VOV4. K’ho - {òn Dak Lang, ntum Quảng Khê, kơnhoàl Dak Glong, càr Dak Nông pa cah is bơh [òn 3 mờ crơng gơs pơgap 2 nam do. Bơh dùl [òn ua\ ngan  kal ke, kơnờm bơh bơta  dong kờl bơh Đảng mờ Dà lơgar, bal mờ bơta brồ guh lơh ngan  bơh làng bol dê, jơgloh rbah neh gơmù, [òn Dak Lang tu\ do neh tam gơl muh mat pa niam mờ pas gơs rlau.

            Tu\ pa cah is [òn Dak Lang, mìng geh 90 hìu nha\ làng bol, den tu\ do neh geh mờr 300 hìu nha\. Dak Lak tu\ do ờ gam geh ala\ hìu ing tai bè ala\ nam lài, mờ ala  tàm hơ\ la ala\ hìu geh lơh niam dờng, gơ geh kuơ tus git nđờ rhiang tơlak pria\.

            Lòt jat gùng geh mut tàm Dak Lang hơ\ sồng geh go\ ngan ala\ tam gơl rài kis bơh làng bol tàm tiah do, geh cồng nha bè do, la kơnờm ngan bơh bơta lơh ngan bơh làng bol tàm tiah do tàm bơt bơtàu [òn lơgar pa. Ồng Nguyễn Xuân Tường cau làng tàm [òn Dak Lang, ntum Quảng Khê, kơnhoàl Dak Glong ai git:“Rài kis lơh broa\ sa bơh làng bol tàm do geh bơtàu tơngguh  rlau mờ lài ua\ ngan mờ ngan ngồn la srơh bơt bơtàu [òn lơgar pa. Làng bol tàm [òn cau dê geh git wa\  ngan, bơh srơh broa\ lơh gùt làng bol bơt bơtàu rài kis chài rgơi tàm [òn ơm kis, cau kuang mờ mpồl bơtìan bơh [òn geh mblàng pơlam ai tus làng bol in geh wa\ loh la he pal ba` kơp tàm bơta dong kờl bơh dà lơgar mờ pal geh lơh is ai ù nàng pơ gồp bal mờ dà lơgar kờ` bơt bơtàu [òn lơgar pa, làng bol geh wa\ loh geh bơta hơ\  mờ làng bol neh pal geh lơh is ai ù, kơl sang kơphe, tiêu, tờm điều ala\ bơta nàng lơh gùng”.

            Nam 2014 cih dờp tàm bơta tus lơh bal  pràn ngan, mờ ua\ ngan broa\ lơh niam mờ bơceh pa bơh [òn Dak Lang, kờ` pơ gồp bal mờ ntum Quảng Khê lơh gơs ờ ua\ broa\ lơh bơt bơtàu [òn lơgar pa. Mìng is bơt bơtàu phan bơna [òn lơgar, [òn Dak Lang neh tơr gùm geh bơh làng bol ta\ pơ gồp rlau 200 tơlak pria\, git nđờ rbô ngai lơh broa\. Tàm broa\ lơh gùng lòt, bơh bơta gùng lài den dềt, hat, tàm tu\  khà pria\ lơh bơh dà lơgar ờ ua\. Nàng gùng pa geh lơh dờng, kơnhoàl neh ai git pal tơrgùm tàm làng bol ta\ pria\, ngai lơh broa\ mờ ù ai is nàng geh sờl is ala\ phan bơna broa\ lơh. Pơnjat hơ\, làng bol geh lơh is ai ù git nđờ rbô thơt kơre, sờl is pơng gàr, kơl chi nàng pờ ơnàng gùng.

            Ồng Đinh Quang Nghị kis tàm [òn Dak Lang, ntum Quảng Khê, kơnhoàl Dak Glong neh dờp geh sra\ jờng tài bơta jak tus bal tàm broa\ ai ù lơh gùng, bơt bơtàu [òn lơgar pa. Ồng Đinh Quang Nghị ai git:“Làng bol geh lơh is ta\ pơ gồp nàng pờ gùng lòt rê bươn boài, bol a` geh lơh gùng  mờ ù tuh luh rơđeh, tơl cau geh ta\ dùl lồ ù la dùl tơlak mơ gùl pria\, cau ua\ den ta\ ua\ cau ê\t den ta\ ê\t, ta\ jat ơnàng sươn he dê”.

            Jat kuang bàng atbồ anih duh broa\ làng bol ntum Quảng Khê, cồng nha mut lơh broa\ lơh bơt bơtàu [òn lơgar pa tàm tơngai lài, geh bơta ta\ pơ gồp ua\ ngan bơh làng bol tàm [òn, tàm hơ\ mpờl go\ ngan la làng bol tàm [òn Dak Lang. Bulah  pa cah is, rài kis  lơh sa gam ua\ ngan kal ke mơya làng bol sùm lam lài, geh lơh is ta\ pơ gồp nàng bơt bơtàu ala\ phan bơna [òn lơgar. Ồng Nguyễn Hữu Kiện kuang atbồ anih duh broa\ làng bol ntum Quảng Khê, kơnhoàl Dak Glong ai git:“Mpờl go\ ngan la [òn Dak Lang geh ai tơr gùm tàm làng bol lơh geh rlau 5 kơi sồ gùng  cấp phối, cau dê geh lơh niam wơl tàm ala\ tiah mờ gùng tàm [òn kal ke lòt rê. Kờp jơh khà pria\  mờ  làng bol tàm [òn Dak Lang ta\ la rlau 200 tơlak pria\, geh ta\ is nàng lơh kừ` geh  lơh niam gùng gam gơbàn ua\ ngan kal ke tàm ntum”.

            Bal mờ tơrgùm geh bơh tàm  làng bol bơt bơtàu [òn lơgar pa, gơnoar atbồ [òn lơgar kung tơrgùm làng bol tàm [òn, pơnjat tai bơtàu tơngguh lơh sa bơt bơtàu rài kis chài rgơi pa. Gơtùi đơs tờm ngan la mờ bơta lơh ngan bơh gơnoar atbồ [òn lơgar bal mờ bơta kờ` bal jơnhua ngan bơh làng bol, muh mat [òn lơgar  tàm [òn Dak Lang gam tam gơl pah ngai mờ mùl màl la dùl anih àng sơdah tàm bơta mut lơh broa\ lơh dà lơgar bơt bơtàu [òn lơgar pa.

     K’ Hạnh ngui bơh Anih pờ tơlik jơnau đơs sơndio rùp Dak Nông, ]au mblàng K’ Brọp.