VOV4.K’ho- Jơnau kờ` tus lồi nam 2020 do, jơh gùt càr Lâm Đồng lơh ngan tơnguh 10% sur pơndrờm mờ quý 2 nam 2020. Tus lồi nam 2022, khà do pơn jăt tai gơguh 4% pơndrờm mờ nam 2021, pơgồp bơnah tơnguh khà phan tàm gah ròng phan bơh 16 tus 17% tàm rơndăp tăp sèng tàm dơlam is gah lơh broă sa sươn sre càr dê.

Jăt Sở Nông nghiệp mờ Phát triển Nông thôn càr Lâm Đồng dê yal, kòp jê ndul gơjroh sur châu Phi gơbàn uă ngan tàm ală kơnhoàl: Lâm Hà, Đức Trọng, Dà Teh mờ [òn dờng Bảo Lộc bơh ngai 21/6/2019 tus ngai 22/3/2020, lồi du\t pal pơgu\c mờ tơ\p te\ jơh rlau 70 rbô nơm sur, geh tus 20% tàm kờp jơh khà sur. Bơta kơn jơ\ khà sur pơrgu\c mờ tơ\p là rlau 4 tơlak 500 rbô tấn. Tus ngai 5/5/2020, Ủy ban Nhân dân càr Lâm Đồng neh yal jơh kòp jê ndul gơjroh sur châu Phi tàm càr. Bơh lùp sền tus lồi nhai 6 nam 2020, kờp jơh sur bơh jơh gùt càr Lâm Đồng dê geh mờr 380 rbô nơm, gơmù 6% pơndrờm mờ qúy 2 nam 2019. Mơya, tàm pơndrờm mờ jơh gùt tu\ tơngai bơh nam 2015- 2020, den sur bơh jơh gùt càr Lâm Đồng geh khà gơguh tai kờp bal 1,84% pah nam.

 Bơh ală bơnah priă dong kờl bơh Dà lơgar dê, ală mpồl lơh sa kă bro, anih ròng uă sur neh jơh nùs tam gơl rơndăp tăp sèng sơntìl sur ròng tơrgùm bal tàm ală kơnhoàl: Đức Trọng, Lâm Hà, Dà Oai, Dà Teh, Cát Tiên mờ [òn dờng Bảo Lộc. Khà sur lơgar ndai mờ sur bơtờp sơntìl pa geh tus 90% tàm kờp jơh khà sur. Tàm hơ\ sur kòn lời ròng lơh sur me geh tus 12%. Gùng dà ròng phan gam tam gơl jăt broă ròng tàm hìu bơnhă làng bol tus broă ròng uă mờ ròng di mơ; broă lơh bal ròng phan gam geh crơng gơs mờ ngai sơlơ rề ơnàng lơh uă rlau tai. Tu\ do, jơh gùt càr Lâm Đồng geh 306 anih ròng uă ngan sur bal mờ rlau 184 rbô nơm, geh tus pơgăp 50% kờp jơh khà sur. Mìng is sur me gam ròng deh kòn pơgăp 45 rbô 580 nơm, pah nhai deh geh bơh 72 rbô tus 75 rbô nơm sur kòn, rơ\p pa lơh geh khà 80% jơnau kờ` tơnguh sur, ròng wơl sur tàm jơh gùt càr dê.

Sở Nông nghiệp mờ Phát triển Nông thôn càr Lâm Đồng dê đơs: Broă ròng wơl sur bơh ală hìu bơnhă ròng phan dùl êt dê tìp kal ke tài bơh ală hìu bơnhă do ờ tơl priă jền mờ ờ geh sur kòn nàng ròng, bơta rong phan ờ hềt lơh geh niam ờdo ờdă sinh học, pơhìn uă rềs àr bơtờp wơl kòp. Broă đòm jăt ală broă lơh rcăng sơndră kòp, ờdo ờdă sinh học jăt tơl jơnau sồr bơh VietGaHP dê mìng bơh ală mpồl lơh sa kă bro lơh sră cih măt lơh. Ală tu\ lơh bal đah cau ròng phan mờ mpồl lơh sa kă bro mìng lơh uă tàm broă blơi, gơ sơ\t lơh puăc, kă bro phan bơna puăc sur lơm…

Tàm tu\ hơ\, ală anih lơh sa, kă bro dờng ndrờm bè mìng kă bro sur kòn ai ală anih ròng phan tàm ală anih ròng phan bơh he dê lơm. Den tàng bè hơ\, sur kòn drơng nàng tơnguh tai sur, ròng wơl tai sur gơ wèt mờ hìu bơnhă ròng dùl êt, ròng rah rai kung gam gơtìp mờ bơta ờ geh sur kòn nàng ròng.

Bè neh đơs, jơnau kờ` tus lồi nam 2020, kờp jơh sur bơh gùt càr Lâm Đồng dê geh rlau 416 rbô nơm, gơguh 10% pơndrờm mờ qúy 2 nam do dê. Mờ tus lồi nam 2022, geh khà sur bơh jơh gùt càr Lâm Đồng dê tu\ ờ hềt gơbàn kòp jê ndul gơjroh sur châu Phi bal mờ kờp jơh sur geh 450 rbô nơm sur, gơguh 4% pơndrờm mờ nam 2021. Tàm hơ\, sur me 54 rbô nơm. Ală mpồl broă lơh geh ai nàng pơgồp bal lam lơh geh jơnau kờ` tơnguh tai sur, ròng wơl sur pa yal, tàm hơ\ geh: Lam lơh sa ròng phan, ătbồ ròng phan, rơcăng sơndră kòp bơtờp, rề ơnàng drà kă bro phan bơna. Lài jơh, hòi jà ală anih rcăng lài blơi sur dam sur me bơh lơgar ndai rê ròng nàng rcăng lài lơh gơlik sur sơntìl tăc mờ cau ròng phan in. Dilah ờ geh lài sur sơntìl, den gah lơh broă sa sươn sre càr Lâm Đồng geh dan blơi bơh ală anih lơh gơlik sur kòn bơh Cục, Viện ròng phan dê ătbồ. Pơn jăt hơ\, pal gi\t bơta [ươn dipal nàng bơtàu tơnguh dùl ròt 3 tiah ròng phan tàm càr Lâm Đồng, tàm hơ\ geh: ròng sur deh kòn tàm ù tiah 3 kơnhoàl: Dà Oai, Dà Teh mờ Cát Tiên; ròng sur puăc tàm ală kơnhoàl: Đức Trọng, Lâm Hà, Bảo Lâm mờ [òn dờng Bảo Lộc; bơtàu tơnguh sur kòn cau tàm kơnhoàl Lạc Dương mờ kơnhoàl Dam Rong.

Kuơmàng là pal lơh geh gùng dà broă dong kờl broă lơh ală hợp tác xã, mpồl lơh broă bal lơh bal mờ mpồl lơh sa kă bro, anih ròng uă sur, hìu bơnhă bơtàu tơnguh ròng sur jăt gùng dà kơ\ kơl jăp jo\ jòng, đòm jăt ală broă bơto pơlam ròng phan VietGaHP dê, ờdo ờdă sinh học, ờdo ờdă kòp bơtờp, pal lơh geh niam phan bơna gơ jăt bal mờ kă bro kơ\ kơl jăp tàm drà tàm pơrlòng…

            Jăt sră báo Lâm Đồng- Cau mblàng Lơ Mu K’Yến