VOV4.K’ho – Jòi drà kă bro pa, bơcri pria\ blơi công nghệ lơh gơlik ua\, sơlơ lơh bal ală bă tiah tam phan tàm broă kă bro mờ tac phan lơh gơs bơh suơn sre là ală broă lơh gam geh ală mpồl lơh sa kă bro lam lơh bal mờ ală broă lơh ring bal bơh Bộ Nông nghiệp mờ Phát triển Nông thôn dê nàng sơndră mờ kòp Covid-19.

Bơta gơbàn ua\ bơh kòp Covid-19 dê neh lơh broă tac mờ blơi phan bơh lơgar ndai đah Việt Nam mờ Lo gơtìp aniai ua\ ngan, ua\ bơta phan bơh suơn sre geh khà pria\ tac gơmù lơyah ngan. Mờ gah lơh bơnhà chi, jat ồng Nguyễn Tôn Quyền, lài do là Phó Chủ tịch mơ là Tổng Thư ký Hiệp hội dơm chi mờ chi brê Việt Nam, gơtìp aniai bơh kòp Covid-19 dê, ală khà bơnhà chi tac tus lơgar Lo neh gơmù ua\ ngan. Bulah bè hơ\, do kung là tu\ niam ai gah lơh gơlik, tac dơm chi hờ lơgar ndai in. Tài bơnhà chi tac hờ lơgar ndai geh bơta kuơ lơh geh ờ ua\, ờ bơtàu tơnguh kơ\ kơljap bă brê, ala mờ koh kơl brê nàng lơh gơlik bơnhà, ală hìu bơnhă tam brê gơtùi tam brê dơm chi dờng, cèng wơl bơta kuơ ua\ rlau: “Tơmù bơnhà chi tac hờ lơgar ndai geh bơ tơl khà dơm chi tàm lơgar nàng lơh ndàp công nghiệp, ndàp MDF, pơnai jeh nhiên liệu, tơnguh khà do ua\ nàng lơh gơlik ală phan bơna geh bơta kuơ ua\ hơ\ là bơta [uơn tàm tu\ do. Kòp gam jo\ jòng den jơnau git wă bơh mpồl lơh sa kă bro dê ngan là tam gơl niam ngan. Hiệp hội neh lơh broă mờ ală mpồl lơh sa kă bro, ua\ mpồl lơh sa kă bro ring bal mờ neh tam gơl broă lơh, bè tu\ do, 2, 3 mpồl lơh sa kă bro lơh bơnhà tàm lơgar Lo neh tam gơl blơi mai mok nàng lơh ndàp MDF, pơnai jeh nhiên liệu”.

Ndrờm bè hơ\ sơl, jat ồng Nguyễn Hoài Nam, Phó Tổng Thư ký Hiệp hội lơh gơlik phan tàm dà Việt Nam – VASE pà git, broă sang te\ blơi phan tàm dà tài kòp Covid-19 ờ hềt geh, mơya sră pơrgon blơi phan halà broă tam gơl sră pơrgon blơi phan gam lơyài wơl. Tus tu\ do, 2, 3 gah ơhò dà lềng dờng neh ơm ờ dờp ală container phan tàm dà pơndiang lòt tus lơgar Lo.

Gơwèt mờ ală drà kă bro bè: Mpồl tam klac châu Âu, Mỹ, bồ nam do neh tus sền sơ wì mờ còp hìu ma\i lơh gơlik mơya tu\ do ơm ing, mìng sền sơ wì bơh ngài. Tu\ do, ală lơgar ờ blơi ka ngừ lơgar Lo dê den tàng khà pria\ gơmù ua\ ngan, do là bơta niam gơ wèt mờ ală mpồl lơh sa kă bro ka ngừ Việt Nam dê: “Geh chồl pràn ală bơta niam nàng lơh bè lơi broă lơh sa ờ gơtìp aniai ua\ ir tài bơh kòp. Jơnau yal ală mpồl blơi phan bơh lơgar ndai lơgar Lo pà git, Việt Nam pal rơcang lài phan ơn tàm hộp, phan lơh mrềt. Tài ală kòp bè do digơlan tơnơ\ 3 nhai tus 5 nhai mờ gơtùi kơryan kòp den broă tam gơl mờng quèng ngui sa là loh làng ngan, ờ sa phan ris ua\, den phan ris geh ngui dùl êt, tu\ hơ\ den jơnau kờ` bè phan sa gơguh ua\ mơya pal sền gròi tus ală bơta phan ơn tàm hộp, phan lơh mrềt nàng tru\ sin”.

