VOV4.K’ho- Bộ Y tế pa geh sră nggal jal mhar pơyua Ủy ban Nhân dân ală càr, ƀòn dờng gơ wèt dà lơgar bè broă sơlơ rơcang sơndră kòp jơng tê bơr. Bơh bồ nam tus tŭ do, gùt lơgar geh mờr 17 rbô 500 nă cau gơbàn kòp jơng tê bơr, tàm hơ̆ geh 4 nă cau chơt.Pơndrờm mờ bal dùl tŭ nam lài, khà cau gơbàn kòp uă rlau 4 dơ̆ mờ gơguh uă ngan tàm tiah đah jum dà lơgar.

Nàng sơlơ rơcang sơndră kòp jơng tê bơr, kờñ tơrmù tus khà lơyah ngan rlau jơh khà cau gơbàn kòp, chơt să, ờ lời kòp bơ tờp uă mờ jŏ jòng, Bộ Y tế neh geh sră nggal sồ 2527 pơyua Ủy ban Nhân dân ală càr, ƀòn dờng gơ wèt dà lơgar sồr lam lơh jat 2, 3 tơngume bè sơlơ rơcang sơndră kòp jơng tê bơr.

Cau mblàng K’Duẩn