VOV4.K’ho - Tơnơ\ mờ kòp jê ndul gơjroh sur châu Phi lơh aniai, uă wàng ròng sur tàm càr Dak Lak gam jòi tơl bơta kờ` ròng wơl. Mơya gơtìp mờ ală kal ke bal mờ rềs àr tài khà priă sơntìl kas, broă ròng niam ờ do ờ dă pal bơcri uă priă.

Bơta neh lơh gơbàn tus mờ bơta sơlơ\u wơl là bu\ lah khà priă poăc sur gam gơguh uă ngan, cau ròng sur tàm càr Dak Lak kờ` ngan ròng mơya ờ gơtùi.

Hìu nhă bi Lê Thanh Phú, kis tàm [òn Hiệp Thành, xã Quảng Hiệp, kơnhoàl Cư\ Mgar geh wàng ròng sur 600 nơm. Bi pà g^t: satềp Canh Tý lài do, hìu nhă bi neh tăc mờ khà 100 rơbô đong tàm 1 k^ sur ờ hềt lơh poăc, priă cồng geh 1 tơmàn 500 tơlăk đong.

                                                 Bi Phú tềng gah wàng sur lời gời

Mơya neh mờr 3 nhai do, hìu nhă bi kung ờ hềt gơtùi ròng tai sơl. Tài khà priă\ sur sơntìl gơguh kas ngan, rơlao 2 tơlăk 500 rơbô đong tàm 1 nơm, mờ ờ jòi geh anih nàng blơi sơntìl sur niam pràn sơl.

Bi Lê Thanh Phú mblàng: broă blơi sur sơntìl mờ khà kas tàm tu\ do, broă di gơlan gơbàn aniai di lah kòp gơbàn wơl, ha là di blơi sur sơntìl ờ pràn:

-Lài ngan là khà priă blơi sơntìl kas ngan, dơ\ 2 là ờ geh sur kòn kờ` blơi, tài tu\ do ală wàng ròng sur sơntìl lài do tu\ do ròng sur tăc poăc, cau lơh wàng ròng sur poăc tai den tàng sur sơntìl ờ geh, den tàng ờ ròng tai.

Mờ cau dờp ròng sur ai Công ty cổ phần ròng phan C.P Việt Nam bè bi Lưu Văn Đức, kis tàm [òn Cuôr, xã Ea Mdroh, kơnhoàl Cư\ Mgar den broă ờ ròng tai là tài ờ tơl priă lơh wàng mrềt. Bi pà g^t, lài do, bi neh bơcri priă di pơgăp 600 tơlăk đong kờ` lơh wàng mờ ròng 600 nơm sur.

Tơnơ\ mờ kòp pluh, tài ờ tơl priă lơh wơl wàng mrềt di jăt mờ jơnau kờ`, blơi sur sơntìl kas ngan, bal mờ ngòt gơtòp kòp tai den tàng bi Lưu Văn Đức neh tam gơl tus mờ broă ròng iar.

                                                    Bi Đức gam wàs wàng sur kờ` ròng iar

Di lah pơn jăt tai lơh công ty CP in den công ty sồr pal geh wàng mrềt, tu\ do he pơgồp tai mờ khà priă lài do, priă pa geh tai den he pal roh tai bơh 400 tus 500 tơlăk đong. A` kơlôi là bơh 400 tus 500 tơlăk đong hơ\ a` ròng iar den geh cồng nha rơlao mờ ờ hoan gơtìp rềs àr rơlao mờ ròng sur.

Jăt ồng Thuỷ Lệ Vũ, kuang atbồ đah ròng phan mờ lơh sơnơm phan ròng càr Dak Lak pà g^t, kòp jê ndul gơjroh sur châu Phi tơngai lài do tàm càr neh tơ\p pơrgu\c rơlao 44 rơbô 800 nơm sur mờ kờp jơh mờr 2 rơbô 516 tấn.

Kơnờm mờ broă đơng lam nền nòn bơh càr, gah ròng phan, bal mờ broă lơh ngan bơh làng bol dê, tus tu\ do, gùt càr mìng gam 3 xã gơbàn kòp.

Tơnơ\ mờ tu\ kòp neh jơh, ală hìu ròng phan geh sơn đờm ròng wơl. Mơya, tu\ do mìng rơ\p geh ờ uă công ty, wàng ròng phan uă ròng wơl, gam ală hìu làng bol ròng ờ uă tus tu\ do kung gam lời gời wàng, tài ờ tơl ală bơta niam ờ do ờ dă  tàm broă ròng phan: 

-Lam sồr làng bol ròng wơl mơya pal lơh jăt broă lơh di mờ chỉ thị sồ 14 bơh UBND càr ai là ală wàng ròng mờ ròng ndơ\p, ròng kloh niam.

Dơ\ 2 là ngui geh bơta niam ờ do ờ dă sinh học, ờ do ờ dă kòp den hơ\ sồng geh ròng wơl, mơya pal geh sền gròi nền nòn bơh mpồl lơh sơnơm phan ròng, kuơ màng là yal mờ gơnoar atbồ bal mờ gah ròng phan tàm ală tiah den hơ\ sồng geh ai ròng.

Gam ală wàng ròng ờ uă, làng bol ròng mờ ờ tơl niam, broă di gơlan gơtìp kòp tai uă den ba` ròng tai mờ pal tam gơl ròng phan ròng ndai.

Gơtùi đơs, broă pơn jăt tai akă broă lơh kờ` kơrian mờ kòp jê ndul gơjroh sur châu Phi, wèt tus broă yal jơh kòp, wèt tus broă ròng niam ờ do ờ dă là pal geh lơh. Mơya bơta kuơ ngan tu\ do là bơsong kal ke dong kờl cau ròng, ròng wơl sur, drơng tàm broă kờ` geh tơl poăc sur uă ngan tàm drà kă bro dê.

Hìu ai sur sơntìl den tam gơl mờ broă ròng sur poăc. Công ty gàr uă drà kă bro den ai tai kơrnoăt tus mờ cau ròng sur.

Ờ tơl priă, ờ tơl sơntìl, den tàng bu\ lah khà priă poăc sur kas ngan, drà kă bro ờ tơl poăc sur kờ` tăc, mơya cau ròng sur kung gam ờ bài ròng, mờ cau ngui sa pơn jăt tai gơtìp bơta “ơ\t ơl” ha là dờp mờ broă gơtìp roh priă.

Ală anih lơh broă geh gơnoar pal tơnguh mhar ală broă dong kờl làng bol jòi geh anih ai sơntìl geh bơta niam, pràn, khà priă di pal; Mờ ai tơl bơta niam di pal mờ priă bơcri ròng phan in.

Geh bè hơ\, làng bol hơ\ sồng geh tơl bơta niam kờ` ròng tai sur, pơgồp bal tàm broă ring niam khà poăc sur geh tàm drà kă bro.

Cau mblàng Ndong Brawl