VOV4.K’ho- Krông Pach là kơnhoàl geh bă ù tam sầu riêng gam tàm tơngai ai tơnhàu dờng ngan rlau jơh càr Dăk Lăk dê bal mờ rlau 2 rbô lồ, kờp jơh plai lơh geh rlau 40 rbô tấn. Ngui niam bơta pràn nàng bơtàu tơnguh kơ\ kơl jăp tờm sầu riêng tàm ală nam tus, gơnoar ătbồ mờ cau lơh broă sa kơnhoàl Krông Pach gam lam lơh ală broă lơh tam phan jăt jơnau sồr tơl khà VietGap, GlobalGAP dê, hơ pơrgon lơh geh ală jơnau sồr tơl khà dunia bè ờdo ờdă kloh niam phan sa mờ lùp sền wơl anih lơh gơlik. Do là ală bơta pal geh tờm ngan ai broă tăc di gùng mờ lơgar ndai plai sầu riêng tus drà kă bro lơgar ndai.

Ală ngai lồi sơnam ờ ru ngan mờ broă rcăng wa\ rò sơnam pa, ồng Bùi Bá Dũng ơm tàm [òn Jung, xã Ea Yông, kơnhoàl Krông Pach, càr Dăk Lăk dê ờ hu\i sơl broă lòt còp sươn sầu riêng tam tàm bơrlu\ bal mờ kơphê ngài mờ hìu 2 kơi sồ nàng sền mờ sơnđờm lơh ală gùng ding tuh dà is ai sươn chi in. Ồng Dũng pà gi\t, geh bơta bơto pơlam bơh Phòng Nông nghiệp mờ Phát triển Nông thôn kơnhoàl Krông Pach dê, nhai 3 nam 2019 pa do, 2 lồ sầu riêng bơh hìu bơnhă ồng dê neh geh crăp chíp điện tử jòi sền gi\t anih tờm lơh gơlik. Bal mờ hơ\, lơh jăt broăc tăc plai sầu riêng di gùng mờ lơgar ndai, să tờm ồng mờ uă cau tam tờm sầu riêng tàm do neh tus bal bơsram ală ơdu\ bơto pơlam mờ tam gơl gùng dà tam phan nàng kờ` lơh geh jơh ală jơnau sồr tơl khà VietGap, GlobalGAP dê.

Ồng Dũng pà gi\t: Tàm gùl sươn riêng VietGap mờ sầu riêng sơngka sền gàr ờs mờng bơh lài tus tu\ do den bơta dơ\ dùl hơ\ là priă tă ờ huan uă ir, dơ\ bàr là phơng sih, sơnơm sền gàr phan tam he gàr niam ờdo ờdă rlau. Tu\ do, bàr pe hìu bơnhă cau đòm jăt lơh, den priă tăc phan lơh geh niam rlau, cau kă phan blơi niam rlau. Pơnyơu bè tiah do den hìu a` tăc geh priă uă ngan rlau jơh, mờ sơngka sền gàr den kung dùl êt tu kòp lơh aniai sơl.

Sầu riêng Krông Pach geh li\p mã jòi gi\t anih tờm lơh gơlik phan bơna

Broă tam gơl gùng dà tam tờm sầu riêng ờ mìng tơnguh uă priă lơh sa, mờ gam lơh gơlik dùl rơnàng cau lơh broă sa khin kơlôi khin lơh, kơlôi dờng, gi\t ngui sơntìl pa, ngui công nghệ pa nàng lơh geh cồng nha. Mờ 30 tấn tơnhàu geh bơh rlau 1 lồ sầu riêng, bi Y Siên A Yun, ơm tàm [òn Jung 2, xã Ea Yông đơs là, do là dùl cồng nha crih crài ngan mờ 5 nam lài bi ờ go\ khin kơlôi tus. Hìu pa lơh kờp priă tus rlau 1 tơmàn đong, là cồng nha mờ bi lơh geh bơh sươn sầu riêng he dê.

Bi Y Siên A Yun, đơs: Lài do, tam sầu riêng ờ go\ gi\t ală bơta chài sơngka sền gàr, kung tuh dà, ơn phơng sơl mơya ờ gi\t ngui sơnơm sền gàr phan tam nàng rcăng sơndră tu kòp lơh aniai tờm chi in. Tơnơ\ tu\ geh lòt bơsram ală ơdu\ bơto pơlam mờ lùp bơsram broă lơh sầu riêng bơh ală cau geh bơta mờng chài den a` neh lơh gơtùi. Tu\ do, ờ duh pal lùp bơsram mờ cau lơi tai, a` lơh is jơh ală broă. Bơh tu\ tam gơl broă tam sầu riêng den rài kis tơl ngui tơl sa rlau, blơi geh uă phan kas priă nàng ngui tàm rài kis hìu bơnhă.

