VOV4.K’ho- Poan càr tàm tiah Tây Nguyên là Gia Lai, Kon Tum, Dak Lak mờ Dak Nông gam lam cĭt tơngai dơ̆ 2 broă lơh cĭt sơnơm vaccine kơryan kòp Bạch hầu, khà cĭt sơnơm pa lơh geh rlau 80% ding dơ̆ 1 mờ rlau 50% ding dơ̆ 2, lơyah rlau pơn ndrờm mờ jơnau sồr neh ai.

Jat Viện Vệ sinh dịch tễ Tây Nguyên yal, tàm tơngai tŭ do, ală càr Tây Nguyên pa lam cĭt sơnơm vaccine kơryan kòp bạch hầu tàm tơngai dơ̆ 2, mờ khà cĭt ding dơ̆ dùl pa geh 84%, ding dơ̆ 2 pa geh rlau 50%. Gia Lai là tiah geh khà cĭt sơnơm vaccine tơngai dơ̆ 2 lơyài ngan rlau jơh tŭ mìng pa geh 72% ding dơ̆ 1 mờ 5% ding dơ̆ 2. Tàm tŭ hơ̆, dilah jat di mờ broă rơndap lơh, ală càr pal gam cĭt sơnơm vaccine kơryan kòp bạch hầu tơngai dơ̆ 3. Viện Vệ sinh dịch tễ Tây Nguyên đơs là, khà cĭt sơnơm vaccine lyài là tài bơh geh uă jơnau gơbàn, bè, bàr pe tiah ờ hềt ngan ngồn sền gròi, sồr lơh mhar; kòp gơmù lơh bàr pe nă làng bol ờ rcang sền ngăc, ờ lơh jat broă lơh cĭt sơnơm vaccine kơryan kòp; mpồl cau ndai den lòt lơh broă tàm tiah ngài dên gơ rềng tus tơngai cĭt sơnơm.

Cau mblàng K’ Hạnh