VOV4.K’ho - Tàm kàl mìu, broă geh ală tu luh, bơsềt lơh gơbàn kòp geh uă tàm tòm kơphe. Bè hơ\, lơh bè lơi kờ` g^t, sơndră geh cồng nha, dong kờl tòm kơphe geh hòn gơs niam mờ tơnguh bơtàu niam.

Thạc sĩ Vi Thế Vũ, kuang bàng lơh broă kỹ thuật, lơh broă tàm đah tam phan mờ sền gàr phan tam càr Lâm Đồng bơto loh làng rơlao bè broă do.

-Ơ Thạc sĩ Vi Thế Vũ, tàm kàl mìu, ală bơta tu kòp lơh aniai lơi lơh gơbàn tơn tus mờ cồng nha bal mờ bơta niam gar kơphe?

Thạc sĩ Vi Thế Vũ: Tàm kàl mìu, geh uă ngan kòp lơh aniai tàm tòm kơphe làng bol he dê, den tàng pal kah tài di gơlan lơh gơbàn uă ngan tus mờ cồng nha kơphe, bè ồm mờ làng bol he mờng sơnđan là kòp ro ntê, ro plai; ală kòp bơsềt phồng, kòp gỉ sát, kòp ồm ngko rơyas, kòp sồt ngko rơyas…

Kàl mìu mờng gơbàn ală kòp tòm do, lơh aniai uă ngan tus mờ cồng nha broă tam, lơh gơbàn tus mờ bơta niam kàl lơh sa tơnơ\ do.

-Ơ thạc sĩ, geh uă ngan làng bol yal là kòp bơsềt phồng tu\ do gam tơnguh bơtàu pràn mờ kal ke ngan kờ` kơrian. Bè hơ\, lơh bè lơi kờ` kơrian geh cồng nha kòp bơsềt phồng tàm kàl mìu do?

Thạc sĩ Vi Thế Vũ: Tu\ do gam tàm tơngai kàl mìu, là bơta niam kờ` kòp bơsềt phồng gơl^k geh mờ lơh aniai uă. Gơwèt mờ kòp bơsềt phồng do mờng lơh aniai tàm ntê ha là tàm tiah sơne\ ntê. Lài ngan là phan phồng, tơnơ\ mờ hơ\ den gơs ală bă phồng glòm gùt dar plai, kung bè lơh gơjrùh plai, chơ\t ntê.

Gơwèt mờ broă sơndră mờ kòp bơsềt phồng do geh cồng nha uă, làng bol he pal kah lơh kloh niam suơn, koh ntê rơha di mơ kờ` tòm kơphe geh niam, tơmù kòp gơbàn.

Tàm bơta kòp neh uă den he pal koh sơbì ală ntê gơbàn kòp l^k bơdìh suơn mờ chu, kờ` tơmù gơtòp kòp. Mờ tu\ he neh koh sơbì, he kung gơtùi [ồm sơnơm kờ` kơrian kòp gơtòp uă. He gơtùi ngui ală bơta sơnơm bè Validacin, Bordeaux, Saizole … [ồm kờ` sơndră mờ kòp. Mờ he ngui 2 dơ\, pah dơ\ ngui bơh 7 tus 10 ngai kờ` geh cồng nha uă tàm broă sơndră mờ kòp bơsềt phồng.

-Bơdìh mờ hơ\, den làng bol pal kah ală broă lơh lơi tàm broă sền gàr, sơnka kơphe tàm kàl mìu do lah ờ, ơ thạc sĩ?

Thạc sĩ Vi Thế Vũ: Kơphe tàm kàl mìu den làng bol he kung pal kah tus mờ phơng sih. Di lah sih phơng ndrờm bal mờ di pal, tơl phơng ai tòm kơphe in, kờ` tòm kơphe geh hòn gơs niam, ròng niam plai tàm tơngai do.

Mờ he pal sơndră tai mờ ală bơta kòp lơh aniai ndai bè: tu luh, `ui sras… là ală bơta phan pal geh kah tàm kàl mìu do.

-Ơi, dan ưn ngài thạc sĩ Vi Thế Vũ uă ngan!

Cau mblàng Ndong Brawl