Ờ mìng ală mpồl lơh sa kă bro tac phan hờ lơgar ndai rơcang lài, mờ tàm drà kă bro tàm lơgar, ua\ mpồl lơh sa kă bro, ală siêu thị kung neh crơng gơs broă rơndap lơh mờ jòi tu\ niam tàm ală drà kă bro pa. Ồng Vũ Thanh Sơn, Kuang atbồ Tổng Kong ti kă bro Hà Nội pà git, mpồl lơh sa kă bro tu\ do geh ală siêu thị Hapromart mờ gam lơh bal sùm blơi ală bơta phan lơh gơs bơh suơn sre tàm ală tiah.

Tàm tơngai do, geh sơlơ lơh bal mờ ală tiah mờ Hiệp hội gah lơh phan nàng blơi phan lơh gơs bơh suơn sre, ngan là ală phan lơh gơs bơh suơn sre gam gơ kòl tàm tiah nhàr dà lơgar ờ gơtùi tac tus lơgar Lo: “Tu\ do thanh long Việt Nam bơdìh mờ lơgar Lo là drà kă bro dờng mơya kung geh drà kă bro dờng ndai là Mỹ. Geh git là Bộ Nông nghiệp mờ Phát triển Nông thôn rơcang geh mpồl kuang bàng lòt lơh broă tàm lơgar Mỹ, do là tu\ niam, bol a` geh lơh bal mờ ală mpồl lơh sa kă bro ndai nàng rề ơnàng tai drà kă bro tac thanh long tàm lơgar Mỹ mờ 2, 3 drà kă bro ndai”.

Tàm nhai 1, khà tac phan bơh suơn sre lơgar Việt Nam dê tus lơgar Lo neh gơmù 14% tài gơ rềng bơh kòp Covid-19 lơh gơbàn. Bơta gơ rềng bơh kòp dê neh mờ gam lơh aniai ua\ ngan tus broă lơh gơlik mờ kă bro phan bơh suơn sre Việt Nam dê.

Bộ trưởng Bộ Nông nghiệp mờ Phát triển Nông thôn, ồng Nguyễn Xuân Cường đơs nền, ală broă lơh kuơmàng mờ Bộ Nông nghiệp mờ Phát triển Nông thôn neh mờ gam lam lơh là sồr kờp sền jơh khà phan lơh gơs bơh suơn sre, ală bơta phan nàng tac tus lơgar Lo. Mùl màl jat tơl nhai, bơh tu\ do tus ală nhai lồi nam, gơ jat tàm ală bơta gơlik geh bơh tơl tu\ tơngai dê nàng geh broă lơh rơcang sơndră. Mơkung sơlơ tơnguh broă kă bro tàm lơgar: tơr gùm lơh gơlik ua\ mờ bơta tus bal bơh ală mpồl lơh sa kă bro lơh gơlik bơh bơta lơh bal nền nòn mờ tiah tam phan, tơmù [à bơta tac hờ lơgar ndai phan gam ris. Bal mờ hơ\ là lòt sền wơl khà anih prap rơcang lơh mrềt nàng ai 2, 3 bơta phan lơh mrềt, tơn jo\ tơngai tàm broă tac phan: “Tàm nhai do geh hòi jà kă bro tàm 2, 3 lơgar. Geh sồr 1 mpồl kuangbàng tus Dubai (gơ wèt Các Tiểu vuơng quốc Arab Thống nhất); dùl mpồl kuang bàng geh pơn jat tai tus drà kă bro lơgar Mỹ, lơgar Nhờk, lơgar Brazil mờ ală lơgar ndai nàng kờ` lơh geh dùl broă, là ờ di tu\ do den hơ\ sồng lòt mờ broă rơndap lơh jo\ jòng rlau. Bol he pal sền go\ là, kung geh tu\ niam lơh gơlik dùl bơta kòl yan, kal ke nàng chồl pràn rơndap tap sèng lơh sa suơn sre ua\ rlau tai jat ròt mpồl lơh bal”.

Lòt bal mờ Bộ Nông nghiệp mờ Phát triển Nông thôn, Bộ Công thuơng kung neh đơng lam ală dơ\ kă bro tàm lơgar ndai bơyai lơh ală broă lơh jòi mờ lơh bal mờ ală mpồl blơi phan pa nàng pơ gồp bơnah tam gơl broă tac phan tus 2, 3 lơgar pa. Mơkung tơngkah ală mpồl lơh sa kă bro pal kờp du\ lài broă rơndap lơh tam dră mờ jơnau digơlan kòp gơlik geh kal ke, gơ rề ua\, jo\ jòng, bơh hơ\ geh broă rơndap lơh di tu\ tam gơl tac phan tus drà kă bro tai, tac tàm lơgar halà tơmù tàm broă lơh gơlik, lơh mrềt.

Cau mblàng K’Duẩn