Ồng Y Ngắc Niê, Chủ tịch Mpồl cau lơh broă sa xã Ea Yông, kơnhoàl Krông Pach pà gi\t, tu\ do jơh gùt xã geh rlau 900 lồ tờm chi sa plai, mìng is tờm sầu riêng geh tus 700 lồ, tàm hơ\ geh rlau 500 lồ neh ai tơnhàu. Kàl nam 2019 pa do, jơh gùt xã tăc geh rlau 7.500 tấn plai sầu riêng, lơh geh rlau 300 tơmàn đong. Kung jăt ồng Y Ngắt dê yal sơl, bulah priă tăc sầu riêng ờ lơh geh uă ngan bè kàl tàm nam 2018, mơya mờ priă tăc geh bơh 45 rbô tus 50 rbô đong tàm dùl ki\ kung neh cèng wơl rài kis pas sơm sơl ai uă hìu bơnhă cau tam tờm sầu riêng in, dong ală [òn lơgar tàm tiah do lơh ngan brồ guh pràn kơldang.

Ồng Y Ngắc Niê, đơs bè do: Bơh tu\ geh sầu riêng cèng wơl bơta bơtàu tơnguh ai làng bol cau Rơđê in, bè rài kis hìu bơnhă bi Y Thơm, Y Siên neh tơl ngui tơl sa rlau mờ lài uă ngan…Bè ală hìu bơnhă a` pal yal den khi gi\t broă ơn phơng, sơnơm sền gàr phan tam den tàng sầu riêng hòn gơs niam. Geh uă hìu bơnhă tàm 1 lồ lơh geh bơh 15 tus 20 tấn plai sầu riêng.

Ồng Dũng tuh dà sươn sầu riêng in mờ măy pơlam lơh bơh ngài

Dăk Lăk tu\ do geh rlau 5 rbô lồ sầu riêng, tàm hơ\ mìng is kơnhoàl Krông Pach geh tus rlau 2 rbô lồ, geh tus 1/2 bă ù tam sầu riêng bơh jơh gùt càr dê. Kờp jơh plai sầu riêng lơh geh tàm kàl nam 2019 pa do bơh kơnhoàl dê geh 33 rbô tấn neh cèng wơl priă cồng lơh sa uă ngan ai cau lơh broă sa in. Ồng Nguyễn Huy Hoàng, Kuang ătbồ Phòng Nông nghiệp mờ Phát triển Nông thôn kơnhoàl Krông Pach pà gi\t, nàng rcăng lài jòi drà kă bro ai phan bơna in mờ kơlôi tus bơtàu tơnguh kơ\ kơl jăp bơta phan sầu riêng, nam 2019, kơnhoàl Krông Pach neh pơgồp bal mờ ală anih lơh broă bal mờ làng bol lơh geh mờr 400 lồ sầu riêng geh sră dờp tơl khà VietGap mờ mờr 400 lồ geh jòi gi\t anih tờm lơh gơlik bơh plai sầu riêng. Bulah bă ù ờ uă, mơya bơh sơnrờp kung tam gơl bơta gi\t wa\, bồ tơngoh kơlôi sơnơng bơh làng bol tam chi sa plai dê đơs bal mờ tờm sầu riêng dê đơs is.

Ồng Nguyễn Huy Hoàng, đơs bè do: Gơ wèt mờ phan bơna sầu riêng tàm ù tiah kơnhoàl Krông Pach dê geh cau ngui sa jờng rơ ngan. Gơn kơnờm dờng ngan rlau jơh tàm nam 2020 do mờ ală nam pơn jăt tai den kơ\p kờ` dờng ngan là Dà lơgar lơh bè lơi hơ\ phan bơna sầu riêng bơh Dăk Lăk dê đơs bal, mờ mìng is Krông Pach dê đơs is, ndrờm bè tiah tờm tam uă ngan sầu riêng bơh càr dê geh tăc tus lơgar gơ\p bơyô mờ geh uă drà kă bro ndai gi\t sơl. Bol a` geh lơh ngan bal mờ làng bol nàng lơh sa jăt ală jơnau sồr gơ wèt mờ drà kă bro mờ gơn kơnờm geh tăc mờ lơgar ndai tàm nam 2020 mờ ală nam tus.

Làng bol Krông Pach tơnhàu plai sầu riêng

Dùl sơnam pa kàl prang rê tus tai mờ kơnhoàl ù tiah pơrhê bazan ndu gơnrơh, mờ bơta tam gơl bồ tơngoh tam phan bơh cau tam tờm sầu riêng dê mờ bơta lơh pràn pràn kơldang mờ jơh nùs ngan bơh gah lơh broă sa sươn sre kơnhoàl Krông Pach dê, den hơ pơrgon tờm sầu riêng geh cèng tus ală kàl lơh sa geh tơnhàu uă ngan ngồn, pơgồp bơnah cèng wơl bơta hờm ram ai làng bol tàm tiah do in.

Cau cih Nam Trang- Cau mblàng Lơ Mu K’Yến