VOV4.K’ho - Ala\ nam rềp do, trồ tiah gơbàn nisơna ngan geh lơh ua\ cau tam kơphe gơbàn ua\ ngan kal ke. Bal mờ hơ\,  pria\ kơphe gơmù lơyah, ua\ sươn kơphe  kra, cồng nha tơnhàu lơyah,  cồng nha lơh sa phan bơna  ờ bè kơp kờ` lơh cau tam kơphe ờ hoan gơdan ngan. Nàng pơnjat tai gàr sươn kơphe,  cau lơh broa\ sa neh pal geh broa\ lơh sơng ka  kơphe sơnđìng tàm bơta kờ` tuh phơng mờ gơbàn  go\ bơh tờm kơphe.

            Tơnơ\ rlau 20 nam tam mờ sơng ka kơphe, ồng Nguyễn Kim Tần, kis tàm thôn Thăng Tiến, xã Hoà An, kơnhoàl Krông Pach, càr Dak Lak dờp go\ la,  broa\ sơng ka kơphe ờ di tu\ lơi kung mìng kơnờm mờ  bơta mờng jo\ nam mờ gam kơnờm ngan tàm ua\ broa\ ndai. Den tàng, ồng sùm jòi wa\ jơnau yal tơnggit bè sơng ka sền gàr chi tam bơh ala\ gah yal tơnggit jơnau.

            Jat ồng Tần, mờ kơphe,  broa\ koh ntê kờ` pal geh lơh gùt nam mơya dơ\ koh ntê tờm ngan  la tơnơ\ jơh pic plai. Dilah geh ngui ala\ broa\ lơh koh ntê di pơlam, koh ntê di anih geh lơh chi ròng ntê ring niam tờm kơphe in, dong kơphe ngui phơng nàng ròng plai. Tơnơ\ tơnhàu kung la tu\ tờm kơphe gơbàn ờ sô ngan den tàng ồng neh lơh lài ngui ala\ broa\ lơh sền gàr phan tam tu\ tu sa aniai gơbàn, kơnờm bơh hơ\ mờ suơn kưphe hìu nha\ gam hòn gơs niam, ntê ròng ndrờm pràn, tờm den cham m’hul:

             Tơnơ\ jơh pic plai sùm geh ai go\ gơbàn pàl nha, dơ\ 2 la gơ bàn  bơsềt phồng sek.  Tu\ nhai gơbàn dum mờ gơbàn ờ sô den kòp geh gơbàn mờ tờm  gơbàn pàl den tu\ hơ\ phơng neh ờ gam tai den tàng kòp geh  lơh aniai. Jơh pic plai a` neh pal ngui sơnơm, lài jơh la he pal tuh êt phơng. Pơnyơu bè tu\ gam mìu den  he tuh phơng nàng dong chi gơ pràn mờ broa\ lơh bồm phơng đang tờm nàng mhar gơ jồp phơng mờ sơndra\ mờ kòp, lơh chi mhar  gơbàn pràn wơl.

             Kung bè ua\ sươn kơphe ndai tàm Dak Lak, tu\ tơngai do, sươn kơphe 27 nam bơh hìu  nha\ bi Nguyễn Hữu Chiến kis tàm thôn Tân Thịnh, xã Tân Lập, kơnhoàl Krông Buk, càr Dak Lak neh rah rài gơ lì bơkào. Jat bi,  gơbàn bè do  la bồ nhai prang do trồ tiah gơbàn nisơna ngan, mìu ờ di tu\,  tờm kơphe pa jơh pic plai den ờ hềt pràn neh pal lì bơkào. Den tàng, bơkào gơ lì ờ ring, lơh aniai tus broa\ sơng ka mờ sền gàr tàm  nam pơnjat tai.

            Bơta mờ bi Chiến  sền gròi tu\ do la lơh bè lơi nàng sơng ka sươn chi lơh geh tơnhàu ua\, kơryan tu sa aniai mơ kung khà pria\  ta\  ngui dơ\ di pal ngan. Bi Chiến đơs la suơn kơphe bơh hìu nha\ neh kra,  cồng nha tơnhàu ờ ua\ tai den tàng khà phơng tuh nàng ròng plai la ờ ua\,  tờm chi gơbàn ờ sô, nha gam tơ lir mờ phơng tam tờm gam tơl nàng sơrlèt gan nhai prang. Den tàng,  tơnơ\ jơh pic plai den kờ` pal bơsir tuh phơng:

             Tàm ala\ nam pa do, bơh trồ tiah gơbàn ờ niam den tàng cồng nha bơh kơphe geh ờ jơnhua,  gơ mìng geh  di 2 tấn mơ gùl tus 3 tấn  mơ gùl plai gar, cồng nha ờ bè hìu nha\ kơp kờ`. Tài bơh cồng nha geh ờ jơnhua den tàng sươn chi gơmù  ờ ua\,  gơlam tus chi  gơbàn ờ pràn.  Tơngai tơnơ\ pic plai den  ờ tuh phơng  tài la nhai prang den a` geh tuh phơng  tềng tờm  kung ờ gơtùi mờ phơng bồm đang nha den nhai prang cồng nha ờ jơnhua ngan.

            Tu\ tơngai tu\ do tàm Tây Nguyên neh mut tàm nhai prang. Jat ala\ cau khoa học Viện Khoa học Nông lâm nghiệp Tây Nguyên, tơnơ\ jơh pic plai, tờm kơphe gơbàn ờ sô den tàng bươn ngan gơbàn ờ niam  sa phơng ròng tờm mờ lơh tu sa gơbàn aniai. Den tàng,  dilah ờ geh broa\ lơh sơng ka sền gàr di pal, di, geh lơh aniai tus geh bơh plai kơphe bè jo\ jòng, lơh aniai tus lơh sa hìu nha\ mờ la dùl tàm ala\ bơta lơh gơguh pria\ blơi sơnơm tu,  phơng tuh tàm ala\ tu\ tơngai hờ tơnơ\.

          Cau mblàng K’ Brọp