kơnuh ris, uă rlau bơh 1 dơ\ mờ nggùl pơndrờm mờ sơntìl bùm lài do.

Bi A Chuối ơm tàm [òn Giang Xiêng, xã Rờ Kơi, kơnhoàl Sa Thầy kung chờ hờp yal bè do: Hìu a` lơh rlau 1 lồ kàl do digơlan là geh cồng nha uă ngan. Rlau mờ hơ\ tai, jơh ală phan bơna lơh gơlik gam geh hìu măy hơ blơi jơh den tàng a` ờ go\ kơnờm uă ir tàm cau kă phan.

Kung jăt mò Tạ Thị Diệu yal sơl, mờ priă tăc bùm blàng ris gam geh ală hìu măy tàm kơnhoàl blơi tàm pơgăp bơh 2 rbô 500 đong tus 2 rbô 700 đong dùl ki\ den tơnơ\ mờ tu\ kờp jơh ală bơnah priă tă, làng bol lơh geh priă cồng kờp bal bơh 25 tus 26 tơlak đong tàm dùl lồ, dilah ală hìu bơnhă lơh is ờ apah cau den priă cồng lơh geh jơnhoa rlau.

Gơtùi đơs, gơ wèt mờ ală bă ù kal ke, tờm bùm blàng là tờm chi tam dipal. Bè kơnhoàl ù tiah Sa Thầy, tờm bùm blàng gơdờp ngan mờ bơta ù tiah dòr kơh, trồ tiah duh ro kơnra` tàm tiah do mờ gơdờp mờ bồ tơngoh gi\t wa\ lơh sa bơh làng bol dê. Broă ai sơntìl pa, đòm jăt bơta jak chài pa tàm broă lơh sa, bơ\t bơtàu ală anih lơh gơlik phan geh pơgồp bơnah tơnguh uă cồng nha, phan lơh geh mờ priă jền bùm blàng in, cèng wơl priă lơh geh uă ai làng bol in. Do ngan là dùl tàm ală gùng lòt di pal tàm ală broă lơh rơndăp tăp sèng wơl gah lơh broă sa sươn sre, bơ\t bơtàu [òn lơgar pa tàm kơnhoàl Sa Thầy.

Cau mblàng Lơ Mu K’Yến