VOV4.K’ho- Kung tàm dơ\ bơyai lơh chờ kơphê Buôn Ma Thuột dơ\ 7 nam 2019 sơl, mang òr 11/3, tàm {làng dờng 10/3, Sở Nông nghiệp mờ Phát triển Nông thôn càr Dăk Lăk pơgồp bal mờ Công ty Cổ phần Phơng sih Bình Điền bơyai lơh dar pơrlòng du\t ndơl: Dơ\ pơrlòng Cau lơh broă sa tàm pơrlòng bơta jak nam 2019 bal mờ bơta tus bal tàm pơrlòng bơta jak bơh 4 mpồl: Dăk Lăk, Kon Tum, Lâm Đồng mờ Gia Lai dê.

Ală mpồl tus bal ală dar pơrlòng 

Mờ tơngume “Tam kơphê ngac ngar”, Dơ\ pơrlòng cau lơh broă sa tàm pơrlòng bơta jak nam 2019 geh lơh dờng, mờ uă bơta pa, geh bơyai lơh bơh [òn lơgar nàng sac rwah ală mpồl cau lơh broă sa tam kơphê pơnrơ tus bal dơ\ pơrlòng.

Mang tơn jơh dơ\ pơrlòng Cau lơh broă sa tàm pơrlòng bơta jak 

Dơ\ pơrlòng nam do nàng kờ` tơngkah cau lơh broă sa tam kơphê tàm gùt lơgar, ngan là ală càr tàm Tây Nguyên in sền dờng màng tus broă Tam phan ngac ngar nàng gơdờp mờ bơta ờ niam ngan ngai sơlơ gơbàn uă ngan bơh tam gơl trồ tiah dê; tơrmù [à priă tă bơcri lơh sa, tơnguh uă priă lơh geh, pơgồp bơnah sền gàr tiah ơm kis.

Mpồl bơyai lơh jàu khà dùl ai mpồl Gia Lai in 

Mpồl bơyai lơh neh jàu khà dùl kờp priă 30 tơlak ai mpồl Gia Lai in, mpồl Kon Tum pơrlòng geh khà bàr mờ priă jờng là 20 tơlak.

Cau mblàng Lơ Mu K’Yến